១-៤. បច្ចយានុលោមាទិ

ហេតុបច្ចយោ

៣៤៦. សរណំ ធម្មំ បដិច្ច សរណោ ធម្មោ ឧប្បជ្ជតិ ហេតុបច្ចយា – សរណំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ…. (បញ្ច បញ្ហា អរូបាវចរទុកសទិសា, អនុលោមបដិច្ចសទិសា.)

ហេតុយា បញ្ច, អារម្មណេ ទ្វេ, អធិបតិយា បញ្ច…បេ… អវិគតេ បញ្ច.

អនុលោមំ.

សរណំ ធម្មំ បដិច្ច សរណោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ. (១)

អរណំ ធម្មំ បដិច្ច អរណោ ធម្មោ ឧប្បជ្ជតិ នហេតុបច្ចយា – អហេតុកំ អរណំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… អហេតុកបដិសន្ធិក្ខណេ…បេ… (យាវ អសញ្ញសត្តា). (១)

នហេតុយា ទ្វេ, នអារម្មណេ តីណិ, នអធិបតិយា បញ្ច, នអនន្តរេ តីណិ, នឧបនិស្សយេ តីណិ, នបុរេជាតេ ចត្តារិ, នបច្ឆាជាតេ បញ្ច, នអាសេវនេ បញ្ច, នកម្មេ ទ្វេ, នវិបាកេ បញ្ច, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ ទ្វេ, នោនត្ថិយា តីណិ, នោវិគតេ តីណិ.

បច្ចនីយំ.