១-៩៩. កុសលត្តិក-សឧត្តរទុកំ

១-៧. បដិច្ចវារាទិ

បច្ចយចតុក្កំ

៥៣. កុសលំ សឧត្តរំ ធម្មំ បដិច្ច កុសលោ សឧត្តរោ ធម្មោ ឧប្បជ្ជតិ ហេតុបច្ចយា… តីណិ.

អកុសលំ សឧត្តរំ ធម្មំ បដិច្ច អកុសលោ សឧត្តរោ ធម្មោ ឧប្បជ្ជតិ ហេតុបច្ចយា… តីណិ.

អព្យាកតំ សឧត្តរំ ធម្មំ បដិច្ច អព្យាកតោ សឧត្តរោ ធម្មោ ឧប្បជ្ជតិ ហេតុបច្ចយា. (១)

កុសលំ សឧត្តរញ្ច អព្យាកតំ សឧត្តរញ្ច ធម្មំ បដិច្ច អព្យាកតោ សឧត្តរោ ធម្មោ ឧប្បជ្ជតិ ហេតុបច្ចយា. (១)

អកុសលំ សឧត្តរញ្ច អព្យាកតំ សឧត្តរញ្ច ធម្មំ បដិច្ច អព្យាកតោ សឧត្តរោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

៥៤. ហេតុយា នវ, អារម្មណេ តីណិ…បេ… អវិគតេ នវ (សំខិត្តំ. សហជាតវារម្បិ…បេ… សម្បយុត្តវារម្បិ បដិច្ចវារសទិសំ).

៥៥. កុសលោ សឧត្តរោ ធម្មោ កុសលស្ស សឧត្តរស្ស ធម្មស្ស ហេតុបច្ចយេន បច្ចយោ… តីណិ.

អកុសលោ សឧត្តរោ ធម្មោ អកុសលស្ស សឧត្តរស្ស ធម្មស្ស ហេតុបច្ចយេន បច្ចយោ… តីណិ.

អព្យាកតោ សឧត្តរោ ធម្មោ អព្យាកតស្ស សឧត្តរស្ស ធម្មស្ស ហេតុបច្ចយេន បច្ចយោ. (១) (សំខិត្តំ.)

៥៦. ហេតុយា សត្ត, អារម្មណេ នវ, អធិបតិយា នវ…បេ… អវិគតេ តេរស (សំខិត្តំ).

អនុត្តរបទំ

ហេតុ-អារម្មណបច្ចយា

៥៧. កុសលំ អនុត្តរំ ធម្មំ បដិច្ច កុសលោ អនុត្តរោ ធម្មោ ឧប្បជ្ជតិ ហេតុបច្ចយា. (១)

អព្យាកតំ អនុត្តរំ ធម្មំ បដិច្ច អព្យាកតោ អនុត្តរោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា ទ្វេ, អារម្មណេ ទ្វេ…បេ… អវិគតេ ទ្វេ (សំខិត្តំ. សហជាតវារម្បិ…បេ… សម្បយុត្តវារម្បិ បដិច្ចវារសទិសំ).

៥៨. កុសលោ អនុត្តរោ ធម្មោ កុសលស្ស អនុត្តរស្ស ធម្មស្ស ហេតុបច្ចយេន បច្ចយោ. (១)

អព្យាកតោ អនុត្តរោ ធម្មោ អព្យាកតស្ស អនុត្តរស្ស ធម្មស្ស ហេតុបច្ចយេន បច្ចយោ. (១)

អព្យាកតោ អនុត្តរោ ធម្មោ អព្យាកតស្ស អនុត្តរស្ស ធម្មស្ស អារម្មណបច្ចយេន បច្ចយោ. (១)

អព្យាកតោ អនុត្តរោ ធម្មោ កុសលស្ស អនុត្តរស្ស ធម្មស្ស អារម្មណបច្ចយេន បច្ចយោ. (១) (សំខិត្តំ.)

៥៩. ហេតុយា ទ្វេ, អារម្មណេ ទ្វេ, អធិបតិយា តីណិ, អនន្តរេ ទ្វេ…បេ… អវិគតេ ទ្វេ (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)

១-១០០. កុសលត្តិក-សរណទុកំ

១-៧. បដិច្ចវារាទិ

បច្ចយចតុក្កំ

៦០. អកុសលំ សរណំ ធម្មំ បដិច្ច អកុសលោ សរណោ ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ឯកំ…បេ… អវិគតេ ឯកំ (សំខិត្តំ).

