១. វិភង្គវារោ

ហេតុបច្ចយោ

២០៦. កាមាវចរោ ធម្មោ កាមាវចរស្ស ធម្មស្ស ហេតុបច្ចយេន បច្ចយោ – កាមាវចរា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ…. (១)

នកាមាវចរោ ធម្មោ នកាមាវចរស្ស ធម្មស្ស ហេតុបច្ចយេន បច្ចយោ – នកាមាវចរា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ; បដិសន្ធិក្ខណេ…បេ…. នកាមាវចរោ ធម្មោ កាមាវចរស្ស ធម្មស្ស ហេតុបច្ចយេន បច្ចយោ – នកាមាវចរា ហេតូ ចិត្តសមុដ្ឋានានំ រូបានំ ហេតុបច្ចយេន បច្ចយោ; បដិសន្ធិក្ខណេ…បេ…. (មូលំ កាតព្ពំ.) នកាមាវចរា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ…. (៣)

អារម្មណបច្ចយោ

២០៧. កាមាវចរោ ធម្មោ កាមាវចរស្ស ធម្មស្ស អារម្មណបច្ចយេន បច្ចយោ – ទានំ ទត្វា សីលំ…បេ… ឧបោសថកម្មំ…បេ… បុព្ពេ សុចិណ្ណានិ បច្ចវេក្ខតិ អស្សាទេតិ អភិនន្ទតិ, តំ អារព្ភ រាគោ…បេ… ទោមនស្សំ ឧប្បជ្ជតិ; អរិយា គោត្រភុំ បច្ចវេក្ខន្តិ, វោទានំ បច្ចវេក្ខន្តិ; បហីនេ កិលេសេ…បេ… វិក្ខម្ភិតេ កិលេសេ…បេ… បុព្ពេ សុចិណ្ណានិ…បេ… ចក្ខុំ…បេ… វត្ថុំ កាមាវចរេ ខន្ធេ អនិច្ចតោ…បេ… ទោមនស្សំ ឧប្បជ្ជតិ; រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស អារម្មណបច្ចយេន បច្ចយោ. (១)

កាមាវចរោ ធម្មោ នកាមាវចរស្ស ធម្មស្ស អារម្មណបច្ចយេន បច្ចយោ – ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ, ចេតោបរិយញាណេន កាមាវចរចិត្តសមង្គិស្ស ចិត្តំ ជានាតិ, កាមាវចរា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស អារម្មណបច្ចយេន បច្ចយោ. (២)

២០៨. នកាមាវចរោ ធម្មោ នកាមាវចរស្ស ធម្មស្ស អារម្មណបច្ចយេន បច្ចយោ – និព្ពានំ មគ្គស្ស, ផលស្ស អារម្មណបច្ចយេន បច្ចយោ; ចេតោបរិយញាណេន នកាមាវចរចិត្តសមង្គិស្ស ចិត្តំ ជានាតិ, អាកាសានញ្ចាយតនំ វិញ្ញាណញ្ចាយតនស្ស…បេ… អាកិញ្ចញ្ញាយតនំ នេវសញ្ញានាសញ្ញាយតនស្ស…បេ… នកាមាវចរា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស អារម្មណបច្ចយេន បច្ចយោ. (១)

នកាមាវចរោ ធម្មោ កាមាវចរស្ស ធម្មស្ស អារម្មណបច្ចយេន បច្ចយោ – ឈានា វុដ្ឋហិត្វា ឈានំ បច្ចវេក្ខតិ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ, ទិដ្ឋិ ឧប្បជ្ជតិ…បេ… អរិយា មគ្គា វុដ្ឋហិត្វា មគ្គំ បច្ចវេក្ខន្តិ; ផលំ…បេ… និព្ពានំ បច្ចវេក្ខន្តិ, និព្ពានំ គោត្រភុស្ស, វោទានស្ស, អាវជ្ជនាយ អារម្មណបច្ចយេន បច្ចយោ; អាកាសានញ្ចាយតនំ បច្ចវេក្ខតិ, វិញ្ញាណញ្ចាយតនំ បច្ចវេក្ខតិ, អាកិញ្ចញ្ញាយតនំ បច្ចវេក្ខតិ, នេវសញ្ញានាសញ្ញាយតនំ បច្ចវេក្ខតិ, ទិព្ពំ ចក្ខុំ បច្ចវេក្ខតិ, ទិព្ពំ សោតធាតុំ បច្ចវេក្ខតិ, ឥទ្ធិវិធញាណំ បច្ចវេក្ខតិ, ចេតោបរិយញាណំ…បេ… បុព្ពេនិវាសានុស្សតិញាណំ…បេ… យថាកម្មូបគញាណំ…បេ… អនាគតំសញាណំ បច្ចវេក្ខតិ, នកាមាវចរេ ខន្ធេ អនិច្ចតោ…បេ… ទោមនស្សំ ឧប្បជ្ជតិ. (២)

