១. វិភង្គវារោ

ហេតុបច្ចយោ

១៧០. សុខសហគតោ ធម្មោ សុខសហគតស្ស ធម្មស្ស ហេតុបច្ចយេន បច្ចយោ… ចត្តារិ. (អារម្មណេបិ អធិបតិយាបិ សប្បីតិកទុកសទិសា, សុខន្តិ នានាករណំ.)

អនន្តរបច្ចយាទិ

១៧១. សុខសហគតោ ធម្មោ សុខសហគតស្ស ធម្មស្ស អនន្តរបច្ចយេន បច្ចយោ – បុរិមា បុរិមា សុខសហគតា ខន្ធា បច្ឆិមានំ បច្ឆិមានំ សុខសហគតានំ ខន្ធានំ អនន្តរបច្ចយេន បច្ចយោ. (មូលំ កាតព្ពំ.) បុរិមា បុរិមា សុខសហគតា ខន្ធា បច្ឆិមស្ស បច្ឆិមស្ស សុខស្ស អនន្តរបច្ចយេន បច្ចយោ. សុខសហគតំ ចុតិចិត្តំ នសុខសហគតស្ស ឧបបត្តិចិត្តស្ស… សុខសហគតំ ភវង្គំ អាវជ្ជនាយ… សុខសហគតំ កាយវិញ្ញាណំ វិបាកមនោធាតុយា… សុខសហគតា វិបាកមនោវិញ្ញាណធាតុ កិរិយមនោវិញ្ញាណធាតុយា… សុខសហគតំ ភវង្គំ នសុខសហគតស្ស ភវង្គស្ស… សុខសហគតំ កុសលាកុសលំ នសុខសហគតស្ស វុដ្ឋានស្ស… កិរិយំ វុដ្ឋានស្ស… ផលំ វុដ្ឋានស្ស អនន្តរបច្ចយេន បច្ចយោ. (មូលំ កាតព្ពំ.) បុរិមា បុរិមា សុខសហគតា ខន្ធា បច្ឆិមានំ បច្ឆិមានំ សុខសហគតានំ ខន្ធានំ សុខស្ស ច អនន្តរបច្ចយេន បច្ចយោ. (១)

នសុខសហគតោ ធម្មោ នសុខសហគតស្ស ធម្មស្ស អនន្តរបច្ចយេន បច្ចយោ – បុរិមា បុរិមា នសុខសហគតា…បេ…. (មូលំ. តីណិបិ សប្បីតិកទុកសទិសា.)

១៧២. សុខសហគតោ ច នសុខសហគតោ ច ធម្មា សុខសហគតស្ស ធម្មស្ស អនន្តរបច្ចយេន បច្ចយោ – បុរិមា បុរិមា សុខសហគតា ខន្ធា ច សុខញ្ច បច្ឆិមានំ បច្ឆិមានំ សុខសហគតានំ ខន្ធានំ អនន្តរបច្ចយេន បច្ចយោ. (មូលំ កាតព្ពំ.) បុរិមា បុរិមា សុខសហគតា ខន្ធា ច សុខញ្ច បច្ឆិមស្ស បច្ឆិមស្ស សុខស្ស អនន្តរបច្ចយេន បច្ចយោ; សុខសហគតំ ចុតិចិត្តញ្ច សុខញ្ច នសុខសហគតស្ស ឧបបត្តិចិត្តស្ស សុខសហគតំ ភវង្គញ្ច សុខញ្ច អាវជ្ជនាយ … សុខសហគតំ កាយវិញ្ញាណញ្ច សុខញ្ច វិបាកមនោធាតុយា… សុខសហគតា វិបាកមនោវិញ្ញាណធាតុ ច សុខញ្ច កិរិយមនោវិញ្ញាណធាតុយា… សុខសហគតំ ភវង្គញ្ច សុខញ្ច នសុខសហគតស្ស ភវង្គស្ស… សុខសហគតំ កុសលាកុសលញ្ច សុខញ្ច នសុខសហគតស្ស វុដ្ឋានស្ស… កិរិយំ វុដ្ឋានស្ស… ផលំ វុដ្ឋានស្ស អនន្តរបច្ចយេន បច្ចយោ. (មូលំ កាតព្ពំ.) បុរិមា បុរិមា សុខសហគតា ខន្ធា ច សុខញ្ច បច្ឆិមានំ បច្ឆិមានំ សុខសហគតានំ ខន្ធានំ សុខស្ស ច អនន្តរបច្ចយេន បច្ចយោ. (៣)

សមនន្តរបច្ចយេន បច្ចយោ… សហជាតបច្ចយេន បច្ចយោ… អញ្ញមញ្ញបច្ចយេន បច្ចយោ… និស្សយបច្ចយេន បច្ចយោ.

