១-៦. បដិច្ចវារាទិ

បច្ចយចតុក្កំ

ហេតុបច្ចយោ

៧១. ហេតុញ្ចេវ ហេតុសម្បយុត្តញ្ច កុសលំ ធម្មំ បដិច្ច ហេតុ ចេវ ហេតុសម្បយុត្តោ ច កុសលោ ធម្មោ ឧប្បជ្ជតិ ហេតុបច្ចយា. ហេតុញ្ចេវ ហេតុសម្បយុត្តញ្ច កុសលំ ធម្មំ បដិច្ច ហេតុសម្បយុត្តោ ចេវ ន ច ហេតុ កុសលោ ធម្មោ ឧប្បជ្ជតិ ហេតុបច្ចយា (សំខិត្តំ).

៧២. ហេតុយា នវ, អារម្មណេ នវ…បេ… អវិគតេ នវ (សំខិត្តំ).

នអធិបតិបច្ចយោ

៧៣. ហេតុញ្ចេវ ហេតុសម្បយុត្តញ្ច កុសលំ ធម្មំ បដិច្ច ហេតុ ចេវ ហេតុសម្បយុត្តោ ច កុសលោ ធម្មោ ឧប្បជ្ជតិ នអធិបតិបច្ចយា (សំខិត្តំ).

៧៤. នអធិបតិយា នវ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នវិប្បយុត្តេ នវ (សំខិត្តំ).

ហេតុបច្ចយា នអធិបតិយា នវ (សំខិត្តំ).

អធិបតិបច្ចយា ហេតុយា នវ (សំខិត្តំ).

(សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ បដិច្ចវារសទិសា វិត្ថារេតព្ពា.)