១-៧. បដិច្ចវារាទិ

ហេតុ-អារម្មណបច្ចយា

១២៤. អតីតារម្មណំ សរណំ ធម្មំ បដិច្ច អតីតារម្មណោ សរណោ ធម្មោ ឧប្បជ្ជតិ ហេតុបច្ចយា. (១)

អនាគតារម្មណំ សរណំ ធម្មំ បដិច្ច អនាគតារម្មណោ សរណោ ធម្មោ ឧប្បជ្ជតិ ហេតុបច្ចយា. (១)

បច្ចុប្បន្នារម្មណំ សរណំ ធម្មំ បដិច្ច បច្ចុប្បន្នារម្មណោ សរណោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា តីណិ…បេ… អវិគតេ តីណិ (សំខិត្តំ).

(សហជាតវារម្បិ …បេ… បញ្ហាវារម្បិ សព្ពត្ថ វិត្ថារេតព្ពំ.)

១២៥. អតីតារម្មណំ អរណំ ធម្មំ បដិច្ច អតីតារម្មណោ អរណោ ធម្មោ ឧប្បជ្ជតិ ហេតុបច្ចយា. (១)

អនាគតារម្មណំ អរណំ ធម្មំ បដិច្ច អនាគតារម្មណោ អរណោ ធម្មោ ឧប្បជ្ជតិ ហេតុបច្ចយា. (១)

បច្ចុប្បន្នារម្មណំ អរណំ ធម្មំ បដិច្ច បច្ចុប្បន្នារម្មណោ អរណោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា តីណិ…បេ… អវិគតេ តីណិ (សំខិត្តំ).

(សហជាតវារម្បិ…បេ… សម្បយុត្តវារម្បិ បដិច្ចវារសទិសំ.)

១២៦. អតីតារម្មណោ អរណោ ធម្មោ អតីតារម្មណស្ស អរណស្ស ធម្មស្ស ហេតុបច្ចយេន បច្ចយោ. (១)

អនាគតារម្មណោ អរណោ ធម្មោ អនាគតារម្មណស្ស អរណស្ស ធម្មស្ស ហេតុបច្ចយេន បច្ចយោ. (១)

បច្ចុប្បន្នារម្មណោ អរណោ ធម្មោ បច្ចុប្បន្នារម្មណស្ស អរណស្ស ធម្មស្ស ហេតុបច្ចយេន បច្ចយោ. (១)

អតីតារម្មណោ អរណោ ធម្មោ អតីតារម្មណស្ស អរណស្ស ធម្មស្ស អារម្មណបច្ចយេន បច្ចយោ. (សំខិត្តំ.)

១២៧. ហេតុយា តីណិ, អារម្មណេ នវ…បេ… អវិគតេ តីណិ (សំខិត្តំ. យថា កុសលត្តិកេ បញ្ហាវារំ, ឯវំ វិត្ថារេតព្ពំ).