៧. បញ្ហាវារោ

ហេតុបច្ចយោ

១៦. សញ្ញោជនិយោ អព្យាកតោ ធម្មោ សញ្ញោជនិយស្ស អព្យាកតស្ស ធម្មស្ស ហេតុបច្ចយេន បច្ចយោ. (១)

អសញ្ញោជនិយោ អព្យាកតោ ធម្មោ អសញ្ញោជនិយស្ស អព្យាកតស្ស ធម្មស្ស ហេតុបច្ចយេន បច្ចយោ… តីណិ (សំខិត្តំ).

១៧. ហេតុយា ចត្តារិ, អារម្មណេ តីណិ, អធិបតិយា ចត្តារិ…បេ… អវិគតេ សត្ត (សំខិត្តំ).

បច្ចនីយុទ្ធារោ

១៨. សញ្ញោជនិយោ អព្យាកតោ ធម្មោ សញ្ញោជនិយស្ស អព្យាកតស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ (សំខិត្តំ).

១៩. នហេតុយា សត្ត, នអារម្មណេ សត្ត (សំខិត្តំ).

ហេតុបច្ចយា នអារម្មណេ ចត្តារិ (សំខិត្តំ).

នហេតុបច្ចយា អារម្មណេ តីណិ (សំខិត្តំ).

(យថា កុសលត្តិកេ បញ្ហាវារស្ស អនុលោមម្បិ បច្ចនីយម្បិ អនុលោមបច្ចនីយម្បិ បច្ចនីយានុលោមម្បិ គណិតំ, ឯវំ គណេតព្ពំ.)