១. វិភង្គវារោ

នហេតុបច្ចយោ

៣០៩. អនិយ្យានិកំ ធម្មំ បច្ចយា អនិយ្យានិកោ ធម្មោ ឧប្បជ្ជតិ នហេតុបច្ចយា – អហេតុកំ អនិយ្យានិកំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… (យាវ អសញ្ញសត្តា) ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ, វត្ថុំ បច្ចយា អហេតុកា អនិយ្យានិកា ខន្ធា, វិចិកិច្ឆាសហគតេ ឧទ្ធច្ចសហគតេ ខន្ធេ ច វត្ថុញ្ច បច្ចយា វិចិកិច្ឆាសហគតោ ឧទ្ធច្ចសហគតោ មោហោ. (១)

នអារម្មណបច្ចយាទិ

៣១០. និយ្យានិកំ ធម្មំ បច្ចយា អនិយ្យានិកោ ធម្មោ ឧប្បជ្ជតិ នអារម្មណបច្ចយា… តីណិ.

និយ្យានិកំ ធម្មំ បច្ចយា និយ្យានិកោ ធម្មោ ឧប្បជ្ជតិ នអធិបតិបច្ចយា – និយ្យានិកេ ខន្ធេ បច្ចយា និយ្យានិកាធិបតិ. (១)

អនិយ្យានិកំ ធម្មំ បច្ចយា អនិយ្យានិកោ ធម្មោ ឧប្បជ្ជតិ នអធិបតិបច្ចយា – អនិយ្យានិកំ ឯកំ ខន្ធំ បច្ចយា…បេ… (យាវ អសញ្ញសត្តា) ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ, វត្ថុំ បច្ចយា អនិយ្យានិកា ខន្ធា. អនិយ្យានិកំ ធម្មំ បច្ចយា និយ្យានិកោ ធម្មោ ឧប្បជ្ជតិ នអធិបតិបច្ចយា – វត្ថុំ បច្ចយា និយ្យានិកាធិបតិ. (២)

និយ្យានិកញ្ច អនិយ្យានិកញ្ច ធម្មំ បច្ចយា និយ្យានិកោ ធម្មោ ឧប្បជ្ជតិ នអធិបតិបច្ចយា – និយ្យានិកេ ខន្ធេ ច វត្ថុញ្ច បច្ចយា និយ្យានិកាធិបតិ. (១)