ឧបនិស្សយបច្ចយោ

១៧៣. សុខសហគតោ ធម្មោ សុខសហគតស្ស ធម្មស្ស ឧបនិស្សយបច្ចយេន បច្ចយោ… តីណិ.

នសុខសហគតោ ធម្មោ នសុខសហគតស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – នសុខសហគតំ សទ្ធំ ឧបនិស្សាយ នសុខសហគតេន ចិត្តេន ទានំ ទេតិ, សីលំ…បេ… សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ; នសុខសហគតំ សីលំ…បេ… បញ្ញំ… រាគំ…បេ… បត្ថនំ… កាយិកំ សុខំ… កាយិកំ ទុក្ខំ… ឧតុំ… ភោជនំ… សេនាសនំ សុខំ ឧបនិស្សាយ នសុខសហគតេន ចិត្តេន ទានំ ទេតិ…បេ… សមាបត្តិំ ឧប្បាទេតិ, បាណំ ហនតិ…បេ… សង្ឃំ ភិន្ទតិ; នសុខសហគតា សទ្ធា…បេ… សេនាសនំ សុខញ្ច នសុខសហគតាយ សទ្ធាយ…បេ… បញ្ញាយ… រាគស្ស… ទោសស្ស…បេ… បត្ថនាយ… កាយិកស្ស សុខស្ស, កាយិកស្ស ទុក្ខស្ស, មគ្គស្ស, ផលសមាបត្តិយា សុខស្ស ច ឧបនិស្សយបច្ចយេន បច្ចយោ. (១)

នសុខសហគតោ ធម្មោ សុខសហគតស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – នសុខសហគតំ សទ្ធំ ឧបនិស្សាយ សុខសហគតេន ចិត្តេន ទានំ ទេតិ…បេ… សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ; នសុខសហគតំ សីលំ…បេ… បញ្ញំ… រាគំ…បេ… បត្ថនំ… កាយិកំ សុខំ… កាយិកំ ទុក្ខំ… ឧតុំ… ភោជនំ… សេនាសនំ សុខំ ឧបនិស្សាយ សុខសហគតេន ចិត្តេន ទានំ ទេតិ…បេ… សមាបត្តិំ ឧប្បាទេតិ; សុខសហគតេន ចិត្តេន អទិន្នំ អាទិយតិ; មុសា…បេ… បិសុណំ…បេ… សម្ផំ…បេ… សន្ធិំ…បេ… និល្លោបំ…បេ… ឯកាគារិកំ…បេ… បរិបន្ថេ…បេ… បរទារំ…បេ… គាមឃាតំ…បេ… និគមឃាតំ ករោតិ; នសុខសហគតា សទ្ធា…បេ… សេនាសនំ សុខញ្ច សុខសហគតាយ សទ្ធាយ…បេ… បញ្ញាយ… រាគស្ស… មានស្ស… ទិដ្ឋិយា… បត្ថនាយ… កាយិកស្ស សុខស្ស… មគ្គស្ស ផលសមាបត្តិយា ឧបនិស្សយបច្ចយេន បច្ចយោ. (២)

