១. វិភង្គវារោ

ហេតុបច្ចយោ

១៩៤. កាមាវចរំ ធម្មំ បដិច្ច កាមាវចរោ ធម្មោ ឧប្បជ្ជតិ ហេតុបច្ចយា – កាមាវចរំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… ឯកំ មហាភូតំ…បេ… (សំខិត្តំ). កាមាវចរំ ធម្មំ បដិច្ច នកាមាវចរោ ធម្មោ ឧប្បជ្ជតិ ហេតុបច្ចយា – បដិសន្ធិក្ខណេ វត្ថុំ បដិច្ច នកាមាវចរា ខន្ធា. កាមាវចរំ ធម្មំ បដិច្ច កាមាវចរោ ច នកាមាវចរោ ច ធម្មា ឧប្បជ្ជន្តិ ហេតុបច្ចយា – បដិសន្ធិក្ខណេ វត្ថុំ បដិច្ច នកាមាវចរា ខន្ធា, មហាភូតេ បដិច្ច កដត្តារូបំ. (៣)

១៩៥. នកាមាវចរំ ធម្មំ បដិច្ច នកាមាវចរោ ធម្មោ ឧប្បជ្ជតិ ហេតុបច្ចយា – នកាមាវចរំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ…. នកាមាវចរំ ធម្មំ បដិច្ច កាមាវចរោ ធម្មោ ឧប្បជ្ជតិ ហេតុបច្ចយា – នកាមាវចរេ ខន្ធេ បដិច្ច ចិត្តសមុដ្ឋានំ រូបំ; បដិសន្ធិក្ខណេ នកាមាវចរេ ខន្ធេ បដិច្ច កដត្តារូបំ. នកាមាវចរំ ធម្មំ បដិច្ច កាមាវចរោ ច នកាមាវចរោ ច ធម្មា ឧប្បជ្ជន្តិ ហេតុបច្ចយា – នកាមាវចរំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ…. (៣)

១៩៦. កាមាវចរញ្ច នកាមាវចរញ្ច ធម្មំ បដិច្ច កាមាវចរោ ធម្មោ ឧប្បជ្ជតិ ហេតុបច្ចយា – នកាមាវចរេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ; បដិសន្ធិក្ខណេ នកាមាវចរេ ខន្ធេ ច មហាភូតេ ច បដិច្ច កដត្តារូបំ. កាមាវចរញ្ច នកាមាវចរញ្ច ធម្មំ បដិច្ច នកាមាវចរោ ធម្មោ ឧប្បជ្ជតិ ហេតុបច្ចយា – បដិសន្ធិក្ខណេ នកាមាវចរំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ ច…បេ…. កាមាវចរញ្ច នកាមាវចរញ្ច ធម្មំ បដិច្ច កាមាវចរោ ច នកាមាវចរោ ច ធម្មា ឧប្បជ្ជន្តិ ហេតុបច្ចយា – បដិសន្ធិក្ខណេ នកាមាវចរំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ ច…បេ… នកាមាវចរេ ខន្ធេ ច មហាភូតេ ច បដិច្ច កដត្តារូបំ. (៣) (សំខិត្តំ.)