១-៧. បដិច្ចវារាទិ

ហេតុ-អារម្មណបច្ចយា

៩៨. អាចយគាមិំ សរណំ ធម្មំ បដិច្ច អាចយគាមី សរណោ ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ឯកំ…បេ… អវិគតេ ឯកំ (សំខិត្តំ).

(សហជាតវារេបិ…បេ… បញ្ហាវារេបិ សព្ពត្ថ ឯកំ.)

៩៩. អាចយគាមិំ អរណំ ធម្មំ បដិច្ច អាចយគាមី អរណោ ធម្មោ ឧប្បជ្ជតិ ហេតុបច្ចយា… តីណិ.

អបចយគាមិំ អរណំ ធម្មំ បដិច្ច អបចយគាមី អរណោ ធម្មោ ឧប្បជ្ជតិ ហេតុបច្ចយា… តីណិ.

នេវាចយគាមិនាបចយគាមិំ អរណំ ធម្មំ បដិច្ច នេវាចយគាមិនាបចយគាមី អរណោ ធម្មោ ឧប្បជ្ជតិ ហេតុបច្ចយា. (១)

អាចយគាមិំ អរណញ្ច នេវាចយគាមិនាបចយគាមិំ អរណញ្ច ធម្មំ បដិច្ច នេវាចយគាមិនាបចយគាមី អរណោ ធម្មោ ឧប្បជ្ជតិ ហេតុបច្ចយា. (១)

អបចយគាមិំ អរណញ្ច នេវាចយគាមិនាបចយគាមិំ អរណញ្ច ធម្មំ បដិច្ច នេវាចយគាមិនាបចយគាមី អរណោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

១០០. ហេតុយា នវ, អារម្មណេ តីណិ, អធិបតិយា នវ…បេ… អវិគតេ នវ (សំខិត្តំ). (សហជាតវារម្បិ…បេ… សម្បយុត្តវារម្បិ បដិច្ចវារសទិសំ).

១០១. អាចយគាមី អរណោ ធម្មោ អាចយគាមិស្ស អរណស្ស ធម្មស្ស ហេតុបច្ចយេន បច្ចយោ… តីណិ.

អបចយគាមី អរណោ ធម្មោ អបចយគាមិស្ស អរណស្ស ធម្មស្ស ហេតុបច្ចយេន បច្ចយោ… តីណិ.

នេវាចយគាមិនាបចយគាមី អរណោ ធម្មោ នេវាចយគាមិនាបចយគាមិស្ស អរណស្ស ធម្មស្ស ហេតុបច្ចយេន បច្ចយោ. (១)

អាចយគាមី អរណោ ធម្មោ អាចយគាមិស្ស អរណស្ស ធម្មស្ស អារម្មណបច្ចយេន បច្ចយោ (សំខិត្តំ).

១០២. ហេតុយា សត្ត, អារម្មណេ សត្ត, អធិបតិយា ទស, អនន្តរេ ឆ…បេ… អវិគតេ តេរស. (សំខិត្តំ.)

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)