១. វិភង្គវារោ

ហេតុបច្ចយោ

៨៦. កិលេសោ ចេវ សំកិលិដ្ឋោ ច ធម្មោ កិលេសស្ស ចេវ សំកិលិដ្ឋស្ស ច ធម្មស្ស ហេតុបច្ចយេន បច្ចយោ – កិលេសា ចេវ សំកិលិដ្ឋា ច ហេតូ សម្បយុត្តកានំ កិលេសានំ ហេតុបច្ចយេន បច្ចយោ. (១)

កិលេសោ ចេវ សំកិលិដ្ឋោ ច ធម្មោ សំកិលិដ្ឋស្ស ចេវ នោ ច កិលេសស្ស ធម្មស្ស ហេតុបច្ចយេន បច្ចយោ – កិលេសា ចេវ សំកិលិដ្ឋា ច ហេតូ សម្បយុត្តកានំ ខន្ធានំ ហេតុបច្ចយេន បច្ចយោ.

កិលេសោ ចេវ សំកិលិដ្ឋោ ច ធម្មោ កិលេសស្ស ចេវ សំកិលិដ្ឋស្ស ច សំកិលិដ្ឋស្ស ចេវ នោ ច កិលេសស្ស ច ធម្មស្ស ហេតុបច្ចយេន បច្ចយោ – កិលេសា ចេវ សំកិលិដ្ឋា ច ហេតូ សម្បយុត្តកានំ ខន្ធានំ កិលេសានញ្ច ហេតុបច្ចយេន បច្ចយោ. (៣)

អារម្មណបច្ចយោ

៨៧. កិលេសោ ចេវ សំកិលិដ្ឋោ ច ធម្មោ កិលេសស្ស ចេវ សំកិលិដ្ឋស្ស ច ធម្មស្ស អារម្មណបច្ចយេន បច្ចយោ – កិលេសេ អារព្ភ កិលេសា ឧប្បជ្ជន្តិ. (មូលំ កាតព្ពំ.) កិលេសេ អារព្ភ សំកិលិដ្ឋា ចេវ នោ ច កិលេសា ខន្ធា ឧប្បជ្ជន្តិ. (មូលំ កាតព្ពំ.) កិលេសេ អារព្ភ កិលេសា ច សម្បយុត្តកា ខន្ធា ច ឧប្បជ្ជន្តិ. (៣)

៨៨. សំកិលិដ្ឋោ ចេវ នោ ច កិលេសោ ធម្មោ សំកិលិដ្ឋស្ស ចេវ នោ ច កិលេសស្ស ធម្មស្ស អារម្មណបច្ចយេន បច្ចយោ – សំកិលិដ្ឋេ ចេវ នោ ច កិលេសេ ខន្ធេ អារព្ភ សំកិលិដ្ឋា ចេវ នោ ច កិលេសា ខន្ធា ឧប្បជ្ជន្តិ. (មូលំ កាតព្ពំ.) សំកិលិដ្ឋេ ចេវ នោ ច កិលេសេ ខន្ធេ អារព្ភ កិលេសា ឧប្បជ្ជន្តិ. (មូលំ កាតព្ពំ.) សំកិលិដ្ឋេ ចេវ នោ ច កិលេសេ ខន្ធេ អារព្ភ កិលេសា ច សម្បយុត្តកា ខន្ធា ច ឧប្បជ្ជន្តិ. (៣)

(ឥតរេបិ តីណិ កាតព្ពា.)

អធិបតិបច្ចយោ

៨៩. កិលេសោ ចេវ សំកិលិដ្ឋោ ច ធម្មោ កិលេសស្ស ចេវ សំកិលិដ្ឋស្ស ច ធម្មស្ស អធិបតិបច្ចយេន បច្ចយោ – អារម្មណាធិបតិ… តីណិ.

សំកិលិដ្ឋោ ចេវ នោ ច កិលេសោ ធម្មោ សំកិលិដ្ឋស្ស ចេវ នោ ច កិលេសស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – សំកិលិដ្ឋេ ចេវ នោ ច កិលេសេ ខន្ធេ គរុំ កត្វា…បេ… តីណិ. (ទ្វេ អធិបតិ តីណិបិ កាតព្ពា, ឥតរេ ទ្វេបិ តីណិ កាតព្ពា.)

អនន្តរបច្ចយាទិ

៩០. កិលេសោ ចេវ សំកិលិដ្ឋោ ច ធម្មោ កិលេសស្ស ចេវ សំកិលិដ្ឋស្ស ច ធម្មស្ស អនន្តរបច្ចយេន បច្ចយោ (នវបិ កាតព្ពា, អាវជ្ជនាបិ វុដ្ឋានម្បិ នត្ថិ)… សមនន្តរបច្ចយេន បច្ចយោ… សហជាតបច្ចយេន បច្ចយោ… អញ្ញមញ្ញបច្ចយេន បច្ចយោ… និស្សយបច្ចយេន បច្ចយោ… ឧបនិស្សយបច្ចយេន បច្ចយោ… នវ បញ្ហា (បុរេជាតបច្ចយោ បច្ឆាជាតបច្ចយោបិ នត្ថិ)… អាសេវនបច្ចយេន បច្ចយោ.

កម្មបច្ចយាទិ

៩១. សំកិលិដ្ឋោ ចេវ នោ ច កិលេសោ ធម្មោ សំកិលិដ្ឋស្ស ចេវ នោ ច កិលេសស្ស ធម្មស្ស កម្មបច្ចយេន បច្ចយោ – សំកិលិដ្ឋា ចេវ នោ ច កិលេសា ចេតនា សម្បយុត្តកានំ ខន្ធានំ កម្មបច្ចយេន បច្ចយោ. (១)

សំកិលិដ្ឋោ ចេវ នោ ច កិលេសោ ធម្មោ កិលេសស្ស ចេវ សំកិលិដ្ឋស្ស ច ធម្មស្ស កម្មបច្ចយេន បច្ចយោ – សំកិលិដ្ឋា ចេវ នោ ច កិលេសា ចេតនា សម្បយុត្តកានំ កិលេសានំ កម្មបច្ចយេន បច្ចយោ. (២)

សំកិលិដ្ឋោ ចេវ នោ ច កិលេសោ ធម្មោ កិលេសស្ស ចេវ សំកិលិដ្ឋស្ស ច សំកិលិដ្ឋស្ស ចេវ នោ ច កិលេសស្ស ធម្មស្ស កម្មបច្ចយេន បច្ចយោ – សំកិលិដ្ឋា ចេវ នោ ច កិលេសា ចេតនា សម្បយុត្តកានំ ខន្ធានំ កិលេសានញ្ច កម្មបច្ចយេន បច្ចយោ. (៣)

អាហារបច្ចយេន បច្ចយោ… តីណិ… ឥន្ទ្រិយបច្ចយេន បច្ចយោ… តីណិ… ឈានបច្ចយេន បច្ចយោ… តីណិ… មគ្គបច្ចយេន បច្ចយោ… នវ… សម្បយុត្តបច្ចយេន បច្ចយោ… នវ… អត្ថិបច្ចយេន បច្ចយោ… នវ… នត្ថិបច្ចយេន បច្ចយោ… វិគតបច្ចយេន បច្ចយោ… អវិគតបច្ចយេន បច្ចយោ… នវ.