(សហជាតវារេបិ…បេ… បញ្ហាវារេបិ សព្ពត្ថ ឯកំ.)

៦១. កុសលំ អរណំ ធម្មំ បដិច្ច កុសលោ អរណោ ធម្មោ ឧប្បជ្ជតិ ហេតុបច្ចយា… តីណិ.

អព្យាកតំ អរណំ ធម្មំ បដិច្ច អព្យាកតោ អរណោ ធម្មោ ឧប្បជ្ជតិ ហេតុបច្ចយា. (១)

កុសលំ អរណញ្ច អព្យាកតំ អរណញ្ច ធម្មំ បដិច្ច អព្យាកតោ អរណោ ធម្មោ ឧប្បជ្ជតិ ហេតុបច្ចយា. (១)

កុសលំ អរណំ ធម្មំ បដិច្ច កុសលោ អរណោ ធម្មោ ឧប្បជ្ជតិ អារម្មណបច្ចយា. (១)

អព្យាកតំ អរណំ ធម្មំ បដិច្ច អព្យាកតោ អរណោ ធម្មោ ឧប្បជ្ជតិ អារម្មណបច្ចយា. (១) (សំខិត្តំ.)

៦២. ហេតុយា បញ្ច, អារម្មណេ ទ្វេ…បេ… អវិគតេ បញ្ច (សំខិត្តំ. សហជាតវារម្បិ…បេ… សម្បយុត្តវារម្បិ បដិច្ចវារសទិសំ).

៦៣. កុសលោ អរណោ ធម្មោ កុសលស្ស អរណស្ស ធម្មស្ស ហេតុបច្ចយេន បច្ចយោ… តីណិ.

អព្យាកតោ អរណោ ធម្មោ អព្យាកតស្ស អរណស្ស ធម្មស្ស ហេតុបច្ចយេន បច្ចយោ. (១) (សំខិត្តំ.)

៦៤. ហេតុយា ចត្តារិ, អារម្មណេ ចត្តារិ…បេ… អវិគតេ សត្ត (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)

កុសលត្តិកបិដ្ឋិទុកំ និដ្ឋិតំ.

២-១០០. វេទនាត្តិក-សរណទុកំ

១-៧. បដិច្ចវារាទិ

បច្ចយចតុក្កំ

៦៥. សុខាយ វេទនាយ សម្បយុត្តំ សរណំ ធម្មំ បដិច្ច សុខាយ វេទនាយ សម្បយុត្តោ សរណោ ធម្មោ ឧប្បជ្ជតិ ហេតុបច្ចយា. (១)

ទុក្ខាយ វេទនាយ សម្បយុត្តំ សរណំ ធម្មំ បដិច្ច ទុក្ខាយ វេទនាយ សម្បយុត្តោ សរណោ ធម្មោ ឧប្បជ្ជតិ ហេតុបច្ចយា. (១)

អទុក្ខមសុខាយ វេទនាយ សម្បយុត្តំ សរណំ ធម្មំ បដិច្ច អទុក្ខមសុខាយ វេទនាយ សម្បយុត្តោ សរណោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

៦៦. ហេតុយា តីណិ…បេ… អវិគតេ តីណិ (សំខិត្តំ).

(សហជាតវារម្បិ…បេ… សម្បយុត្តវារម្បិ បដិច្ចវារសទិសំ.)

៦៧. សុខាយ វេទនាយ សម្បយុត្តោ សរណោ ធម្មោ សុខាយ វេទនាយ សម្បយុត្តស្ស សរណស្ស ធម្មស្ស ហេតុបច្ចយេន បច្ចយោ. (១)

ទុក្ខាយ វេទនាយ សម្បយុត្តោ សរណោ ធម្មោ ទុក្ខាយ វេទនាយ សម្បយុត្តស្ស សរណស្ស ធម្មស្ស ហេតុបច្ចយេន បច្ចយោ. (១)

អទុក្ខមសុខាយ វេទនាយ សម្បយុត្តោ សរណោ ធម្មោ អទុក្ខមសុខាយ វេទនាយ សម្បយុត្តស្ស សរណស្ស ធម្មស្ស ហេតុបច្ចយេន បច្ចយោ. (១) (សំខិត្តំ.)