អធិបតិបច្ចយោ

២០៩. កាមាវចរោ ធម្មោ កាមាវចរស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទានំ…បេ… សីលំ…បេ… ឧបោសថកម្មំ…បេ… បុព្ពេ សុចិណ្ណានិ គរុំ កត្វា បច្ចវេក្ខតិ អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ, សេក្ខា គោត្រភុំ គរុំ កត្វា បច្ចវេក្ខន្តិ, វោទានំ គរុំ កត្វា បច្ចវេក្ខន្តិ, ចក្ខុំ…បេ… វត្ថុំ កាមាវចរេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. សហជាតាធិបតិ – កាមាវចរាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (១)

២១០. នកាមាវចរោ ធម្មោ នកាមាវចរស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – និព្ពានំ មគ្គស្ស, ផលស្ស អធិបតិបច្ចយេន បច្ចយោ. សហជាតាធិបតិ – នកាមាវចរាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ. នកាមាវចរោ ធម្មោ កាមាវចរស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ឈានា វុដ្ឋហិត្វា ឈានំ គរុំ កត្វា បច្ចវេក្ខតិ អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ, អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ, ផលំ…បេ… និព្ពានំ គរុំ កត្វា បច្ចវេក្ខន្តិ, និព្ពានំ គោត្រភុស្ស, វោទានស្ស អធិបតិបច្ចយេន បច្ចយោ; អាកាសានញ្ចាយតនំ គរុំ កត្វា បច្ចវេក្ខតិ វិញ្ញាណញ្ចាយតនំ…បេ… អាកិញ្ចញ្ញាយតនំ…បេ… នេវសញ្ញានាសញ្ញាយតនំ គរុំ កត្វា បច្ចវេក្ខតិ, ទិព្ពំ ចក្ខុំ…បេ… ទិព្ពំ សោតធាតុំ…បេ… ឥទ្ធិវិធញាណំ…បេ… អនាគតំសញាណំ គរុំ កត្វា បច្ចវេក្ខតិ, នកាមាវចរេ ខន្ធេ គរុំ កត្វា អស្សាទេតិ អភិនន្ទតិ តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. សហជាតាធិបតិ – នកាមាវចរាធិបតិ ចិត្តសមុដ្ឋានានំ រូបានំ អធិបតិបច្ចយេន បច្ចយោ; នកាមាវចរោ ធម្មោ កាមាវចរស្ស ច នកាមាវចរស្ស ច ធម្មស្ស អធិបតិបច្ចយេន បច្ចយោ. សហជាតាធិបតិ – នកាមាវចរាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (៣)

អនន្តរបច្ចយាទិ

២១១. កាមាវចរោ ធម្មោ កាមាវចរស្ស ធម្មស្ស អនន្តរបច្ចយេន បច្ចយោ – បុរិមា បុរិមា កាមាវចរា ខន្ធា បច្ឆិមានំ បច្ឆិមានំ កាមាវចរានំ ខន្ធានំ អនន្តរបច្ចយេន បច្ចយោ; អនុលោមំ គោត្រភុស្ស… អនុលោមំ វោទានស្ស… អាវជ្ជនា កាមាវចរានំ ខន្ធានំ អនន្តរបច្ចយេន បច្ចយោ.

