១. បដិច្ចវារោ

ហេតុបច្ចយោ

៧៤. កិលេសញ្ចេវ សំកិលេសិកញ្ច ធម្មំ បដិច្ច កិលេសោ ចេវ សំកិលេសិកោ ច ធម្មោ ឧប្បជ្ជតិ ហេតុបច្ចយា – លោភំ បដិច្ច មោហោ ទិដ្ឋិ ថិនំ ឧទ្ធច្ចំ អហិរិកំ អនោត្តប្បំ (ចក្កំ). (១)

កិលេសញ្ចេវ សំកិលេសិកញ្ច ធម្មំ បដិច្ច សំកិលេសិកោ ចេវ នោ ច កិលេសោ ធម្មោ ឧប្បជ្ជតិ ហេតុបច្ចយា – កិលេសេ បដិច្ច សម្បយុត្តកា ខន្ធា ចិត្តសមុដ្ឋានញ្ច រូបំ. (២)

កិលេសញ្ចេវ សំកិលេសិកញ្ច ធម្មំ បដិច្ច កិលេសោ ចេវ សំកិលេសិកោ ច សំកិលេសិកោ ចេវ នោ ច កិលេសោ ច ធម្មា ឧប្បជ្ជន្តិ ហេតុបច្ចយា – លោភំ បដិច្ច មោហោ ទិដ្ឋិ ថិនំ ឧទ្ធច្ចំ អហិរិកំ អនោត្តប្បំ សម្បយុត្តកា ច ខន្ធា ចិត្តសមុដ្ឋានញ្ច រូបំ. (៣)