១. វិភង្គវារោ

នហេតុបច្ចយោ

១៧៩. ឧបេក្ខាសហគតំ ធម្មំ បដិច្ច ឧបេក្ខាសហគតោ ធម្មោ ឧប្បជ្ជតិ នហេតុបច្ចយា – អហេតុកំ ឧបេក្ខាសហគតំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ…បេ… អហេតុកបដិសន្ធិក្ខណេ…បេ… វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ. ឧបេក្ខាសហគតំ ធម្មំ បដិច្ច នឧបេក្ខាសហគតោ ធម្មោ ឧប្បជ្ជតិ នហេតុបច្ចយា – អហេតុកេ ឧបេក្ខាសហគតេ ខន្ធេ បដិច្ច ឧបេក្ខា ចិត្តសមុដ្ឋានញ្ច រូបំ; អហេតុកបដិសន្ធិក្ខណេ…បេ…. ឧបេក្ខាសហគតំ ធម្មំ បដិច្ច ឧបេក្ខាសហគតោ ច នឧបេក្ខាសហគតោ ច ធម្មា ឧប្បជ្ជន្តិ នហេតុបច្ចយា – អហេតុកំ ឧបេក្ខាសហគតំ ឯកំ ខន្ធំ បដិច្ច ទ្វេ ខន្ធា ឧបេក្ខា ច ចិត្តសមុដ្ឋានញ្ច រូបំ, ទ្វេ ខន្ធេ…បេ… អហេតុកបដិសន្ធិក្ខណេ…បេ…. (៣)

១៨០. នឧបេក្ខាសហគតំ ធម្មំ បដិច្ច នឧបេក្ខាសហគតោ ធម្មោ ឧប្បជ្ជតិ នហេតុបច្ចយា – អហេតុកំ នឧបេក្ខាសហគតំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… អហេតុកំ ឧបេក្ខំ បដិច្ច ចិត្តសមុដ្ឋានំ រូបំ; អហេតុកបដិសន្ធិក្ខណេ…បេ… ឧបេក្ខំ បដិច្ច វត្ថុ, វត្ថុំ បដិច្ច ឧបេក្ខា, ឯកំ មហាភូតំ…បេ… (យាវ អសញ្ញសត្តា).

នឧបេក្ខាសហគតំ ធម្មំ បដិច្ច ឧបេក្ខាសហគតោ ធម្មោ ឧប្បជ្ជតិ នហេតុបច្ចយា – អហេតុកំ ឧបេក្ខំ បដិច្ច សម្បយុត្តកា ខន្ធា; អហេតុកបដិសន្ធិក្ខណេ ឧបេក្ខំ បដិច្ច សម្បយុត្តកា ខន្ធា; អហេតុកបដិសន្ធិក្ខណេ វត្ថុំ បដិច្ច ឧបេក្ខាសហគតា ខន្ធា; វិចិកិច្ឆាសហគតំ ឧទ្ធច្ចសហគតំ ឧបេក្ខំ បដិច្ច វិចិកិច្ឆាសហគតោ ឧទ្ធច្ចសហគតោ មោហោ.

នឧបេក្ខាសហគតំ ធម្មំ បដិច្ច ឧបេក្ខាសហគតោ ច នឧបេក្ខាសហគតោ ច ធម្មា ឧប្បជ្ជន្តិ នហេតុបច្ចយា – អហេតុកំ ឧបេក្ខំ បដិច្ច សម្បយុត្តកា ខន្ធា ចិត្តសមុដ្ឋានញ្ច រូបំ, អហេតុកំ ឧបេក្ខំ បដិច្ច សម្បយុត្តកា ខន្ធា, មហាភូតេ បដិច្ច ចិត្តសមុដ្ឋានំ រូបំ; អហេតុកបដិសន្ធិក្ខណេ ឧបេក្ខំ បដិច្ច សម្បយុត្តកា ខន្ធា កដត្តា ច រូបំ, អហេតុកបដិសន្ធិក្ខណេ ឧបេក្ខំ បដិច្ច សម្បយុត្តកា ខន្ធា, មហាភូតេ បដិច្ច កដត្តារូបំ, អហេតុកបដិសន្ធិក្ខណេ វត្ថុំ បដិច្ច ឧបេក្ខាសហគតា ខន្ធា, មហាភូតេ បដិច្ច កដត្តារូបំ, អហេតុកបដិសន្ធិក្ខណេ វត្ថុំ បដិច្ច ឧបេក្ខា ច សម្បយុត្តកា ច ខន្ធា. (៣)

