១. វិភង្គវារោ

ហេតុបច្ចយោ

៤០. សំកិលិដ្ឋំ ធម្មំ បដិច្ច សំកិលិដ្ឋោ ធម្មោ ឧប្បជ្ជតិ ហេតុបច្ចយា – សំកិលិដ្ឋំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ…. (១)

សំកិលិដ្ឋំ ធម្មំ បដិច្ច អសំកិលិដ្ឋោ ធម្មោ ឧប្បជ្ជតិ ហេតុបច្ចយា – សំកិលិដ្ឋេ ខន្ធេ បដិច្ច ចិត្តសមុដ្ឋានំ រូបំ. (២)

សំកិលិដ្ឋំ ធម្មំ បដិច្ច សំកិលិដ្ឋោ ច អសំកិលិដ្ឋោ ច ធម្មា ឧប្បជ្ជន្តិ ហេតុបច្ចយា – សំកិលិដ្ឋំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ…. (៣)

អសំកិលិដ្ឋំ ធម្មំ បដិច្ច អសំកិលិដ្ឋោ ធម្មោ ឧប្បជ្ជតិ ហេតុបច្ចយា – អសំកិលិដ្ឋំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ…. (១)

សំកិលិដ្ឋញ្ច អសំកិលិដ្ឋញ្ច ធម្មំ បដិច្ច អសំកិលិដ្ឋោ ធម្មោ ឧប្បជ្ជតិ ហេតុបច្ចយា – សំកិលិដ្ឋេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ (សំខិត្តំ). (១)

១. បច្ចយានុលោមំ

២. សង្ខ្យាវារោ

៤១. ហេតុយា បញ្ច, អារម្មណេ ទ្វេ, អធិបតិយា បញ្ច, អនន្តរេ ទ្វេ, សមនន្តរេ ទ្វេ, សហជាតេ បញ្ច, អញ្ញមញ្ញេ ទ្វេ, និស្សយេ បញ្ច, ឧបនិស្សយេ ទ្វេ, បុរេជាតេ ទ្វេ, អាសេវនេ ទ្វេ, កម្មេ បញ្ច, វិបាកេ ឯកំ, អាហារេ បញ្ច (សំខិត្តំ), អវិគតេ បញ្ច.