១-៧. បដិច្ចវារាទិ

ហេតុបច្ចយោ

១២៨. អជ្ឈត្តំ សរណំ ធម្មំ បដិច្ច អជ្ឈត្តោ សរណោ ធម្មោ ឧប្បជ្ជតិ ហេតុបច្ចយា.

ពហិទ្ធា សរណំ ធម្មំ បដិច្ច ពហិទ្ធា សរណោ ធម្មោ ឧប្បជ្ជតិ ហេតុបច្ចយា.

ហេតុយា ទ្វេ…បេ… អវិគតេ ទ្វេ (សំខិត្តំ).

(សហជាតវារេបិ…បេ… បញ្ហាវារេបិ សព្ពត្ថ វិត្ថារោ.)

១២៩. អជ្ឈត្តំ អរណំ ធម្មំ បដិច្ច អជ្ឈត្តោ អរណោ ធម្មោ ឧប្បជ្ជតិ ហេតុបច្ចយា. (១)

ពហិទ្ធា អរណំ ធម្មំ បដិច្ច ពហិទ្ធា អរណោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា ទ្វេ…បេ… អវិគតេ ទ្វេ (សំខិត្តំ).

(សហជាតវារេបិ…បេ… បញ្ហាវារេបិ សព្ពត្ថ វិត្ថារោ.)