១-៦. បដិច្ចវារាទិ

បច្ចយចតុក្កំ

ហេតុបច្ចយោ

៩៧. នហេតុំ សហេតុកំ អព្យាកតំ ធម្មំ បដិច្ច នហេតុ សហេតុកោ អព្យាកតោ ធម្មោ ឧប្បជ្ជតិ ហេតុបច្ចយា. នហេតុំ សហេតុកំ អព្យាកតំ ធម្មំ បដិច្ច នហេតុ អហេតុកោ អព្យាកតោ ធម្មោ ឧប្បជ្ជតិ ហេតុបច្ចយា. នហេតុំ សហេតុកំ អព្យាកតំ ធម្មំ បដិច្ច នហេតុ សហេតុកោ អព្យាកតោ ច នហេតុ អហេតុកោ អព្យាកតោ ច ធម្មា ឧប្បជ្ជន្តិ ហេតុបច្ចយា. (៣)

នហេតុំ អហេតុកំ អព្យាកតំ ធម្មំ បដិច្ច នហេតុ អហេតុកោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ.

នហេតុំ សហេតុកំ អព្យាកតញ្ច នហេតុំ អហេតុកំ អព្យាកតញ្ច ធម្មំ បដិច្ច នហេតុ សហេតុកោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ (សំខិត្តំ).

៩៨. ហេតុយា នវ, អារម្មណេ ចត្តារិ, អធិបតិយា បញ្ច…បេ… បុរេជាតេ អាសេវនេ ទ្វេ, កម្មេ នវ, វិបាកេ នវ…បេ… អវិគតេ នវ (សំខិត្តំ).

នហេតុបច្ចយោ

៩៩. នហេតុំ អហេតុកំ អព្យាកតំ ធម្មំ បដិច្ច នហេតុ អហេតុកោ អព្យាកតោ ធម្មោ ឧប្បជ្ជតិ នហេតុបច្ចយា (សំខិត្តំ).

១០០. នហេតុយា ឯកំ, នអារម្មណេ តីណិ, នអធិបតិយា នវ, នអនន្តរេ តីណិ, នសមនន្តរេ តីណិ, នអញ្ញមញ្ញេ តីណិ, នឧបនិស្សយេ តីណិ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ ទ្វេ, នវិបាកេ បញ្ច, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ ទ្វេ, នោនត្ថិយា តីណិ, នោវិគតេ តីណិ (សំខិត្តំ).

ហេតុបច្ចយា នអារម្មណេ តីណិ (សំខិត្តំ).

នហេតុបច្ចយា អារម្មណេ ឯកំ (សំខិត្តំ).

(សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ បដិច្ចវារសទិសា វិត្ថារេតព្ពា.)