១. វិភង្គវារោ

ហេតុបច្ចយោ

៥១. សំកិលិដ្ឋោ ធម្មោ សំកិលិដ្ឋស្ស ធម្មស្ស ហេតុបច្ចយេន បច្ចយោ – សំកិលិដ្ឋា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ. (១)

សំកិលិដ្ឋោ ធម្មោ អសំកិលិដ្ឋស្ស ធម្មស្ស ហេតុបច្ចយេន បច្ចយោ – សំកិលិដ្ឋា ហេតូ ចិត្តសមុដ្ឋានានំ រូបានំ ហេតុបច្ចយេន បច្ចយោ. (២)

សំកិលិដ្ឋោ ធម្មោ សំកិលិដ្ឋស្ស ច អសំកិលិដ្ឋស្ស ច ធម្មស្ស ហេតុបច្ចយេន បច្ចយោ – សំកិលិដ្ឋា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (៣)

អសំកិលិដ្ឋោ ធម្មោ អសំកិលិដ្ឋស្ស ធម្មស្ស ហេតុបច្ចយេន បច្ចយោ – អសំកិលិដ្ឋា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ…. (១)

អារម្មណបច្ចយោ

៥២. សំកិលិដ្ឋោ ធម្មោ សំកិលិដ្ឋស្ស ធម្មស្ស អារម្មណបច្ចយេន បច្ចយោ – រាគំ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ, ទិដ្ឋិ ឧប្បជ្ជតិ; វិចិកិច្ឆា…បេ… ឧទ្ធច្ច…បេ… ទោមនស្សំ ឧប្បជ្ជតិ; ទិដ្ឋិំ អស្សាទេតិ…បេ… (កុសលត្តិកសទិសំ); វិចិកិច្ឆំ អារព្ភ…បេ… ឧទ្ធច្ចំ អារព្ភ…បេ… ទោមនស្សំ ឧប្បជ្ជតិ; ទិដ្ឋិ…បេ… វិចិកិច្ឆា…បេ… ឧទ្ធច្ចំ ឧប្បជ្ជតិ. (១)

សំកិលិដ្ឋោ ធម្មោ អសំកិលិដ្ឋស្ស ធម្មស្ស អារម្មណបច្ចយេន បច្ចយោ – អរិយា បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ…បេ… បុព្ពេ សមុទាចិណ្ណេ…បេ… សំកិលិដ្ឋេ ខន្ធេ អនិច្ចតោ…បេ… វិបស្សតិ, ចេតោបរិយញាណេន សំកិលិដ្ឋចិត្តសមង្គិស្ស ចិត្តំ ជានាតិ; សំកិលិដ្ឋា ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (២)

៥៣. អសំកិលិដ្ឋោ ធម្មោ អសំកិលិដ្ឋស្ស ធម្មស្ស អារម្មណបច្ចយេន បច្ចយោ – ទានំ…បេ… សីលំ…បេ… ឧបោសថកម្មំ…បេ… បុព្ពេ…បេ… ឈានា វុដ្ឋហិត្វា ឈានំ បច្ចវេក្ខតិ, អរិយា មគ្គា វុដ្ឋហិត្វា មគ្គំ បច្ចវេក្ខន្តិ…បេ… អាវជ្ជនាយ អារម្មណបច្ចយេន បច្ចយោ; ចក្ខុំ…បេ… វត្ថុំ អសំកិលិដ្ឋេ ខន្ធេ អនិច្ចតោ…បេ… វិបស្សតិ, ទិព្ពេន ចក្ខុនា រូបំ បស្សតិ…បេ… អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (១)

អសំកិលិដ្ឋោ ធម្មោ សំកិលិដ្ឋស្ស ធម្មស្ស អារម្មណបច្ចយេន បច្ចយោ – ទានំ…បេ… សីលំ…បេ… ឈានា វុដ្ឋហិត្វា…បេ… ចក្ខុំ…បេ… វត្ថុំ អសំកិលិដ្ឋេ ខន្ធេ អស្សាទេតិ អភិនន្ទតិ, តំ អារព្ភ រាគោ…បេ… ទោមនស្សំ ឧប្បជ្ជតិ. (២)