៦៨. ហេតុយា តីណិ, អារម្មណេ នវ…បេ… អវិគតេ តីណិ (សំខិត្តំ. យថា កុសលត្តិកេ បញ្ហាវារំ, ឯវំ វិត្ថារេតព្ពំ).

អរណបទំ

ហេតុបច្ចយោ

៦៩. សុខាយ វេទនាយ សម្បយុត្តំ អរណំ ធម្មំ បដិច្ច សុខាយ វេទនាយ សម្បយុត្តោ អរណោ ធម្មោ ឧប្បជ្ជតិ ហេតុបច្ចយា.

អទុក្ខមសុខាយ វេទនាយ សម្បយុត្តំ អរណំ ធម្មំ បដិច្ច អទុក្ខមសុខាយ វេទនាយ សម្បយុត្តោ អរណោ ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ទ្វេ, អារម្មណេ តីណិ…បេ… អវិគតេ តីណិ (សំខិត្តំ).

(សហជាតវារម្បិ…បេ… សម្បយុត្តវារម្បិ បដិច្ចវារសទិសំ).

៧០. សុខាយ វេទនាយ សម្បយុត្តោ អរណោ ធម្មោ សុខាយ វេទនាយ សម្បយុត្តស្ស អរណស្ស ធម្មស្ស ហេតុបច្ចយេន បច្ចយោ. (១)

អទុក្ខមសុខាយ វេទនាយ សម្បយុត្តោ អរណោ ធម្មោ អទុក្ខមសុខាយ វេទនាយ សម្បយុត្តស្ស អរណស្ស ធម្មស្ស ហេតុបច្ចយេន បច្ចយោ. (១) (សំខិត្តំ.)

៧១. ហេតុយា ទ្វេ, អារម្មណេ ឆ…បេ… អវិគតេ តីណិ (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)

៣-១០០. វិបាកត្តិក-សរណទុកំ

១-៧. បដិច្ចវារាទិ

បច្ចយចតុក្កំ

៧២. វិបាកធម្មធម្មំ សរណំ ធម្មំ បដិច្ច វិបាកធម្មធម្មោ សរណោ ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ឯកំ…បេ… អវិគតេ ឯកំ (សំខិត្តំ).

(សហជាតវារេបិ…បេ… បញ្ហាវារេបិ សព្ពត្ថ ឯកំ.)

៧៣. វិបាកំ អរណំ ធម្មំ បដិច្ច វិបាកោ អរណោ ធម្មោ ឧប្បជ្ជតិ ហេតុបច្ចយា… តីណិ.

វិបាកធម្មធម្មំ អរណំ ធម្មំ បដិច្ច វិបាកធម្មធម្មោ អរណោ ធម្មោ ឧប្បជ្ជតិ ហេតុបច្ចយា… តីណិ.

នេវវិបាកនវិបាកធម្មធម្មំ អរណំ ធម្មំ បដិច្ច នេវវិបាកនវិបាកធម្មធម្មោ អរណោ ធម្មោ ឧប្បជ្ជតិ ហេតុបច្ចយា… តីណិ.

វិបាកំ អរណញ្ច នេវវិបាកនវិបាកធម្មធម្មំ អរណញ្ច ធម្មំ បដិច្ច វិបាកោ អរណោ ធម្មោ ឧប្បជ្ជតិ ហេតុបច្ចយា… តីណិ.

វិបាកធម្មធម្មំ អរណញ្ច នេវវិបាកនវិបាកធម្មធម្មំ អរណញ្ច ធម្មំ បដិច្ច នេវវិបាកនវិបាកធម្មធម្មោ អរណោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

៧៤. ហេតុយា តេរស, អារម្មណេ បញ្ច…បេ… អវិគតេ តេរស (សំខិត្តំ. សហជាតវារម្បិ…បេ… សម្បយុត្តវារម្បិ បដិច្ចវារសទិសំ).

៧៥. វិបាកោ អរណោ ធម្មោ វិបាកស្ស អរណស្ស ធម្មស្ស ហេតុបច្ចយេន បច្ចយោ… តីណិ.