កាមាវចរោ ធម្មោ នកាមាវចរស្ស ធម្មស្ស អនន្តរបច្ចយេន បច្ចយោ – កាមាវចរំ ចុតិចិត្តំ នកាមាវចរស្ស ឧបបត្តិចិត្តស្ស… អាវជ្ជនា នកាមាវចរានំ ខន្ធានំ អនន្តរបច្ចយេន បច្ចយោ; កាមាវចរា ខន្ធា នកាមាវចរស្ស វុដ្ឋានស្ស អនន្តរបច្ចយេន បច្ចយោ; បឋមស្ស ឈានស្ស បរិកម្មំ បឋមស្ស ឈានស្ស អនន្តរបច្ចយេន បច្ចយោ…បេ… ចតុត្ថស្ស ឈានស្ស…បេ… នេវសញ្ញានាសញ្ញាយតនស្ស បរិកម្មំ…បេ… ទិព្ពស្ស ចក្ខុស្ស…បេ… ទិព្ពាយ សោតធាតុយា…បេ… ឥទ្ធិវិធញាណស្ស…បេ… ចេតោបរិយញាណស្ស…បេ… បុព្ពេនិវាសានុស្សតិញាណស្ស…បេ… យថាកម្មូបគញាណស្ស…បេ… អនាគតំសញាណស្ស បរិកម្មំ អនាគតំសញាណស្ស អនន្តរបច្ចយេន បច្ចយោ; គោត្រភុ មគ្គស្ស… វោទានំ មគ្គស្ស… អនុលោមំ ផលសមាបត្តិយា អនន្តរបច្ចយេន បច្ចយោ. (២)

២១២. នកាមាវចរោ ធម្មោ នកាមាវចរស្ស ធម្មស្ស អនន្តរបច្ចយេន បច្ចយោ – បុរិមា បុរិមា នកាមាវចរា ខន្ធា បច្ឆិមានំ បច្ឆិមានំ នកាមាវចរានំ ខន្ធានំ អនន្តរបច្ចយេន បច្ចយោ; មគ្គោ ផលស្ស, ផលំ ផលស្ស, និរោធា វុដ្ឋហន្តស្ស, នេវសញ្ញានាសញ្ញាយតនំ ផលសមាបត្តិយា អនន្តរបច្ចយេន បច្ចយោ. នកាមាវចរោ ធម្មោ កាមាវចរស្ស ធម្មស្ស អនន្តរបច្ចយេន បច្ចយោ – នកាមាវចរំ ចុតិចិត្តំ កាមាវចរស្ស ឧបបត្តិចិត្តស្ស, នកាមាវចរំ ភវង្គំ អាវជ្ជនាយ, នកាមាវចរា ខន្ធា កាមាវចរស្ស វុដ្ឋានស្ស អនន្តរបច្ចយេន បច្ចយោ…. (២)

សមនន្តរបច្ចយេន បច្ចយោ… សហជាតបច្ចយេន បច្ចយោ… សត្ត… អញ្ញមញ្ញបច្ចយេន បច្ចយោ… ឆ… និស្សយបច្ចយេន បច្ចយោ… សត្ត.

ឧបនិស្សយបច្ចយោ

២១៣. កាមាវចរោ ធម្មោ កាមាវចរស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – កាមាវចរំ សទ្ធំ ឧបនិស្សាយ ទានំ ទេតិ…បេ… សីលំ…បេ… ឧបោសថកម្មំ…បេ… វិបស្សនំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ; កាមាវចរំ សីលំ…បេ… បញ្ញំ… រាគំ…បេ… បត្ថនំ… កាយិកំ សុខំ… កាយិកំ ទុក្ខំ… ឧតុំ… ភោជនំ… សេនាសនំ ឧបនិស្សាយ ទានំ ទេតិ…បេ… វិបស្សនំ ឧប្បាទេតិ, បាណំ ហនតិ…បេ… សង្ឃំ ភិន្ទតិ; កាមាវចរា សទ្ធា…បេ… សេនាសនំ កាមាវចរាយ សទ្ធាយ…បេ… បត្ថនាយ… កាយិកស្ស សុខស្ស… កាយិកស្ស ទុក្ខស្ស ឧបនិស្សយបច្ចយេន បច្ចយោ. (១)

កាមាវចរោ ធម្មោ នកាមាវចរស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – កាមាវចរំ សទ្ធំ ឧបនិស្សាយ នកាមាវចរំ ឈានំ ឧប្បាទេតិ, មគ្គំ…បេ… អភិញ្ញំ…បេ… សមាបត្តិំ ឧប្បាទេតិ; កាមាវចរំ សីលំ…បេ… សេនាសនំ ឧបនិស្សាយ នកាមាវចរំ ឈានំ ឧប្បាទេតិ, មគ្គំ…បេ… អភិញ្ញំ…បេ… សមាបត្តិំ ឧប្បាទេតិ; កាមាវចរា សទ្ធា…បេ… សេនាសនំ នកាមាវចរាយ សទ្ធាយ…បេ… បញ្ញាយ… មគ្គស្ស, ផលសមាបត្តិយា ឧបនិស្សយបច្ចយេន បច្ចយោ; បឋមស្ស ឈានស្ស បរិកម្មំ បឋមស្ស ឈានស្ស…បេ… ចតុត្ថស្ស ឈានស្ស…បេ… អាកាសានញ្ចាយតនស្ស…បេ… បឋមស្ស មគ្គស្ស…បេ… ចតុត្ថស្ស មគ្គស្ស បរិកម្មំ ចតុត្ថស្ស មគ្គស្ស ឧបនិស្សយបច្ចយេន បច្ចយោ. (២)

