១-៧. បដិច្ចវារាទិ

បច្ចយចតុក្កំ

ហេតុបច្ចយោ

១០. សញ្ញោជនិយំ កុសលំ ធម្មំ បដិច្ច សញ្ញោជនិយោ កុសលោ ធម្មោ ឧប្បជ្ជតិ ហេតុបច្ចយា. (១)

អសញ្ញោជនិយំ កុសលំ ធម្មំ បដិច្ច អសញ្ញោជនិយោ កុសលោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

១១. ហេតុយា ទ្វេ, អារម្មណេ ទ្វេ (សំខិត្តំ).

(យថា ចូឡន្តរទុកេ លោកិយទុកគមនំ, ឯវំ ឥមម្បិ ញាតព្ពំ. សហជាតវារោបិ…បេ… បញ្ហាវារោបិ វិត្ថារេតព្ពា.)

១២. សញ្ញោជនិយំ អកុសលំ ធម្មំ បដិច្ច សញ្ញោជនិយោ អកុសលោ ធម្មោ ឧប្បជ្ជតិ ហេតុបច្ចយា (សំខិត្តំ).

១៣. ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ).

(សហជាតវារេបិ…បេ… បញ្ហាវារេបិ សព្ពត្ថ ឯកំ.)

អព្យាកតបទំ

ហេតុបច្ចយោ

១៤. សញ្ញោជនិយំ អព្យាកតំ ធម្មំ បដិច្ច សញ្ញោជនិយោ អព្យាកតោ ធម្មោ ឧប្បជ្ជតិ ហេតុបច្ចយា. (១)

អសញ្ញោជនិយំ អព្យាកតំ ធម្មំ បដិច្ច អសញ្ញោជនិយោ អព្យាកតោ ធម្មោ ឧប្បជ្ជតិ ហេតុបច្ចយា. អសញ្ញោជនិយំ អព្យាកតំ ធម្មំ បដិច្ច សញ្ញោជនិយោ អព្យាកតោ ធម្មោ ឧប្បជ្ជតិ ហេតុបច្ចយា. អសញ្ញោជនិយំ អព្យាកតំ ធម្មំ បដិច្ច សញ្ញោជនិយោ អព្យាកតោ ច អសញ្ញោជនិយោ អព្យាកតោ ច ធម្មា ឧប្បជ្ជន្តិ ហេតុបច្ចយា. (៣)

សញ្ញោជនិយំ អព្យាកតញ្ច អសញ្ញោជនិយំ អព្យាកតញ្ច ធម្មំ បដិច្ច សញ្ញោជនិយោ អព្យាកតោ ធម្មោ ឧប្បជ្ជតិ ហេតុបច្ចយា. (១)

១៥. ហេតុយា បញ្ច, អារម្មណេ ទ្វេ, អធិបតិយា បញ្ច…បេ… អវិគតេ បញ្ច (សំខិត្តំ).

ចូឡន្តរទុកេ លោកិយទុកសទិសំ. (សហជាតវារោបិ…បេ… សម្បយុត្តវារោបិ វិត្ថារេតព្ពា.)