១-៦. បដិច្ចវារាទិ

បច្ចយចតុក្កំ

ហេតុ-អារម្មណបច្ចយា

១. សហេតុកំ កុសលំ ធម្មំ បដិច្ច សហេតុកោ កុសលោ ធម្មោ ឧប្បជ្ជតិ ហេតុបច្ចយា. (១)

សហេតុកំ កុសលំ ធម្មំ បដិច្ច សហេតុកោ កុសលោ ធម្មោ ឧប្បជ្ជតិ អារម្មណបច្ចយា. (១) (សំខិត្តំ.)

២. ហេតុយា ឯកំ, អារម្មណេ ឯកំ, អធិបតិយា ឯកំ, អនន្តរេ ឯកំ, សមនន្តរេ ឯកំ, សហជាតេ ឯកំ, អញ្ញមញ្ញេ ឯកំ, និស្សយេ ឯកំ, ឧបនិស្សយេ ឯកំ, បុរេជាតេ ឯកំ, អាសេវនេ ឯកំ, កម្មេ ឯកំ, អាហារេ ឯកំ…បេ… អវិគតេ ឯកំ (សំខិត្តំ).

បច្ចនីយំ

នអធិបតិបច្ចយោ

៣. សហេតុកំ កុសលំ ធម្មំ បដិច្ច សហេតុកោ កុសលោ ធម្មោ ឧប្បជ្ជតិ នអធិបតិបច្ចយា (សំខិត្តំ).

៤. នអធិបតិយា ឯកំ, នបុរេជាតេ ឯកំ, នបច្ឆាជាតេ ឯកំ, នអាសេវនេ ឯកំ, នកម្មេ ឯកំ, នវិបាកេ ឯកំ, នវិប្បយុត្តេ ឯកំ (សំខិត្តំ).

ហេតុបច្ចយា នអធិបតិយា ឯកំ (សំខិត្តំ).

នអធិបតិបច្ចយា ហេតុយា ឯកំ (សំខិត្តំ).

(សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ បដិច្ចវារសទិសា វិត្ថារេតព្ពា.)