១-៤. បច្ចយានុលោមាទិ

ហេតុបច្ចយោ

៤៩. សំកិលិដ្ឋំ ធម្មំ សំសដ្ឋោ សំកិលិដ្ឋោ ធម្មោ ឧប្បជ្ជតិ ហេតុបច្ចយា – សំកិលិដ្ឋំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ …បេ…. (១)

អសំកិលិដ្ឋំ ធម្មំ សំសដ្ឋោ អសំកិលិដ្ឋោ ធម្មោ ឧប្បជ្ជតិ ហេតុបច្ចយា – អសំកិលិដ្ឋំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ…. (១)

ហេតុយា ទ្វេ, អារម្មណេ ទ្វេ, អធិបតិយា ទ្វេ (សព្ពត្ថ ទ្វេ), វិបាកេ ឯកំ…បេ… អវិគតេ ទ្វេ.

អនុលោមំ.

៥០. សំកិលិដ្ឋំ ធម្មំ សំសដ្ឋោ សំកិលិដ្ឋោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ឧទ្ធច្ចសហគតេ ខន្ធេ សំសដ្ឋោ វិចិកិច្ឆាសហគតោ ឧទ្ធច្ចសហគតោ មោហោ. (១)

អសំកិលិដ្ឋំ ធម្មំ សំសដ្ឋោ អសំកិលិដ្ឋោ ធម្មោ ឧប្បជ្ជតិ នហេតុបច្ចយា – អហេតុកំ អសំកិលិដ្ឋំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ…បេ… អហេតុកបដិសន្ធិក្ខណេ…បេ…. (១)

នហេតុយា ទ្វេ, នអធិបតិយា ទ្វេ, នបុរេជាតេ ទ្វេ, នបច្ឆាជាតេ ទ្វេ, នអាសេវនេ ទ្វេ, នកម្មេ ទ្វេ, នវិបាកេ ទ្វេ, នឈានេ ឯកំ, នមគ្គេ ឯកំ, នវិប្បយុត្តេ ទ្វេ.

បច្ចនីយំ.