១. វិភង្គវារោ

នហេតុ-នអារម្មណបច្ចយា

២៣០. នរូបាវចរំ ធម្មំ បដិច្ច នរូបាវចរោ ធម្មោ ឧប្បជ្ជតិ នហេតុបច្ចយា – អហេតុកំ នរូបាវចរំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… អហេតុកបដិសន្ធិក្ខណេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ… (យាវ អសញ្ញសត្តា) វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ. (១)

នអារម្មណបច្ចយា… តីណិ.

នអធិបតិបច្ចយាទិ

២៣១. រូបាវចរំ ធម្មំ បដិច្ច រូបាវចរោ ធម្មោ ឧប្បជ្ជតិ នអធិបតិបច្ចយា – រូបាវចរេ ខន្ធេ បដិច្ច រូបាវចរាធិបតិ វិបាកំ, រូបាវចរំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ…. រូបាវចរំ ធម្មំ បដិច្ច នរូបាវចរោ ធម្មោ ឧប្បជ្ជតិ នអធិបតិបច្ចយា – វិបាកេ រូបាវចរេ ខន្ធេ បដិច្ច ចិត្តសមុដ្ឋានំ រូបំ; បដិសន្ធិក្ខណេ…បេ…. រូបាវចរំ ធម្មំ បដិច្ច រូបាវចរោ ច នរូបាវចរោ ច ធម្មា ឧប្បជ្ជន្តិ នអធិបតិបច្ចយា – វិបាកំ រូបាវចរំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ…. (៣)

នរូបាវចរំ ធម្មំ បដិច្ច នរូបាវចរោ ធម្មោ ឧប្បជ្ជតិ នអធិបតិបច្ចយា – នរូបាវចរំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… តីណិ. (នកាមាវចរំ បដិច្ចវារសទិសំ និន្នានំ, ឥធ សព្ពេ មហាភូតា កាតព្ពា.) (៣)

២៣២. រូបាវចរញ្ច នរូបាវចរញ្ច ធម្មំ បដិច្ច រូបាវចរោ ធម្មោ ឧប្បជ្ជតិ នអធិបតិបច្ចយា – បដិសន្ធិក្ខណេ រូបាវចរំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ ច…បេ…. រូបាវចរញ្ច នរូបាវចរញ្ច ធម្មំ បដិច្ច នរូបាវចរោ ធម្មោ ឧប្បជ្ជតិ នអធិបតិបច្ចយា – វិបាកេ រូបាវចរេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ; បដិសន្ធិក្ខណេ…បេ…. រូបាវចរញ្ច នរូបាវចរញ្ច ធម្មំ បដិច្ច រូបាវចរោ ច នរូបាវចរោ ច ធម្មា ឧប្បជ្ជន្តិ នអធិបតិបច្ចយា – បដិសន្ធិក្ខណេ រូបាវចរំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ ច…បេ… រូបាវចរេ ខន្ធេ ច មហាភូតេ ច បដិច្ច កដត្តារូបំ. (៣) នអនន្តរបច្ចយា…បេ… នឧបនិស្សយបច្ចយា.

នបុរេជាតបច្ចយាទិ

២៣៣. រូបាវចរំ ធម្មំ បដិច្ច រូបាវចរោ ធម្មោ ឧប្បជ្ជតិ នបុរេជាតបច្ចយា – បដិសន្ធិក្ខណេ រូបាវចរំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ…. រូបាវចរំ ធម្មំ បដិច្ច នរូបាវចរោ ធម្មោ ឧប្បជ្ជតិ នបុរេជាតបច្ចយា – រូបាវចរេ ខន្ធេ បដិច្ច ចិត្តសមុដ្ឋានំ រូបំ; បដិសន្ធិក្ខណេ…បេ…. រូបាវចរំ ធម្មំ បដិច្ច រូបាវចរោ ច នរូបាវចរោ ច ធម្មា ឧប្បជ្ជន្តិ នបុរេជាតបច្ចយា – បដិសន្ធិក្ខណេ រូបាវចរំ ឯកំ ខន្ធំ បដិច្ច តយោ ខន្ធា កដត្តា ច រូបំ…បេ… ទ្វេ ខន្ធេ…បេ…. (៣)

នរូបាវចរំ ធម្មំ បដិច្ច នរូបាវចរោ ធម្មោ ឧប្បជ្ជតិ នបុរេជាតបច្ចយា – អរូបេ នរូបាវចរំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ… នរូបាវចរេ ខន្ធេ បដិច្ច ចិត្តសមុដ្ឋានំ រូបំ; បដិសន្ធិក្ខណេ…បេ… (យាវ អសញ្ញសត្តា, ឥតរេ បញ្ចបិ បញ្ហា, អនុលោមំ កាតព្ពំ) នបច្ឆាជាតបច្ចយា… នវ.

នអាសេវនបច្ចយាទិ

២៣៤. រូបាវចរំ ធម្មំ បដិច្ច រូបាវចរោ ធម្មោ ឧប្បជ្ជតិ នអាសេវនបច្ចយា – វិបាកំ រូបាវចរំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ…. រូបាវចរំ ធម្មំ បដិច្ច នរូបាវចរោ ធម្មោ ឧប្បជ្ជតិ នអាសេវនបច្ចយា – រូបាវចរេ ខន្ធេ បដិច្ច ចិត្តសមុដ្ឋានំ រូបំ; បដិសន្ធិក្ខណេ…បេ…. រូបាវចរំ ធម្មំ បដិច្ច រូបាវចរោ ច នរូបាវចរោ ច ធម្មា ឧប្បជ្ជន្តិ នអាសេវនបច្ចយា – វិបាកំ រូបាវចរំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ …បេ…. (៣)

នរូបាវចរំ ធម្មំ បដិច្ច នរូបាវចរោ ធម្មោ ឧប្បជ្ជតិ នអាសេវនបច្ចយា… តីណិ.

រូបាវចរញ្ច នរូបាវចរញ្ច ធម្មំ បដិច្ច រូបាវចរោ ធម្មោ ឧប្បជ្ជតិ នអាសេវនបច្ចយា (សំខិត្តំ. មូលំ. ឥតរេបិ បញ្ហា កាតព្ពា)… នកម្មបច្ចយា… ទ្វេ…បេ… នសម្បយុត្តបច្ចយា.

២៣៥. នរូបាវចរំ ធម្មំ បដិច្ច នរូបាវចរោ ធម្មោ ឧប្បជ្ជតិ នវិប្បយុត្តបច្ចយា – អរូបេ នរូបាវចរំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ…បេ… (សំខិត្តំ).