៥៣-១. បរាមាសបរាមដ្ឋទុក-កុសលត្តិកំ

១-៧. បដិច្ចវារាទិ

បច្ចយចតុក្កំ

២៣. បរាមដ្ឋញ្ចេវ នោ ច បរាមាសំ កុសលំ ធម្មំ បដិច្ច បរាមដ្ឋោ ចេវ នោ ច បរាមាសោ កុសលោ ធម្មោ ឧប្បជ្ជតិ ហេតុបច្ចយា (សំខិត្តំ).

២៤. ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ).

(សហជាតវារេបិ…បេ… បញ្ហាវារេបិ សព្ពត្ថ ឯកំ.)

២៥. បរាមាសញ្ចេវ បរាមដ្ឋញ្ច អកុសលំ ធម្មំ បដិច្ច បរាមដ្ឋោ ចេវ នោ ច បរាមាសោ អកុសលោ ធម្មោ ឧប្បជ្ជតិ ហេតុបច្ចយា… ឯកំ.

បរាមដ្ឋញ្ចេវ នោ ច បរាមាសំ អកុសលំ ធម្មំ បដិច្ច បរាមដ្ឋោ ចេវ នោ ច បរាមាសោ អកុសលោ ធម្មោ ឧប្បជ្ជតិ ហេតុបច្ចយា… តីណិ.

បរាមាសញ្ចេវ បរាមដ្ឋំ អកុសលញ្ច បរាមដ្ឋញ្ចេវ នោ ច បរាមាសំ អកុសលញ្ច ធម្មំ បដិច្ច បរាមដ្ឋោ ចេវ នោ ច បរាមាសោ អកុសលោ ធម្មោ ឧប្បជ្ជតិ ហេតុបច្ចយា… ឯកំ (សំខិត្តំ).

២៦. ហេតុយា បញ្ច, អារម្មណេ បញ្ច…បេ… អវិគតេ បញ្ច (សំខិត្តំ).

(សហជាតវារម្បិ…បេ… សម្បយុត្តវារម្បិ វិត្ថារេតព្ពំ.)

២៧. បរាមដ្ឋោ ចេវ នោ ច បរាមាសោ អកុសលោ ធម្មោ បរាមដ្ឋស្ស ចេវ នោ ច បរាមាសស្ស អកុសលស្ស ធម្មស្ស ហេតុបច្ចយេន បច្ចយោ (សំខិត្តំ).

២៨. ហេតុយា តីណិ, អារម្មណេ នវ, អធិបតិយា នវ…បេ… អវិគតេ បញ្ច (សំខិត្តំ).

(យថា កុសលត្តិកេ បញ្ហាវារស្ស អនុលោមម្បិ បច្ចនីយម្បិ អនុលោមបច្ចនីយម្បិ បច្ចនីយានុលោមម្បិ គណិតំ, ឯវំ គណេតព្ពំ.)

២៩. បរាមដ្ឋញ្ចេវ នោ ច បរាមាសំ អព្យាកតំ ធម្មំ បដិច្ច បរាមដ្ឋោ ចេវ នោ ច បរាមាសោ អព្យាកតោ ធម្មោ ឧប្បជ្ជតិ ហេតុបច្ចយា (សំខិត្តំ).

៣០. ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ). (សហជាតវារេបិ…បេ… បញ្ហាវារេបិ សព្ពត្ថ ឯកំ.)