១. វិភង្គវារោ

នហេតុបច្ចយាទិ

១៩៨. កាមាវចរំ ធម្មំ បដិច្ច កាមាវចរោ ធម្មោ ឧប្បជ្ជតិ នហេតុបច្ចយា – អហេតុកំ កាមាវចរំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… អហេតុកបដិសន្ធិក្ខណេ…បេ… (យាវ អសញ្ញសត្តា) វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ. (១)

នអារម្មណបច្ចយា… តីណិ.

នអធិបតិបច្ចយាទិ

១៩៩. កាមាវចរំ ធម្មំ បដិច្ច កាមាវចរោ ធម្មោ ឧប្បជ្ជតិ នអធិបតិបច្ចយា… តីណិ.

នកាមាវចរំ ធម្មំ បដិច្ច នកាមាវចរោ ធម្មោ ឧប្បជ្ជតិ នអធិបតិបច្ចយា – នកាមាវចរេ ខន្ធេ បដិច្ច នកាមាវចរាធិបតិ, វិបាកំ នកាមាវចរំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ…. នកាមាវចរំ ធម្មំ បដិច្ច កាមាវចរោ ធម្មោ ឧប្បជ្ជតិ នអធិបតិបច្ចយា – វិបាកេ នកាមាវចរេ ខន្ធេ បដិច្ច ចិត្តសមុដ្ឋានំ រូបំ; បដិសន្ធិក្ខណេ…បេ…. នកាមាវចរំ ធម្មំ បដិច្ច កាមាវចរោ ច នកាមាវចរោ ច ធម្មា ឧប្បជ្ជន្តិ នអធិបតិបច្ចយា – វិបាកំ នកាមាវចរំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ…. (៣)

កាមាវចរញ្ច នកាមាវចរញ្ច ធម្មំ បដិច្ច កាមាវចរោ ធម្មោ ឧប្បជ្ជតិ នអធិបតិបច្ចយា – វិបាកេ នកាមាវចរេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ; បដិសន្ធិក្ខណេ…បេ… (ឥតរេ ទ្វេ បាកតិកា) នអនន្តរបច្ចយា…បេ… នបុរេជាតបច្ចយា… នបច្ឆាជាតបច្ចយា.

នអាសេវនបច្ចយោ

២០០. កាមាវចរំ ធម្មំ បដិច្ច កាមាវចរោ ធម្មោ ឧប្បជ្ជតិ នអាសេវនបច្ចយា… តីណិ.

នកាមាវចរំ ធម្មំ បដិច្ច នកាមាវចរោ ធម្មោ ឧប្បជ្ជតិ នអាសេវនបច្ចយា – វិបាកំ នកាមាវចរំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ…. នកាមាវចរំ ធម្មំ បដិច្ច កាមាវចរោ ធម្មោ ឧប្បជ្ជតិ នអាសេវនបច្ចយា – នកាមាវចរេ ខន្ធេ បដិច្ច ចិត្តសមុដ្ឋានំ រូបំ; បដិសន្ធិក្ខណេ…បេ… (មូលំ កាតព្ពំ) វិបាកំ នកាមាវចរំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ…. (៣)

(អវសេសា តីណិ បាកតិកា. សំខិត្តំ.)