អធិបតិបច្ចយោ

៥៤. សំកិលិដ្ឋោ ធម្មោ សំកិលិដ្ឋស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – រាគំ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ; ទិដ្ឋិំ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. សហជាតាធិបតិ – សំកិលិដ្ឋាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ. (១)

សំកិលិដ្ឋោ ធម្មោ អសំកិលិដ្ឋស្ស ធម្មស្ស អធិបតិបច្ចយេន បច្ចយោ. សហជាតាធិបតិ – សំកិលិដ្ឋាធិបតិ ចិត្តសមុដ្ឋានានំ រូបានំ អធិបតិបច្ចយេន បច្ចយោ. (២)

សំកិលិដ្ឋោ ធម្មោ សំកិលិដ្ឋស្ស ច អសំកិលិដ្ឋស្ស ច ធម្មស្ស អធិបតិបច្ចយេន បច្ចយោ. សហជាតាធិបតិ – សំកិលិដ្ឋាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (៣)

៥៥. អសំកិលិដ្ឋោ ធម្មោ អសំកិលិដ្ឋស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទានំ…បេ… សីលំ…បេ… ឧបោសថកម្មំ…បេ… បុព្ពេ…បេ… ឈានា វុដ្ឋហិត្វា ឈានំ គរុំ កត្វា បច្ចវេក្ខតិ, អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ…បេ… និព្ពានំ ផលស្ស អធិបតិបច្ចយេន បច្ចយោ. សហជាតាធិបតិ – អសំកិលិដ្ឋាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (១)

អសំកិលិដ្ឋោ ធម្មោ សំកិលិដ្ឋស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – ទានំ…បេ… សីលំ…បេ… ឧបោសថកម្មំ…បេ… បុព្ពេ…បេ… ឈានា វុដ្ឋហិត្វា…បេ… ចក្ខុំ…បេ… វត្ថុំ អសំកិលិដ្ឋេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. (២)

អនន្តរបច្ចយាទិ

៥៦. សំកិលិដ្ឋោ ធម្មោ សំកិលិដ្ឋស្ស ធម្មស្ស អនន្តរបច្ចយេន បច្ចយោ – បុរិមា បុរិមា សំកិលិដ្ឋា ខន្ធា បច្ឆិមានំ បច្ឆិមានំ សំកិលិដ្ឋានំ ខន្ធានំ អនន្តរបច្ចយេន បច្ចយោ. (១)

សំកិលិដ្ឋោ ធម្មោ អសំកិលិដ្ឋស្ស ធម្មស្ស អនន្តរបច្ចយេន បច្ចយោ – សំកិលិដ្ឋា ខន្ធា វុដ្ឋានស្ស អនន្តរបច្ចយេន បច្ចយោ. (២)

៥៧. អសំកិលិដ្ឋោ ធម្មោ អសំកិលិដ្ឋស្ស ធម្មស្ស អនន្តរបច្ចយេន បច្ចយោ – បុរិមា បុរិមា អសំកិលិដ្ឋា ខន្ធា បច្ឆិមានំ បច្ឆិមានំ អសំកិលិដ្ឋានំ ខន្ធានំ…បេ… ផលសមាបត្តិយា អនន្តរបច្ចយេន បច្ចយោ. (១)

អសំកិលិដ្ឋោ ធម្មោ សំកិលិដ្ឋស្ស ធម្មស្ស អនន្តរបច្ចយេន បច្ចយោ – អាវជ្ជនា សំកិលិដ្ឋានំ ខន្ធានំ អនន្តរបច្ចយេន បច្ចយោ. (២)

សមនន្តរបច្ចយេន បច្ចយោ… ចត្តារិ… សហជាតបច្ចយេន បច្ចយោ… បញ្ច… អញ្ញមញ្ញបច្ចយេន បច្ចយោ… ទ្វេ… និស្សយបច្ចយេន បច្ចយោ… សត្ត.

