១-៧. បដិច្ចវារាទិ

៥៣. កុសលំ សឧត្តរំ ធម្មំ បដិច្ច កុសលោ សឧត្តរោ ធម្មោ ឧប្បជ្ជតិ ហេតុបច្ចយា… តីណិ.

អកុសលំ សឧត្តរំ ធម្មំ បដិច្ច អកុសលោ សឧត្តរោ ធម្មោ ឧប្បជ្ជតិ ហេតុបច្ចយា… តីណិ.

អព្យាកតំ សឧត្តរំ ធម្មំ បដិច្ច អព្យាកតោ សឧត្តរោ ធម្មោ ឧប្បជ្ជតិ ហេតុបច្ចយា. (១)

កុសលំ សឧត្តរញ្ច អព្យាកតំ សឧត្តរញ្ច ធម្មំ បដិច្ច អព្យាកតោ សឧត្តរោ ធម្មោ ឧប្បជ្ជតិ ហេតុបច្ចយា. (១)

អកុសលំ សឧត្តរញ្ច អព្យាកតំ សឧត្តរញ្ច ធម្មំ បដិច្ច អព្យាកតោ សឧត្តរោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

៥៤. ហេតុយា នវ, អារម្មណេ តីណិ…បេ… អវិគតេ នវ (សំខិត្តំ. សហជាតវារម្បិ…បេ… សម្បយុត្តវារម្បិ បដិច្ចវារសទិសំ).

៥៥. កុសលោ សឧត្តរោ ធម្មោ កុសលស្ស សឧត្តរស្ស ធម្មស្ស ហេតុបច្ចយេន បច្ចយោ… តីណិ.

អកុសលោ សឧត្តរោ ធម្មោ អកុសលស្ស សឧត្តរស្ស ធម្មស្ស ហេតុបច្ចយេន បច្ចយោ… តីណិ.

អព្យាកតោ សឧត្តរោ ធម្មោ អព្យាកតស្ស សឧត្តរស្ស ធម្មស្ស ហេតុបច្ចយេន បច្ចយោ. (១) (សំខិត្តំ.)

៥៦. ហេតុយា សត្ត, អារម្មណេ នវ, អធិបតិយា នវ…បេ… អវិគតេ តេរស (សំខិត្តំ).

៥៧. កុសលំ អនុត្តរំ ធម្មំ បដិច្ច កុសលោ អនុត្តរោ ធម្មោ ឧប្បជ្ជតិ ហេតុបច្ចយា. (១)

អព្យាកតំ អនុត្តរំ ធម្មំ បដិច្ច អព្យាកតោ អនុត្តរោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា ទ្វេ, អារម្មណេ ទ្វេ…បេ… អវិគតេ ទ្វេ (សំខិត្តំ. សហជាតវារម្បិ…បេ… សម្បយុត្តវារម្បិ បដិច្ចវារសទិសំ).

៥៨. កុសលោ អនុត្តរោ ធម្មោ កុសលស្ស អនុត្តរស្ស ធម្មស្ស ហេតុបច្ចយេន បច្ចយោ. (១)

អព្យាកតោ អនុត្តរោ ធម្មោ អព្យាកតស្ស អនុត្តរស្ស ធម្មស្ស ហេតុបច្ចយេន បច្ចយោ. (១)

អព្យាកតោ អនុត្តរោ ធម្មោ អព្យាកតស្ស អនុត្តរស្ស ធម្មស្ស អារម្មណបច្ចយេន បច្ចយោ. (១)

អព្យាកតោ អនុត្តរោ ធម្មោ កុសលស្ស អនុត្តរស្ស ធម្មស្ស អារម្មណបច្ចយេន បច្ចយោ. (១) (សំខិត្តំ.)

៥៩. ហេតុយា ទ្វេ, អារម្មណេ ទ្វេ, អធិបតិយា តីណិ, អនន្តរេ ទ្វេ…បេ… អវិគតេ ទ្វេ (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)