១. វិភង្គវារោ

ហេតុបច្ចយោ

៣១៣. និយ្យានិកោ ធម្មោ និយ្យានិកស្ស ធម្មស្ស ហេតុបច្ចយេន បច្ចយោ – និយ្យានិកា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ. (មូលំ កាតព្ពំ.) និយ្យានិកា ហេតូ ចិត្តសមុដ្ឋានានំ រូបានំ ហេតុបច្ចយេន បច្ចយោ. (មូលំ កាតព្ពំ.) និយ្យានិកា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (៣)

អនិយ្យានិកោ ធម្មោ អនិយ្យានិកស្ស ធម្មស្ស ហេតុបច្ចយេន បច្ចយោ – អនិយ្យានិកា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ…. (១)

អារម្មណបច្ចយោ

៣១៤. និយ្យានិកោ ធម្មោ អនិយ្យានិកស្ស ធម្មស្ស អារម្មណបច្ចយេន បច្ចយោ – អរិយា មគ្គា វុដ្ឋហិត្វា មគ្គំ បច្ចវេក្ខន្តិ, ចេតោបរិយញាណេន និយ្យានិកចិត្តសមង្គិស្ស ចិត្តំ ជានាតិ, និយ្យានិកា ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (១)

អនិយ្យានិកោ ធម្មោ អនិយ្យានិកស្ស ធម្មស្ស អារម្មណបច្ចយេន បច្ចយោ – ទានំ…បេ… សីលំ…បេ… ឧបោសថកម្មំ កត្វា តំ បច្ចវេក្ខតិ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ…បេ… ទោមនស្សំ ឧប្បជ្ជតិ; បុព្ពេ សុចិណ្ណានិ…បេ… ឈានា…បេ… អរិយា ផលំ បច្ចវេក្ខន្តិ, និព្ពានំ បច្ចវេក្ខន្តិ, និព្ពានំ គោត្រភុស្ស, វោទានស្ស, ផលស្ស, អាវជ្ជនាយ អារម្មណបច្ចយេន បច្ចយោ; អរិយា បហីនេ កិលេសេ…បេ… វិក្ខម្ភិតេ…បេ… បុព្ពេ សមុទាចិណ្ណេ…បេ… ចក្ខុំ…បេ… វត្ថុំ អនិយ្យានិកេ ខន្ធេ អនិច្ចតោ…បេ… ទោមនស្សំ ឧប្បជ្ជតិ; ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ, ចេតោបរិយញាណេន អនិយ្យានិកចិត្តសមង្គិស្ស ចិត្តំ ជានាតិ, អាកាសានញ្ចាយតនំ វិញ្ញាណញ្ចាយតនស្ស…បេ… អាកិញ្ចញ្ញាយតនំ នេវសញ្ញានាសញ្ញាយតនស្ស…បេ… រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស…បេ… អនិយ្យានិកា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ.

អនិយ្យានិកោ ធម្មោ និយ្យានិកស្ស ធម្មស្ស អារម្មណបច្ចយេន បច្ចយោ – និព្ពានំ មគ្គស្ស អារម្មណបច្ចយេន បច្ចយោ. (២)

អធិបតិបច្ចយោ

៣១៥. និយ្យានិកោ ធម្មោ និយ្យានិកស្ស ធម្មស្ស អធិបតិបច្ចយេន បច្ចយោ. សហជាតាធិបតិ – និយ្យានិកាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ. និយ្យានិកោ ធម្មោ អនិយ្យានិកស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ. សហជាតាធិបតិ – និយ្យានិកាធិបតិ ចិត្តសមុដ្ឋានានំ រូបានំ អធិបតិបច្ចយេន បច្ចយោ. (មូលំ កាតព្ពំ.) និយ្យានិកាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (៣)