វិបាកធម្មធម្មោ អរណោ ធម្មោ វិបាកធម្មធម្មស្ស អរណស្ស ធម្មស្ស ហេតុបច្ចយេន បច្ចយោ… តីណិ.

នេវវិបាកនវិបាកធម្មធម្មោ អរណោ ធម្មោ នេវវិបាកនវិបាកធម្មធម្មស្ស អរណស្ស ធម្មស្ស ហេតុបច្ចយេន បច្ចយោ. (១) (សំខិត្តំ.)

៧៦. ហេតុយា សត្ត, អារម្មណេ នវ…បេ… អវិគតេ តេរស (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)

៤-១០០. ឧបាទិន្នត្តិក-សរណទុកំ

១-៧. បដិច្ចវារាទិ

បច្ចយចតុក្កំ

ហេតុបច្ចយោ

៧៧. អនុបាទិន្នុបាទានិយំ សរណំ ធម្មំ បដិច្ច អនុបាទិន្នុបាទានិយោ សរណោ ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ឯកំ…បេ… អវិគតេ ឯកំ (សំខិត្តំ).

(សហជាតវារេបិ…បេ… បញ្ហាវារេបិ សព្ពត្ថ ឯកំ).

៧៨. ឧបាទិន្នុបាទានិយំ អរណំ ធម្មំ បដិច្ច ឧបាទិន្នុបាទានិយោ អរណោ ធម្មោ ឧប្បជ្ជតិ ហេតុបច្ចយា… តីណិ.

អនុបាទិន្នុបាទានិយំ អរណំ ធម្មំ បដិច្ច អនុបាទិន្នុបាទានិយោ អរណោ ធម្មោ ឧប្បជ្ជតិ ហេតុបច្ចយា. (១)

អនុបាទិន្នអនុបាទានិយំ អរណំ ធម្មំ បដិច្ច អនុបាទិន្នអនុបាទានិយោ អរណោ ធម្មោ ឧប្បជ្ជតិ ហេតុបច្ចយា… តីណិ.

ឧបាទិន្នុបាទានិយំ អរណញ្ច អនុបាទិន្នុបាទានិយំ អរណញ្ច ធម្មំ បដិច្ច អនុបាទិន្នុបាទានិយោ អរណោ ធម្មោ ឧប្បជ្ជតិ ហេតុបច្ចយា. (១)

អនុបាទិន្នុបាទានិយំ អរណញ្ច អនុបាទិន្នអនុបាទានិយំ អរណញ្ច ធម្មំ បដិច្ច អនុបាទិន្នុបាទានិយោ អរណោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

៧៩. ហេតុយា នវ, អារម្មណេ តីណិ…បេ… អវិគតេ នវ (សំខិត្តំ). (សហជាតវារម្បិ…បេ… សម្បយុត្តវារម្បិ បដិច្ចវារសទិសំ).

៨០. ឧបាទិន្នុបាទានិយោ អរណោ ធម្មោ ឧបាទិន្នុបាទានិយស្ស អរណស្ស ធម្មស្ស ហេតុបច្ចយេន បច្ចយោ… តីណិ.

អនុបាទិន្នុបាទានិយោ អរណោ ធម្មោ អនុបាទិន្នុបាទានិយស្ស អរណស្ស ធម្មស្ស ហេតុបច្ចយេន បច្ចយោ. (១)

អនុបាទិន្នអនុបាទានិយោ អរណោ ធម្មោ អនុបាទិន្នអនុបាទានិយស្ស អរណស្ស ធម្មស្ស ហេតុបច្ចយេន បច្ចយោ… តីណិ (សំខិត្តំ).

៨១. ហេតុយា សត្ត, អារម្មណេ ឆ…បេ… អវិគតេ តេវីស.

(សំខិត្តំ. យថា កុសលត្តិកេ បញ្ហាវារំ, ឯវំ វិត្ថារេតព្ពំ.)