នសុខសហគតោ ធម្មោ សុខសហគតស្ស ច នសុខសហគតស្ស ច ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – នសុខសហគតំ សទ្ធំ ឧបនិស្សាយ សុខសហគតេន ចិត្តេន ទានំ ទេតិ…បេ… (ទុតិយគមនសទិសំ) មានំ ជប្បេតិ, ទិដ្ឋិំ គណ្ហាតិ; នសុខសហគតំ សីលំ…បេ… សេនាសនំ សុខំ ឧបនិស្សាយ ទានំ ទេតិ…បេ… សមាបត្តិំ ឧប្បាទេតិ, សុខសហគតេន ចិត្តេន អទិន្នំ អាទិយតិ…បេ… នសុខសហគតា សទ្ធា…បេ… សេនាសនំ សុខញ្ច សុខសហគតាយ … សទ្ធាយ…បេ… បត្ថនាយ … កាយិកស្ស សុខស្ស, មគ្គស្ស, ផលសមាបត្តិយា សុខស្ស ច ឧបនិស្សយបច្ចយេន បច្ចយោ. (៣)

សុខសហគតោ ច នសុខសហគតោ ច ធម្មា សុខសហគតស្ស ធម្មស្ស ឧបនិស្សយបច្ចយេន បច្ចយោ… តីណិ.

បុរេជាតបច្ចយាទិ

១៧៤. នសុខសហគតោ ធម្មោ នសុខសហគតស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ នសុខសហគតេន ចិត្តេន អនិច្ចតោ…បេ… វិបស្សតិ អស្សាទេតិ អភិនន្ទតិ, តំ អារព្ភ នសុខសហគតោ រាគោ ឧប្បជ្ជតិ…បេ… ទោមនស្សំ ឧប្បជ្ជតិ, សុខំ ឧប្បជ្ជតិ, ទិព្ពេន ចក្ខុនា រូបំ បស្សតិ…បេ… ផោដ្ឋព្ពាយតនំ កាយវិញ្ញាណស្ស…បេ…. វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស…បេ… វត្ថុ នសុខសហគតានំ ខន្ធានំ សុខស្ស ច បុរេជាតបច្ចយេន បច្ចយោ. (១)

នសុខសហគតោ ធម្មោ សុខសហគតស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ សុខសហគតេន ចិត្តេន អនិច្ចតោ…បេ… វិបស្សតិ, អស្សាទេតិ អភិនន្ទតិ, តំ អារព្ភ សុខសហគតោ រាគោ ឧប្បជ្ជតិ, ទិដ្ឋិ ឧប្បជ្ជតិ. វត្ថុបុរេជាតំ – វត្ថុ សុខសហគតានំ ខន្ធានំ បុរេជាតបច្ចយេន បច្ចយោ. (២)

នសុខសហគតោ ធម្មោ សុខសហគតស្ស ច នសុខសហគតស្ស ច ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ សុខសហគតេន ចិត្តេន អនិច្ចតោ…បេ… វិបស្សតិ, អស្សាទេតិ អភិនន្ទតិ, តំ អារព្ភ សុខញ្ច សម្បយុត្តកា ខន្ធា ច ឧប្បជ្ជន្តិ. វត្ថុបុរេជាតំ – វត្ថុ សុខសហគតានំ ខន្ធានំ សុខស្ស ច បុរេជាតបច្ចយេន បច្ចយោ. (៣)

បច្ឆាជាតបច្ចយេន បច្ចយោ… តីណិ… អាសេវនបច្ចយេន បច្ចយោ… នវ.

កម្មបច្ចយាទិ

១៧៥. សុខសហគតោ ធម្មោ សុខសហគតស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. (ឆ កម្មានិ ចត្តារិ សហជាតាបិ នានាក្ខណិកាបិ កាតព្ពា, ទ្វេ នានាក្ខណិកា.)… វិបាកបច្ចយេន បច្ចយោ… នវ… អាហារបច្ចយេន បច្ចយោ… ចត្តារិ… ឥន្ទ្រិយបច្ចយេន បច្ចយោ… នវ… ឈានបច្ចយេន បច្ចយោ… នវ… មគ្គបច្ចយេន បច្ចយោ… ចត្តារិ… សម្បយុត្តបច្ចយេន បច្ចយោ… ឆ… វិប្បយុត្តបច្ចយេន បច្ចយោ… បញ្ច… អត្ថិបច្ចយេន បច្ចយោ… នវ… នត្ថិបច្ចយេន បច្ចយោ… នវ… វិគតបច្ចយេន បច្ចយោ… នវ… អវិគតបច្ចយេន បច្ចយោ… នវ.