៣១៦. អនិយ្យានិកោ ធម្មោ អនិយ្យានិកស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទានំ…បេ… សីលំ…បេ… ឧបោសថកម្មំ កត្វា តំ គរុំ កត្វា បច្ចវេក្ខតិ អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ, បុព្ពេ សុចិណ្ណានិ…បេ… ឈានា វុដ្ឋហិត្វា…បេ… អរិយា ផលំ គរុំ កត្វា បច្ចវេក្ខន្តិ, និព្ពានំ គរុំ កត្វា បច្ចវេក្ខន្តិ, និព្ពានំ គោត្រភុស្ស, វោទានស្ស, ផលស្ស អធិបតិបច្ចយេន បច្ចយោ; ចក្ខុំ…បេ… វត្ថុំ អនិយ្យានិកេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. សហជាតាធិបតិ – អនិយ្យានិកាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. អនិយ្យានិកោ ធម្មោ និយ្យានិកស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – និព្ពានំ មគ្គស្ស អធិបតិបច្ចយេន បច្ចយោ. (២)

អនន្តរបច្ចយាទិ

៣១៧. និយ្យានិកោ ធម្មោ អនិយ្យានិកស្ស ធម្មស្ស អនន្តរបច្ចយេន បច្ចយោ – មគ្គោ ផលស្ស អនន្តរបច្ចយេន បច្ចយោ. (១)

អនិយ្យានិកោ ធម្មោ អនិយ្យានិកស្ស ធម្មស្ស អនន្តរបច្ចយេន បច្ចយោ – បុរិមា បុរិមា អនិយ្យានិកា ខន្ធា បច្ឆិមានំ បច្ឆិមានំ អនិយ្យានិកានំ ខន្ធានំ អនន្តរបច្ចយេន បច្ចយោ; អនុលោមំ គោត្រភុស្ស… អនុលោមំ វោទានស្ស… ផលំ ផលស្ស… អនុលោមំ ផលសមាបត្តិយា … និរោធា វុដ្ឋហន្តស្ស នេវសញ្ញានាសញ្ញាយតនំ ផលសមាបត្តិយា អនន្តរបច្ចយេន បច្ចយោ. អនិយ្យានិកោ ធម្មោ និយ្យានិកស្ស ធម្មស្ស អនន្តរបច្ចយេន បច្ចយោ… គោត្រភុ មគ្គស្ស; វោទានំ មគ្គស្ស អនន្តរបច្ចយេន បច្ចយោ. (២)

សមនន្តរបច្ចយេន បច្ចយោ… សហជាតបច្ចយេន បច្ចយោ… បញ្ច… អញ្ញមញ្ញបច្ចយេន បច្ចយោ… ទ្វេ… និស្សយបច្ចយេន បច្ចយោ… សត្ត.

ឧបនិស្សយបច្ចយោ

៣១៨. និយ្យានិកោ ធម្មោ និយ្យានិកស្ស ធម្មស្ស ឧបនិស្សយបច្ចយេន បច្ចយោ. បកតូបនិស្សយោ – បឋមោ មគ្គោ ទុតិយស្ស មគ្គស្ស ឧបនិស្សយបច្ចយេន បច្ចយោ…បេ… តតិយោ មគ្គោ ចតុត្ថស្ស មគ្គស្ស ឧបនិស្សយបច្ចយេន បច្ចយោ. និយ្យានិកោ ធម្មោ អនិយ្យានិកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – អរិយា មគ្គំ ឧបនិស្សាយ អនុប្បន្នំ សមាបត្តិំ ឧប្បាទេន្តិ, ឧប្បន្នំ សមាបជ្ជន្តិ, សង្ខារេ អនិច្ចតោ…បេ… វិបស្សន្តិ, មគ្គោ អរិយានំ អត្ថបដិសម្ភិទាយ…បេ… បដិភានបដិសម្ភិទាយ ឋានាឋានកោសល្លស្ស ឧបនិស្សយបច្ចយេន បច្ចយោ, មគ្គោ ផលសមាបត្តិយា ឧបនិស្សយបច្ចយេន បច្ចយោ. (២)

