១-៤. បច្ចយានុលោមាទិ

ហេតុបច្ចយោ

១៨៥. ឧបេក្ខាសហគតំ ធម្មំ សំសដ្ឋោ ឧបេក្ខាសហគតោ ធម្មោ ឧប្បជ្ជតិ ហេតុបច្ចយា – ឧបេក្ខាសហគតំ ឯកំ ខន្ធំ សំសដ្ឋា ទ្វេ ខន្ធា, ទ្វេ ខន្ធេ …បេ… បដិសន្ធិក្ខណេ…បេ…. (យថា សវិតក្កទុកំ សម្បយុត្តវារោ ឯវំ កាតព្ពោ.)

ហេតុយា ឆ, អារម្មណេ ឆ (សព្ពត្ថ ឆ), អវិគតេ ឆ.

អនុលោមំ.

ឧបេក្ខាសហគតំ ធម្មំ សំសដ្ឋោ ឧបេក្ខាសហគតោ ធម្មោ ឧប្បជ្ជតិ នហេតុបច្ចយា – អហេតុកំ ឧបេក្ខាសហគតំ ឯកំ ខន្ធំ សំសដ្ឋា ទ្វេ ខន្ធា, ទ្វេ ខន្ធេ…បេ… អហេតុកបដិសន្ធិក្ខណេ…បេ… វិចិកិច្ឆាសហគតេ ឧទ្ធច្ចសហគតេ ខន្ធេ សំសដ្ឋោ វិចិកិច្ឆាសហគតោ ឧទ្ធច្ចសហគតោ មោហោ. (ឯវំ បញ្ច បញ្ហា យថា សវិតក្កទុកេ ឯវំ កាតព្ពា.)

នហេតុយា ឆ, នអធិបតិយា ឆ, នបុរេជាតេ ឆ, នបច្ឆាជាតេ ឆ, នអាសេវនេ ឆ, នកម្មេ ចត្តារិ, នវិបាកេ ឆ, នវិប្បយុត្តេ ឆ.

បច្ចនីយំ.