១៨១. ឧបេក្ខាសហគតញ្ច នឧបេក្ខាសហគតញ្ច ធម្មំ បដិច្ច ឧបេក្ខាសហគតោ ធម្មោ ឧប្បជ្ជតិ នហេតុបច្ចយា – អហេតុកំ ឧបេក្ខាសហគតំ ឯកំ ខន្ធញ្ច ឧបេក្ខញ្ច បដិច្ច ទ្វេ ខន្ធា, ទ្វេ ខន្ធេ…បេ… អហេតុកបដិសន្ធិក្ខណេ ឧបេក្ខាសហគតំ ឯកំ ខន្ធញ្ច ឧបេក្ខញ្ច បដិច្ច ទ្វេ ខន្ធា, ទ្វេ ខន្ធេ…បេ… អហេតុកបដិសន្ធិក្ខណេ ឧបេក្ខាសហគតំ ឯកំ ខន្ធញ្ច វត្ថុញ្ច បដិច្ច ទ្វេ ខន្ធា; ទ្វេ ខន្ធេ…បេ… វិចិកិច្ឆាសហគតេ ឧទ្ធច្ចសហគតេ ខន្ធេ ច ឧបេក្ខញ្ច បដិច្ច វិចិកិច្ឆាសហគតោ ឧទ្ធច្ចសហគតោ មោហោ.

ឧបេក្ខាសហគតញ្ច នឧបេក្ខាសហគតញ្ច ធម្មំ បដិច្ច នឧបេក្ខាសហគតោ ធម្មោ ឧប្បជ្ជតិ នហេតុបច្ចយា – អហេតុកេ ឧបេក្ខាសហគតេ ខន្ធេ ច ឧបេក្ខញ្ច បដិច្ច ចិត្តសមុដ្ឋានំ រូបំ, អហេតុកេ ឧបេក្ខាសហគតេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ; អហេតុកបដិសន្ធិក្ខណេ ឧបេក្ខាសហគតេ ខន្ធេ ច ឧបេក្ខញ្ច បដិច្ច កដត្តារូបំ, អហេតុកបដិសន្ធិក្ខណេ ឧបេក្ខាសហគតេ ខន្ធេ ច មហាភូតេ ច បដិច្ច កដត្តារូបំ, អហេតុកបដិសន្ធិក្ខណេ ឧបេក្ខាសហគតេ ខន្ធេ ច វត្ថុញ្ច បដិច្ច ឧបេក្ខា.

ឧបេក្ខាសហគតញ្ច នឧបេក្ខាសហគតញ្ច ធម្មំ បដិច្ច ឧបេក្ខាសហគតោ ច នឧបេក្ខាសហគតោ ច ធម្មា ឧប្បជ្ជន្តិ នហេតុបច្ចយា – អហេតុកំ ឧបេក្ខាសហគតំ ឯកំ ខន្ធញ្ច ឧបេក្ខញ្ច បដិច្ច ទ្វេ ខន្ធា ចិត្តសមុដ្ឋានញ្ច រូបំ, ទ្វេ ខន្ធេ…បេ… អហេតុកំ ឧបេក្ខាសហគតំ ឯកំ ខន្ធញ្ច ឧបេក្ខញ្ច បដិច្ច ទ្វេ ខន្ធា, ទ្វេ ខន្ធេ…បេ… អហេតុកេ ឧបេក្ខាសហគតេ ខន្ធេ ច ឧបេក្ខញ្ច មហាភូតេ ច បដិច្ច ចិត្តសមុដ្ឋានំ រូបំ; អហេតុកបដិសន្ធិក្ខណេ ឧបេក្ខាសហគតំ ឯកំ ខន្ធញ្ច ឧបេក្ខញ្ច បដិច្ច ទ្វេ ខន្ធា កដត្តា ច រូបំ, ទ្វេ ខន្ធេ…បេ… អហេតុកបដិសន្ធិក្ខណេ ឧបេក្ខាសហគតំ ឯកំ ខន្ធញ្ច ឧបេក្ខញ្ច បដិច្ច ទ្វេ ខន្ធា, ទ្វេ ខន្ធេ…បេ… អហេតុកេ ឧបេក្ខាសហគតេ ខន្ធេ ច ឧបេក្ខញ្ច មហាភូតេ ច បដិច្ច កដត្តារូបំ; អហេតុកបដិសន្ធិក្ខណេ ឧបេក្ខាសហគតំ ឯកំ ខន្ធញ្ច វត្ថុញ្ច បដិច្ច ទ្វេ ខន្ធា ឧបេក្ខា ច, ទ្វេ ខន្ធេ…បេ… (សំខិត្តំ). (៣)