៣១៩. អនិយ្យានិកោ ធម្មោ អនិយ្យានិកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – អនិយ្យានិកំ សទ្ធំ ឧបនិស្សាយ ទានំ ទេតិ, សីលំ…បេ… ឧបោសថកម្មំ ករោតិ, ឈានំ ឧប្បាទេតិ… វិបស្សនំ… អភិញ្ញំ… សមាបត្តិំ ឧប្បាទេតិ… មានំ ជប្បេតិ… ទិដ្ឋិំ គណ្ហាតិ; អនិយ្យានិកំ សីលំ…បេ… បញ្ញំ… រាគំ…បេ… បត្ថនំ… ឧតុំ… ភោជនំ… សេនាសនំ ឧបនិស្សាយ ទានំ ទេតិ…បេ… សមាបត្តិំ ឧប្បាទេតិ, បាណំ ហនតិ…បេ… សង្ឃំ ភិន្ទតិ; អនិយ្យានិកា សទ្ធា…បេ… សេនាសនំ អនិយ្យានិកាយ សទ្ធាយ…បេ… បត្ថនាយ… កាយិកស្ស សុខស្ស… កាយិកស្ស ទុក្ខស្ស… ផលសមាបត្តិយា ឧបនិស្សយបច្ចយេន បច្ចយោ. អនិយ្យានិកោ ធម្មោ និយ្យានិកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – បឋមស្ស មគ្គស្ស បរិកម្មំ បឋមស្ស មគ្គស្ស ឧបនិស្សយបច្ចយេន បច្ចយោ…បេ… ចតុត្ថស្ស មគ្គស្ស បរិកម្មំ ចតុត្ថស្ស មគ្គស្ស ឧបនិស្សយបច្ចយេន បច្ចយោ. (២)

បុរេជាតបច្ចយាទិ

៣២០. អនិយ្យានិកោ ធម្មោ អនិយ្យានិកស្ស ធម្មស្ស បុរេជាតបច្ចយេន បច្ចយោ… ទ្វេ (អរូបទុកសទិសា កាតព្ពា)… បច្ឆាជាតបច្ចយេន បច្ចយោ… ទ្វេ… អាសេវនបច្ចយេន បច្ចយោ… ទ្វេ.

កម្មបច្ចយោ

៣២១. និយ្យានិកោ ធម្មោ និយ្យានិកស្ស ធម្មស្ស កម្មបច្ចយេន បច្ចយោ – និយ្យានិកា ចេតនា សម្បយុត្តកានំ ខន្ធានំ កម្មបច្ចយេន បច្ចយោ. និយ្យានិកោ ធម្មោ អនិយ្យានិកស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – និយ្យានិកា ចេតនា ចិត្តសមុដ្ឋានានំ រូបានំ កម្មបច្ចយេន បច្ចយោ. នានាក្ខណិកា – និយ្យានិកា ចេតនា ផលស្ស កម្មបច្ចយេន បច្ចយោ. (មូលំ កាតព្ពំ) និយ្យានិកា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ. (៣)

៣២២. អនិយ្យានិកោ ធម្មោ អនិយ្យានិកស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា (សំខិត្តំ). នានាក្ខណិកា – អនិយ្យានិកា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ… វិបាកបច្ចយេន បច្ចយោ… ឯកំយេវ… អាហារបច្ចយេន បច្ចយោ… ចត្តារិ… ឥន្ទ្រិយបច្ចយេន បច្ចយោ… ចត្តារិ… ឈានបច្ចយេន បច្ចយោ… ចត្តារិ… មគ្គបច្ចយេន បច្ចយោ… ចត្តារិ… សម្បយុត្តបច្ចយេន បច្ចយោ… ទ្វេ… វិប្បយុត្តបច្ចយេន បច្ចយោ… តីណិ (អរូបទុកសទិសា កាតព្ពា)… អត្ថិបច្ចយេន បច្ចយោ… សត្ត (អរូបទុកសទិសា កាតព្ពា, អាមសនា នានាបទាយេវ)… នត្ថិបច្ចយេន បច្ចយោ… តីណិ… វិគតបច្ចយេន បច្ចយោ… តីណិ… អវិគតបច្ចយេន បច្ចយោ… សត្ត.