ឧបនិស្សយបច្ចយោ

៥៨. សំកិលិដ្ឋោ ធម្មោ សំកិលិដ្ឋស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – រាគំ ឧបនិស្សាយ បាណំ ហនតិ…បេ… សង្ឃំ ភិន្ទតិ, ទោសំ…បេ… បត្ថនំ ឧបនិស្សាយ បាណំ ហនតិ…បេ… សង្ឃំ ភិន្ទតិ, រាគោ…បេ… បត្ថនា រាគស្ស…បេ… បត្ថនាយ ឧបនិស្សយបច្ចយេន បច្ចយោ. (១)

សំកិលិដ្ឋោ ធម្មោ អសំកិលិដ្ឋស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – រាគំ ឧបនិស្សាយ ទានំ ទេតិ…បេ… សមាបត្តិំ ឧប្បាទេតិ, ទោសំ…បេ… បត្ថនំ ឧបនិស្សាយ ទានំ ទេតិ…បេ… សមាបត្តិំ ឧប្បាទេតិ, រាគោ…បេ… បត្ថនា សទ្ធាយ…បេ… បញ្ញាយ កាយិកស្ស សុខស្ស… កាយិកស្ស ទុក្ខស្ស… មគ្គស្ស, ផលសមាបត្តិយា ឧបនិស្សយបច្ចយេន បច្ចយោ. (២)

៥៩. អសំកិលិដ្ឋោ ធម្មោ អសំកិលិដ្ឋស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធំ ឧបនិស្សាយ ទានំ ទេតិ…បេ… សមាបត្តិំ ឧប្បាទេតិ; សីលំ…បេ… បញ្ញំ, កាយិកំ សុខំ… កាយិកំ ទុក្ខំ… ឧតុំ… ភោជនំ… សេនាសនំ ឧបនិស្សាយ ទានំ ទេតិ…បេ… សមាបត្តិំ ឧប្បាទេតិ; សទ្ធា…បេ… សេនាសនំ សទ្ធាយ…បេ… ផលសមាបត្តិយា ឧបនិស្សយបច្ចយេន បច្ចយោ. (១)

អសំកិលិដ្ឋោ ធម្មោ សំកិលិដ្ឋស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធំ ឧបនិស្សាយ មានំ ជប្បេតិ, ទិដ្ឋិំ គណ្ហាតិ; សីលំ…បេ… បញ្ញំ… កាយិកំ សុខំ… កាយិកំ ទុក្ខំ… ឧតុំ… ភោជនំ… សេនាសនំ ឧបនិស្សាយ បាណំ ហនតិ…បេ… សង្ឃំ ភិន្ទតិ; សទ្ធា…បេ… សេនាសនំ រាគស្ស…បេ… បត្ថនាយ ឧបនិស្សយបច្ចយេន បច្ចយោ. (២)

បុរេជាតបច្ចយោ

៦០. អសំកិលិដ្ឋោ ធម្មោ អសំកិលិដ្ឋស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ (សំខិត្តំ). អសំកិលិដ្ឋោ ធម្មោ សំកិលិដ្ឋស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ (សំខិត្តំ). (២)

បច្ឆាជាតាសេវនបច្ចយា

៦១. សំកិលិដ្ឋោ ធម្មោ អសំកិលិដ្ឋស្ស ធម្មស្ស បច្ឆាជាតបច្ចយេន បច្ចយោ (សំខិត្តំ). អសំកិលិដ្ឋោ ធម្មោ អសំកិលិដ្ឋស្ស ធម្មស្ស បច្ឆាជាតបច្ចយេន បច្ចយោ (សំខិត្តំ). …អាសេវនបច្ចយេន បច្ចយោ… ទ្វេ.