៥-១០០. សំកិលិដ្ឋត្តិក-សរណទុកំ

១-៧. បដិច្ចវារាទិ

បច្ចយចតុក្កំ

ហេតុបច្ចយោ

៨២. សំកិលិដ្ឋសំកិលេសិកំ សរណំ ធម្មំ បដិច្ច សំកិលិដ្ឋសំកិលេសិកោ សរណោ ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ឯកំ…បេ… អវិគតេ ឯកំ (សំខិត្តំ).

(សហជាតវារេបិ…បេ… បញ្ហាវារេបិ សព្ពត្ថ ឯកំ.)

៨៣. អសំកិលិដ្ឋសំកិលេសិកំ អរណំ ធម្មំ បដិច្ច អសំកិលិដ្ឋសំកិលេសិកោ អរណោ ធម្មោ ឧប្បជ្ជតិ ហេតុបច្ចយា. (១)

អសំកិលិដ្ឋអសំកិលេសិកំ អរណំ ធម្មំ បដិច្ច អសំកិលិដ្ឋអសំកិលេសិកោ អរណោ ធម្មោ ឧប្បជ្ជតិ ហេតុបច្ចយា… តីណិ.

អសំកិលិដ្ឋសំកិលេសិកំ អរណញ្ច អសំកិលិដ្ឋអសំកិលេសិកំ អរណញ្ច ធម្មំ បដិច្ច អសំកិលិដ្ឋសំកិលេសិកោ អរណោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

៨៤. ហេតុយា បញ្ច, អារម្មណេ ទ្វេ…បេ… អវិគតេ បញ្ច (សំខិត្តំ). (សហជាតវារម្បិ…បេ… សម្បយុត្តវារម្បិ បដិច្ចវារសទិសំ).

៨៥. អសំកិលិដ្ឋសំកិលេសិកោ អរណោ ធម្មោ អសំកិលិដ្ឋសំកិលេសិកស្ស អរណស្ស ធម្មស្ស ហេតុបច្ចយេន បច្ចយោ. (១)

អសំកិលិដ្ឋអសំកិលេសិកោ អរណោ ធម្មោ អសំកិលិដ្ឋអសំកិលេសិកស្ស អរណស្ស ធម្មស្ស ហេតុបច្ចយេន បច្ចយោ… តីណិ (សំខិត្តំ).

៨៦. ហេតុយា ចត្តារិ, អារម្មណេ តីណិ…បេ… អវិគតេ សត្ត (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)

៦-១០០. វិតក្កត្តិក-សរណទុកំ

១-៧. បដិច្ចវារាទិ

បច្ចយចតុក្កំ

ហេតុបច្ចយោ

៨៧. សវិតក្កសវិចារំ សរណំ ធម្មំ បដិច្ច សវិតក្កសវិចារោ សរណោ ធម្មោ ឧប្បជ្ជតិ ហេតុបច្ចយា. សវិតក្កសវិចារំ សរណំ ធម្មំ បដិច្ច អវិតក្កវិចារមត្តោ សរណោ ធម្មោ ឧប្បជ្ជតិ ហេតុបច្ចយា. សវិតក្កសវិចារំ សរណំ ធម្មំ បដិច្ច សវិតក្កសវិចារោ សរណោ ច អវិតក្កវិចារមត្តោ សរណោ ច ធម្មា ឧប្បជ្ជន្តិ ហេតុបច្ចយា. (៣)

អវិតក្កវិចារមត្តំ សរណំ ធម្មំ បដិច្ច សវិតក្កសវិចារោ សរណោ ធម្មោ ឧប្បជ្ជតិ ហេតុបច្ចយា. (១)

សវិតក្កសវិចារំ សរណញ្ច អវិតក្កវិចារមត្តំ សរណញ្ច ធម្មំ បដិច្ច សវិតក្កសវិចារោ សរណោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

៨៨. ហេតុយា បញ្ច…បេ… អវិគតេ បញ្ច (សំខិត្តំ).

(សហជាតវារេបិ…បេ… បញ្ហាវារេបិ សព្ពត្ថ វិត្ថារោ.)

៨៩. សវិតក្កសវិចារំ អរណំ ធម្មំ បដិច្ច សវិតក្កសវិចារោ អរណោ ធម្មោ ឧប្បជ្ជតិ ហេតុបច្ចយា… សត្ត.

