១. វិភង្គវារោ

នហេតុ-នអារម្មណបច្ចយា

២៦៨. នអរូបាវចរំ ធម្មំ បដិច្ច នអរូបាវចរោ ធម្មោ ឧប្បជ្ជតិ នហេតុបច្ចយា – អហេតុកំ នអរូបាវចរំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ …បេ… ទ្វេ ខន្ធេ…បេ… អហេតុកបដិសន្ធិក្ខណេ…បេ… (យាវ អសញ្ញសត្តា) វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ. (១) នអារម្មណបច្ចយា… តីណិ.

នអធិបតិបច្ចយាទិ

២៦៩. អរូបាវចរំ ធម្មំ បដិច្ច អរូបាវចរោ ធម្មោ ឧប្បជ្ជតិ នអធិបតិបច្ចយា – អរូបាវចរេ ខន្ធេ បដិច្ច អរូបាវចរាធិបតិ, វិបាកំ អរូបាវចរំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ…. (១)

នអរូបាវចរំ ធម្មំ បដិច្ច នអរូបាវចរោ ធម្មោ ឧប្បជ្ជតិ នអធិបតិបច្ចយា – នអរូបាវចរំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ …បេ… បដិសន្ធិក្ខណេ…បេ… (យាវ អសញ្ញសត្តា). (១) នអនន្តរបច្ចយា…បេ… នឧបនិស្សយបច្ចយា.

នបុរេជាតបច្ចយាទិ

២៧០. អរូបាវចរំ ធម្មំ បដិច្ច អរូបាវចរោ ធម្មោ ឧប្បជ្ជតិ នបុរេជាតបច្ចយា – អរូបេ អរូបាវចរំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ…. (មូលំ កាតព្ពំ.) អរូបាវចរេ ខន្ធេ បដិច្ច ចិត្តសមុដ្ឋានំ រូបំ. (២)

នអរូបាវចរំ ធម្មំ បដិច្ច នអរូបាវចរោ ធម្មោ ឧប្បជ្ជតិ នបុរេជាតបច្ចយា – អរូបេ នអរូបាវចរំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ… (យាវ អសញ្ញសត្តា). (១)

អរូបាវចរញ្ច នអរូបាវចរញ្ច ធម្មំ បដិច្ច នអរូបាវចរោ ធម្មោ ឧប្បជ្ជតិ នបុរេជាតបច្ចយា – អរូបាវចរេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១) នបច្ឆាជាតបច្ចយា….

នអាសេវនបច្ចយោ

២៧១. អរូបាវចរំ ធម្មំ បដិច្ច អរូបាវចរោ ធម្មោ ឧប្បជ្ជតិ នអាសេវនបច្ចយា – វិបាកំ អរូបាវចរំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ…. អរូបាវចរំ ធម្មំ បដិច្ច នអរូបាវចរោ ធម្មោ ឧប្បជ្ជតិ នអាសេវនបច្ចយា – អរូបាវចរេ ខន្ធេ បដិច្ច ចិត្តសមុដ្ឋានំ រូបំ. (២)

នអរូបាវចរំ ធម្មំ បដិច្ច នអរូបាវចរោ ធម្មោ ឧប្បជ្ជតិ នអាសេវនបច្ចយា – នអរូបាវចរំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… (យាវ អសញ្ញសត្តា). (១)

អរូបាវចរញ្ច នអរូបាវចរញ្ច ធម្មំ បដិច្ច នអរូបាវចរោ ធម្មោ ឧប្បជ្ជតិ នអាសេវនបច្ចយា – អរូបាវចរេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១) (សំខិត្តំ.)