៥២-១. បរាមាសសម្បយុត្តទុក-កុសលត្តិកំ

១-៧. បដិច្ចវារាទិ

បច្ចយចតុក្កំ

ហេតុបច្ចយោ

១៥. បរាមាសវិប្បយុត្តំ កុសលំ ធម្មំ បដិច្ច បរាមាសវិប្បយុត្តោ កុសលោ ធម្មោ ឧប្បជ្ជតិ ហេតុបច្ចយា (សំខិត្តំ).

១៦. ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ).

(សហជាតវារេបិ …បេ… បញ្ហាវារេបិ សព្ពត្ថ ឯកំ.)

១៧. បរាមាសសម្បយុត្តំ អកុសលំ ធម្មំ បដិច្ច បរាមាសសម្បយុត្តោ អកុសលោ ធម្មោ ឧប្បជ្ជតិ ហេតុបច្ចយា. (១)

បរាមាសវិប្បយុត្តំ អកុសលំ ធម្មំ បដិច្ច បរាមាសវិប្បយុត្តោ អកុសលោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

១៨. ហេតុយា ទ្វេ, អារម្មណេ ទ្វេ (សព្ពត្ថ ទ្វេ)…បេ… អវិគតេ ទ្វេ (សំខិត្តំ).

នហេតុយា ឯកំ, នអធិបតិយា ទ្វេ (សព្ពត្ថ ទ្វេ)…បេ… នវិប្បយុត្តេ ទ្វេ (សំខិត្តំ). (សហជាតវារោបិ…បេ… សម្បយុត្តវារោបិ វិត្ថារេតព្ពា.)

១៩. បរាមាសសម្បយុត្តោ អកុសលោ ធម្មោ បរាមាសសម្បយុត្តស្ស អកុសលស្ស ធម្មស្ស ហេតុបច្ចយេន បច្ចយោ. (១)

បរាមាសវិប្បយុត្តោ អកុសលោ ធម្មោ បរាមាសវិប្បយុត្តស្ស អកុសលស្ស ធម្មស្ស ហេតុបច្ចយេន បច្ចយោ. (១) (សំខិត្តំ.)

២០. ហេតុយា ទ្វេ, អារម្មណេ ចត្តារិ, អធិបតិយា ចត្តារិ (មជ្ឈិមេ ច អន្តេ ច អារម្មណាធិបតិ), អនន្តរេ ទ្វេ…បេ… សហជាតេ ទ្វេ…បេ… ឧបនិស្សយេ ចត្តារិ, អាសេវនេ ទ្វេ, កម្មេ ទ្វេ, អាហារេ ទ្វេ…បេ… មគ្គេ ទ្វេ…បេ… អវិគតេ ទ្វេ (សំខិត្តំ).

២១. បរាមាសវិប្បយុត្តំ អព្យាកតំ ធម្មំ បដិច្ច បរាមាសវិប្បយុត្តោ អព្យាកតោ ធម្មោ ឧប្បជ្ជតិ ហេតុបច្ចយា (សំខិត្តំ).

២២. ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ).

(សហជាតវារេបិ…បេ… បញ្ហាវារេបិ សព្ពត្ថ ឯកំ.)