អវិតក្កវិចារមត្តំ អរណំ ធម្មំ បដិច្ច អវិតក្កវិចារមត្តោ អរណោ ធម្មោ ឧប្បជ្ជតិ ហេតុបច្ចយា … បញ្ច.

អវិតក្កអវិចារំ អរណំ ធម្មំ បដិច្ច អវិតក្កអវិចារោ អរណោ ធម្មោ ឧប្បជ្ជតិ ហេតុបច្ចយា (សំខិត្តំ).

៩០. ហេតុយា សត្តតិំស…បេ… អវិគតេ សត្តតិំស (សំខិត្តំ). (សហជាតវារម្បិ…បេ… បញ្ហាវារម្បិ វិត្ថារេតព្ពំ).

៧-១០០. បីតិត្តិក-សរណទុកំ

១-៧. បដិច្ចវារាទិ

បច្ចយចតុក្កំ

៩១. បីតិសហគតំ សរណំ ធម្មំ បដិច្ច បីតិសហគតោ សរណោ ធម្មោ ឧប្បជ្ជតិ ហេតុបច្ចយា… តីណិ.

សុខសហគតំ សរណំ ធម្មំ បដិច្ច សុខសហគតោ សរណោ ធម្មោ ឧប្បជ្ជតិ ហេតុបច្ចយា… តីណិ.

ឧបេក្ខាសហគតំ សរណំ ធម្មំ បដិច្ច ឧបេក្ខាសហគតោ សរណោ ធម្មោ ឧប្បជ្ជតិ ហេតុបច្ចយា. (១)

បីតិសហគតំ សរណញ្ច សុខសហគតំ សរណញ្ច ធម្មំ បដិច្ច បីតិសហគតោ សរណោ ធម្មោ ឧប្បជ្ជតិ ហេតុបច្ចយា… តីណិ (សំខិត្តំ).

ហេតុយា ទស…បេ… អវិគតេ ទស (សំខិត្តំ).

(សហជាតវារម្បិ…បេ… សម្បយុត្តវារម្បិ បដិច្ចវារសទិសំ.)

៩២. បីតិសហគតោ សរណោ ធម្មោ បីតិសហគតស្ស សរណស្ស ធម្មស្ស ហេតុបច្ចយេន បច្ចយោ… តីណិ.

សុខសហគតោ សរណោ ធម្មោ សុខសហគតស្ស សរណស្ស ធម្មស្ស ហេតុបច្ចយេន បច្ចយោ… តីណិ.

ឧបេក្ខាសហគតោ សរណោ ធម្មោ ឧបេក្ខាសហគតស្ស សរណស្ស ធម្មស្ស ហេតុបច្ចយេន បច្ចយោ. (១)

បីតិសហគតោ សរណោ ច សុខសហគតោ សរណោ ច ធម្មា បីតិសហគតស្ស សរណស្ស ធម្មស្ស ហេតុបច្ចយេន បច្ចយោ… តីណិ (សំខិត្តំ).

៩៣. ហេតុយា ទស, អារម្មណេ សោឡស…បេ… អវិគតេ ទស (សំខិត្តំ). (យថា កុសលត្តិកេ បញ្ហាវារំ, ឯវំ វិត្ថារេតព្ពំ).

៩៤. បីតិសហគតំ អរណំ ធម្មំ បដិច្ច បីតិសហគតោ អរណោ ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ទស…បេ… អវិគតេ ទស (សំខិត្តំ).

(សហជាតវារេបិ…បេ… បញ្ហាវារេបិ តត្តកាវ បញ្ហា.)

៨-១០០. ទស្សនត្តិក-សរណទុកំ

១-៧. បដិច្ចវារាទិ

បច្ចយចតុក្កំ

៩៥. ទស្សនេន បហាតព្ពំ សរណំ ធម្មំ បដិច្ច ទស្សនេន បហាតព្ពោ សរណោ ធម្មោ ឧប្បជ្ជតិ ហេតុបច្ចយា. (១)

ភាវនាយ បហាតព្ពំ សរណំ ធម្មំ បដិច្ច ភាវនាយ បហាតព្ពោ សរណោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា ទ្វេ…បេ… អវិគតេ ទ្វេ (សំខិត្តំ).

(សហជាតវារេបិ…បេ… បញ្ហាវារេបិ សព្ពត្ថ វិត្ថារោ.)