១. វិភង្គវារោ

៣០០. និយ្យានិកំ ធម្មំ បដិច្ច និយ្យានិកោ ធម្មោ ឧប្បជ្ជតិ ហេតុបច្ចយា – និយ្យានិកំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ…. និយ្យានិកំ ធម្មំ បដិច្ច អនិយ្យានិកោ ធម្មោ ឧប្បជ្ជតិ ហេតុបច្ចយា – និយ្យានិកេ ខន្ធេ បដិច្ច ចិត្តសមុដ្ឋានំ រូបំ. និយ្យានិកំ ធម្មំ បដិច្ច និយ្យានិកោ ច អនិយ្យានិកោ ច ធម្មា ឧប្បជ្ជន្តិ ហេតុបច្ចយា – និយ្យានិកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ…. (៣)

អនិយ្យានិកំ ធម្មំ បដិច្ច អនិយ្យានិកោ ធម្មោ ឧប្បជ្ជតិ ហេតុបច្ចយា – អនិយ្យានិកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ…. (១)

និយ្យានិកញ្ច អនិយ្យានិកញ្ច ធម្មំ បដិច្ច អនិយ្យានិកោ ធម្មោ ឧប្បជ្ជតិ ហេតុបច្ចយា – និយ្យានិកេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)