១-៦. បដិច្ចវារាទិ

បច្ចយចតុក្កំ

ហេតុបច្ចយោ

៤៧. ហេតុញ្ចេវ សហេតុកញ្ច កុសលំ ធម្មំ បដិច្ច ហេតុ ចេវ សហេតុកោ ច កុសលោ ធម្មោ ឧប្បជ្ជតិ ហេតុបច្ចយា… តីណិ.

សហេតុកញ្ចេវ ន ច ហេតុំ កុសលំ ធម្មំ បដិច្ច សហេតុកោ ចេវ ន ច ហេតុ កុសលោ ធម្មោ ឧប្បជ្ជតិ ហេតុបច្ចយា… តីណិ.

ហេតុញ្ចេវ សហេតុកញ្ច កុសលញ្ច សហេតុកញ្ចេវ ន ច ហេតុំ កុសលញ្ច ធម្មំ បដិច្ច ហេតុ ចេវ សហេតុកោ ច កុសលោ ធម្មោ ឧប្បជ្ជតិ ហេតុបច្ចយា… តីណិ (សំខិត្តំ).

៤៨. ហេតុយា នវ, អារម្មណេ នវ…បេ… កម្មេ នវ, អាហារេ នវ…បេ… អវិគតេ នវ (សំខិត្តំ).

នអធិបតិបច្ចយោ

៤៩. ហេតុញ្ចេវ សហេតុកញ្ច កុសលំ ធម្មំ បដិច្ច ហេតុ ចេវ សហេតុកោ ច កុសលោ ធម្មោ ឧប្បជ្ជតិ នអធិបតិបច្ចយា (សំខិត្តំ).

៥០. នអធិបតិយា នវ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នវិប្បយុត្តេ នវ (សំខិត្តំ).

ហេតុបច្ចយា នអធិបតិយា នវ (សំខិត្តំ).

នអធិបតិបច្ចយា ហេតុយា នវ (សំខិត្តំ).

(សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ បដិច្ចវារសទិសា វិត្ថារេតព្ពា.)