១-៧. បដិច្ចវារាទិ

ហេតុបច្ចយោ

១១៧. មគ្គារម្មណំ អរណំ ធម្មំ បដិច្ច មគ្គារម្មណោ អរណោ ធម្មោ ឧប្បជ្ជតិ ហេតុបច្ចយា… តីណិ.

មគ្គហេតុកំ អរណំ ធម្មំ បដិច្ច មគ្គហេតុកោ អរណោ ធម្មោ ឧប្បជ្ជតិ ហេតុបច្ចយា… តីណិ.

មគ្គាធិបតិំ អរណំ ធម្មំ បដិច្ច មគ្គាធិបតិ អរណោ ធម្មោ ឧប្បជ្ជតិ ហេតុបច្ចយា… បញ្ច.

មគ្គារម្មណំ អរណញ្ច មគ្គាធិបតិំ អរណញ្ច ធម្មំ បដិច្ច មគ្គារម្មណោ អរណោ ធម្មោ ឧប្បជ្ជតិ ហេតុបច្ចយា… តីណិ.

មគ្គហេតុកំ អរណញ្ច មគ្គាធិបតិំ អរណញ្ច ធម្មំ បដិច្ច មគ្គហេតុកោ អរណោ ធម្មោ ឧប្បជ្ជតិ ហេតុបច្ចយា… តីណិ (សំខិត្តំ).

ហេតុយា សត្តរស…បេ… អវិគតេ សត្តរស (សំខិត្តំ).

(សហជាតវារម្បិ…បេ… សម្បយុត្តវារម្បិ បដិច្ចវារសទិសំ.)

១១៨. មគ្គារម្មណោ អរណោ ធម្មោ មគ្គារម្មណស្ស អរណស្ស ធម្មស្ស ហេតុបច្ចយេន បច្ចយោ… តីណិ.

មគ្គហេតុកោ អរណោ ធម្មោ មគ្គហេតុកស្ស អរណស្ស ធម្មស្ស ហេតុបច្ចយេន បច្ចយោ… តីណិ.

មគ្គាធិបតិ អរណោ ធម្មោ មគ្គាធិបតិស្ស អរណស្ស ធម្មស្ស ហេតុបច្ចយេន បច្ចយោ… បញ្ច.

មគ្គារម្មណោ អរណោ ច មគ្គាធិបតិ អរណោ ច ធម្មា មគ្គារម្មណស្ស អរណស្ស ធម្មស្ស ហេតុបច្ចយេន បច្ចយោ… តីណិ.

មគ្គហេតុកោ អរណោ ច មគ្គាធិបតិ អរណោ ច ធម្មា មគ្គហេតុកស្ស អរណស្ស ធម្មស្ស ហេតុបច្ចយេន បច្ចយោ… តីណិ (សំខិត្តំ).

១១៩. ហេតុយា សត្តរស, អារម្មណេ នវ…បេ… អវិគតេ សត្តរស (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)