២១៤. នកាមាវចរោ ធម្មោ នកាមាវចរស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – នកាមាវចរំ សទ្ធំ ឧបនិស្សាយ ឈានំ ឧប្បាទេតិ, មគ្គំ…បេ… អភិញ្ញំ…បេ… សមាបត្តិំ ឧប្បាទេតិ; នកាមាវចរំ សីលំ …បេ… បញ្ញំ ឧបនិស្សាយ នកាមាវចរំ ឈានំ ឧប្បាទេតិ…បេ… មគ្គំ…បេ… អភិញ្ញំ…បេ… សមាបត្តិំ ឧប្បាទេតិ; នកាមាវចរា សទ្ធា…បេ… បញ្ញា នកាមាវចរាយ សទ្ធាយ…បេ… បញ្ញាយ, មគ្គស្ស, ផលសមាបត្តិយា ឧបនិស្សយបច្ចយេន បច្ចយោ; បឋមំ ឈានំ ទុតិយស្ស ឈានស្ស ឧបនិស្សយបច្ចយេន បច្ចយោ…បេ… តតិយំ ឈានំ…បេ… ចតុត្ថំ ឈានំ…បេ… អាកាសានញ្ចាយតនំ វិញ្ញាណញ្ចាយតនស្ស …បេ… អាកិញ្ចញ្ញាយតនំ នេវសញ្ញានាសញ្ញាយតនស្ស ឧបនិស្សយបច្ចយេន បច្ចយោ; បឋមោ មគ្គោ ទុតិយស្ស មគ្គស្ស…បេ… ទុតិយោ មគ្គោ តតិយស្ស មគ្គស្ស…បេ… តតិយោ មគ្គោ ចតុត្ថស្ស មគ្គស្ស ឧបនិស្សយបច្ចយេន បច្ចយោ; មគ្គោ ផលសមាបត្តិយា ឧបនិស្សយបច្ចយេន បច្ចយោ. (១)

នកាមាវចរោ ធម្មោ កាមាវចរស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – នកាមាវចរំ សទ្ធំ ឧបនិស្សាយ ទានំ ទេតិ, សីលំ…បេ… ឧបោសថកម្មំ…បេ… វិបស្សនំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ; នកាមាវចរំ សីលំ…បេ… បញ្ញំ ឧបនិស្សាយ ទានំ ទេតិ, សីលំ…បេ… ឧបោសថកម្មំ…បេ… វិបស្សនំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ; នកាមាវចរា សទ្ធា…បេ… បញ្ញា កាមាវចរាយ សទ្ធាយ…បេ… បញ្ញាយ, រាគស្ស…បេ… បត្ថនាយ កាយិកស្ស សុខស្ស, កាយិកស្ស ទុក្ខស្ស ឧបនិស្សយបច្ចយេន បច្ចយោ; អរិយា មគ្គំ ឧបនិស្សាយ សង្ខារេ អនិច្ចតោ…បេ… វិបស្សន្តិ, មគ្គោ អរិយានំ អត្ថបដិសម្ភិទាយ… ធម្មបដិសម្ភិទាយ… និរុត្តិបដិសម្ភិទាយ… បដិភានបដិសម្ភិទាយ… ឋានាឋានកោសល្លស្ស ឧបនិស្សយបច្ចយេន បច្ចយោ; ផលសមាបត្តិ កាយិកស្ស សុខស្ស ឧបនិស្សយបច្ចយេន បច្ចយោ. (២)

បុរេជាតបច្ចយាទិ

២១៥. កាមាវចរោ ធម្មោ កាមាវចរស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អនិច្ចតោ…បេ… ទោមនស្សំ ឧប្បជ្ជតិ; រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស …បេ…. វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស…បេ… វត្ថុ កាមាវចរានំ ខន្ធានំ បុរេជាតបច្ចយេន បច្ចយោ. កាមាវចរោ ធម្មោ នកាមាវចរស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. វត្ថុបុរេជាតំ – វត្ថុ នកាមាវចរានំ ខន្ធានំ បុរេជាតបច្ចយេន បច្ចយោ. (២)

បច្ឆាជាតបច្ចយេន បច្ចយោ… ទ្វេ… អាសេវនបច្ចយេន បច្ចយោ… តីណិ.