កម្មបច្ចយោ

៦២. សំកិលិដ្ឋោ ធម្មោ សំកិលិដ្ឋស្ស ធម្មស្ស កម្មបច្ចយេន បច្ចយោ – សំកិលិដ្ឋា ចេតនា សម្បយុត្តកានំ ខន្ធានំ កម្មបច្ចយេន បច្ចយោ. (១)

សំកិលិដ្ឋោ ធម្មោ អសំកិលិដ្ឋស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – សំកិលិដ្ឋា ចេតនា ចិត្តសមុដ្ឋានានំ រូបានំ កម្មបច្ចយេន បច្ចយោ. នានាក្ខណិកា – សំកិលិដ្ឋា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ. (មូលំ កាតព្ពំ.) សំកិលិដ្ឋា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ. (៣)

អសំកិលិដ្ឋោ ធម្មោ អសំកិលិដ្ឋស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – អសំកិលិដ្ឋា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ; បដិសន្ធិក្ខណេ…បេ…. នានាក្ខណិកា – អសំកិលិដ្ឋា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ. (១)

វិបាកបច្ចយាទិ

៦៣. អសំកិលិដ្ឋោ ធម្មោ អសំកិលិដ្ឋស្ស ធម្មស្ស វិបាកបច្ចយេន បច្ចយោ… ឯកំ.

សំកិលិដ្ឋោ ធម្មោ សំកិលិដ្ឋស្ស ធម្មស្ស អាហារបច្ចយេន បច្ចយោ… ឥន្ទ្រិយបច្ចយេន បច្ចយោ… ឈានបច្ចយេន បច្ចយោ… មគ្គបច្ចយេន បច្ចយោ… សម្បយុត្តបច្ចយេន បច្ចយោ.

វិប្បយុត្តបច្ចយោ

៦៤. សំកិលិដ្ឋោ ធម្មោ អសំកិលិដ្ឋស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ (សំខិត្តំ). (១)

អសំកិលិដ្ឋោ ធម្មោ អសំកិលិដ្ឋស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ (សំខិត្តំ). (១)

អសំកិលិដ្ឋោ ធម្មោ សំកិលិដ្ឋស្ស ធម្មស្ស វិប្បយុត្តបច្ចយេន បច្ចយោ. បុរេជាតំ – វត្ថុ សំកិលិដ្ឋានំ ខន្ធានំ វិប្បយុត្តបច្ចយេន បច្ចយោ. (២)

អត្ថិបច្ចយាទិ

៦៥. សំកិលិដ្ឋោ ធម្មោ សំកិលិដ្ឋស្ស ធម្មស្ស អត្ថិបច្ចយេន បច្ចយោ … ឯកំ (បដិច្ចវារសទិសំ). សំកិលិដ្ឋោ ធម្មោ អសំកិលិដ្ឋស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ (សំខិត្តំ). សំកិលិដ្ឋោ ធម្មោ សំកិលិដ្ឋស្ស ច អសំកិលិដ្ឋស្ស ច ធម្មស្ស អត្ថិបច្ចយេន បច្ចយោ (បដិច្ចសទិសំ). (៣)

អសំកិលិដ្ឋោ ធម្មោ អសំកិលិដ្ឋស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ (សំខិត្តំ). អសំកិលិដ្ឋោ ធម្មោ សំកិលិដ្ឋស្ស ធម្មស្ស អត្ថិបច្ចយេន បច្ចយោ – បុរេជាតំ (សំខិត្តំ). (២)

៦៦. សំកិលិដ្ឋោ ច អសំកិលិដ្ឋោ ច ធម្មា សំកិលិដ្ឋស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – សំកិលិដ្ឋោ ឯកោ ខន្ធោ ច វត្ថុ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ… ទ្វេ ខន្ធា ច…បេ… (សំខិត្តំ). (១)

សំកិលិដ្ឋោ ច អសំកិលិដ្ឋោ ច ធម្មា អសំកិលិដ្ឋស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ, អាហារំ, ឥន្ទ្រិយំ. សហជាតា – សំកិលិដ្ឋា ខន្ធា ច មហាភូតា ច ចិត្តសមុដ្ឋានានំ រូបានំ អត្ថិបច្ចយេន បច្ចយោ. បច្ឆាជាតា – សំកិលិដ្ឋា ខន្ធា ច កពឡីការោ អាហារោ ច ឥមស្ស កាយស្ស អត្ថិបច្ចយេន បច្ចយោ. បច្ឆាជាតា – សំកិលិដ្ឋា ខន្ធា ច រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ. (២)

នត្ថិបច្ចយេន បច្ចយោ… វិគតបច្ចយេន បច្ចយោ… អវិគតបច្ចយេន បច្ចយោ.