អព្យាកតបទំ

ហេតុបច្ចយោ

៥០. អាសវវិប្បយុត្តំ សាសវំ អព្យាកតំ ធម្មំ បដិច្ច អាសវវិប្បយុត្តោ សាសវោ អព្យាកតោ ធម្មោ ឧប្បជ្ជតិ ហេតុបច្ចយា. (១)

អាសវវិប្បយុត្តំ អនាសវំ អព្យាកតំ ធម្មំ បដិច្ច អាសវវិប្បយុត្តោ អនាសវោ អព្យាកតោ ធម្មោ ឧប្បជ្ជតិ ហេតុបច្ចយា. អាសវវិប្បយុត្តំ អនាសវំ អព្យាកតំ ធម្មំ បដិច្ច អាសវវិប្បយុត្តោ សាសវោ អព្យាកតោ ធម្មោ ឧប្បជ្ជតិ ហេតុបច្ចយា. អាសវវិប្បយុត្តំ អនាសវំ អព្យាកតំ ធម្មំ បដិច្ច អាសវវិប្បយុត្តោ សាសវោ អព្យាកតោ ច អាសវវិប្បយុត្តោ អនាសវោ អព្យាកតោ ច ធម្មា ឧប្បជ្ជន្តិ ហេតុបច្ចយា. (៣)

អាសវវិប្បយុត្តំ សាសវំ អព្យាកតញ្ច អាសវវិប្បយុត្តំ អនាសវំ អព្យាកតញ្ច ធម្មំ បដិច្ច អាសវវិប្បយុត្តោ សាសវោ អព្យាកតោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

៥១. ហេតុយា បញ្ច, អារម្មណេ ទ្វេ, អធិបតិយា បញ្ច…បេ… អាសេវនេ ឯកំ, កម្មេ បញ្ច, វិបាកេ បញ្ច…បេ… អវិគតេ បញ្ច (សំខិត្តំ).

បច្ចនីយំ

នហេតុបច្ចយោ

៥២. អាសវវិប្បយុត្តំ សាសវំ អព្យាកតំ ធម្មំ បដិច្ច អាសវវិប្បយុត្តោ សាសវោ អព្យាកតោ ធម្មោ ឧប្បជ្ជតិ នហេតុបច្ចយា (សំខិត្តំ).

៥៣. នហេតុយា ឯកំ, នអារម្មណេ តីណិ, នអធិបតិយា ទ្វេ …បេ… នបុរេជាតេ ចត្តារិ, នបច្ឆាជាតេ នអាសេវនេ បញ្ច, នកម្មេ នវិបាកេ…បេ… នមគ្គេ ឯកំ…បេ… នវិប្បយុត្តេ ទ្វេ…បេ… នោវិគតេ តីណិ (សំខិត្តំ).

(សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ បដិច្ចវារសទិសា វិត្ថារេតព្ពា.)