កម្មបច្ចយាទិ

២១៦. កាមាវចរោ ធម្មោ កាមាវចរស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា (សំខិត្តំ).

នកាមាវចរោ ធម្មោ នកាមាវចរស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា (សំខិត្តំ). នកាមាវចរោ ធម្មោ កាមាវចរស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា (សំខិត្តំ). នកាមាវចរោ ធម្មោ កាមាវចរស្ស ច នកាមាវចរស្ស ច ធម្មស្ស កម្មបច្ចយេន បច្ចយោ – សហជាតា, នានាក្ខណិកា (សំខិត្តំ). (៣)

វិបាកបច្ចយេន បច្ចយោ… ចត្តារិ… អាហារបច្ចយេន បច្ចយោ… ចត្តារិ… ឥន្ទ្រិយបច្ចយេន បច្ចយោ… ចត្តារិ… ឈានបច្ចយេន បច្ចយោ… ចត្តារិ… មគ្គបច្ចយេន បច្ចយោ… ចត្តារិ… សម្បយុត្តបច្ចយេន បច្ចយោ… ទ្វេ.

វិប្បយុត្តបច្ចយោ

២១៧. កាមាវចរោ ធម្មោ កាមាវចរស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ (សំខិត្តំ). កាមាវចរោ ធម្មោ នកាមាវចរស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ. សហជាតំ (សំខិត្តំ) បដិសន្ធិក្ខណេ វត្ថុ នកាមាវចរានំ ខន្ធានំ វិប្បយុត្តបច្ចយេន បច្ចយោ. បុរេជាតំ – វត្ថុ នកាមាវចរានំ ខន្ធានំ វិប្បយុត្តបច្ចយេន បច្ចយោ. (២)

នកាមាវចរោ ធម្មោ កាមាវចរស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ. សហជាតា – នកាមាវចរា ខន្ធា ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ; បដិសន្ធិក្ខណេ…បេ…. បច្ឆាជាតា – នកាមាវចរា ខន្ធា បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ. (១)

អត្ថិបច្ចយាទិ

២១៨. កាមាវចរោ ធម្មោ កាមាវចរស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ (សំខិត្តំ). កាមាវចរោ ធម្មោ នកាមាវចរស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតំ – បដិសន្ធិក្ខណេ វត្ថុ នកាមាវចរានំ ខន្ធានំ អត្ថិបច្ចយេន បច្ចយោ. បុរេជាតំ – ទិព្ពេន ចក្ខុនា រូបំ បស្សតិ…បេ… (បុរេជាតសទិសំ). (២)

នកាមាវចរោ ធម្មោ នកាមាវចរស្ស ធម្មស្ស អត្ថិបច្ចយេន បច្ចយោ – សហជាតំ (សំខិត្តំ). នកាមាវចរោ ធម្មោ កាមាវចរស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ (វិប្បយុត្តសទិសំ). នកាមាវចរោ ធម្មោ កាមាវចរស្ស ច នកាមាវចរស្ស ច ធម្មស្ស អត្ថិបច្ចយេន បច្ចយោ (បដិច្ចសទិសំ). (៣)

២១៩. កាមាវចរោ ច នកាមាវចរោ ច ធម្មា កាមាវចរស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ, អាហារំ, ឥន្ទ្រិយំ. សហជាតា – នកាមាវចរា ខន្ធា ច មហាភូតា ច ចិត្តសមុដ្ឋានានំ រូបានំ អត្ថិបច្ចយេន បច្ចយោ; បដិសន្ធិក្ខណេ…បេ…. បច្ឆាជាតា – នកាមាវចរា ខន្ធា ច កពឡីការោ អាហារោ ច ឥមស្ស កាយស្ស អត្ថិបច្ចយេន បច្ចយោ. បច្ឆាជាតា – នកាមាវចរា ខន្ធា ច រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ. កាមាវចរោ ច នកាមាវចរោ ច ធម្មា នកាមាវចរស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – នកាមាវចរោ ឯកោ ខន្ធោ ច វត្ថុ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ… ទ្វេ ខន្ធា ច…បេ… បដិសន្ធិក្ខណេ…បេ…. នត្ថិបច្ចយេន បច្ចយោ… វិគតបច្ចយេន បច្ចយោ… អវិគតបច្ចយេន បច្ចយោ. (២)