១-៤. បច្ចយានុលោមាទិ

១៤៧. សប្បីតិកំ ធម្មំ បច្ចយា សប្បីតិកោ ធម្មោ ឧប្បជ្ជតិ ហេតុបច្ចយា. (សំខិត្តំ. យថា សវិតក្កទុកេ អនុលោមបច្ចយវារំ, ឯវំ បវត្តិបដិសន្ធិ នវ បញ្ហា បរិបុណ្ណា បីតិ និន្នានាករណា.)

ហេតុយា នវ, អារម្មណេ នវ, អធិបតិយា នវ…បេ… អវិគតេ នវ.

អនុលោមំ.

សប្បីតិកំ ធម្មំ បច្ចយា សប្បីតិកោ ធម្មោ ឧប្បជ្ជតិ នហេតុបច្ចយា… តីណិ (បដិច្ចសទិសា).

អប្បីតិកំ ធម្មំ បច្ចយា អប្បីតិកោ ធម្មោ ឧប្បជ្ជតិ នហេតុបច្ចយា. (បវត្តិបដិសន្ធិ កាតព្ពា បដិច្ចវារសទិសា, យាវ អសញ្ញសត្តា.) ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ, វត្ថុំ បច្ចយា អហេតុកា អប្បីតិកា ខន្ធា បីតិ ច, វិចិកិច្ឆាសហគតេ ឧទ្ធច្ចសហគតេ ខន្ធេ ច វត្ថុញ្ច បច្ចយា វិចិកិច្ឆាសហគតោ ឧទ្ធច្ចសហគតោ មោហោ. (អនុលោមសទិសា នវ បញ្ហា, បវត្តិយេវ បដិសន្ធិ នត្ថិ, ឯកោយេវ មោហោ.)

នហេតុយា នវ, នអារម្មណេ តីណិ, នអធិបតិយា នវ, នអនន្តរេ តីណិ…បេ… នឧបនិស្សយេ តីណិ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ នវ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ នវ, នសម្បយុត្តេ តីណិ, នវិប្បយុត្តេ ឆ, នោនត្ថិយា តីណិ, នោវិគតេ តីណិ.

បច្ចនីយំ.