១. វិភង្គវារោ

ហេតុបច្ចយោ

១៤២. សប្បីតិកំ ធម្មំ បដិច្ច សប្បីតិកោ ធម្មោ ឧប្បជ្ជតិ ហេតុបច្ចយា – សប្បីតិកំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ…. សប្បីតិកំ ធម្មំ បដិច្ច អប្បីតិកោ ធម្មោ ឧប្បជ្ជតិ ហេតុបច្ចយា – សប្បីតិកេ ខន្ធេ បដិច្ច បីតិ ច ចិត្តសមុដ្ឋានញ្ច រូបំ; បដិសន្ធិក្ខណេ…បេ…. សប្បីតិកំ ធម្មំ បដិច្ច សប្បីតិកោ ច អប្បីតិកោ ច ធម្មា ឧប្បជ្ជន្តិ ហេតុបច្ចយា – សប្បីតិកំ ឯកំ ខន្ធំ បដិច្ច តយោ ខន្ធា បីតិ ច ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ…. (៣)

អប្បីតិកំ ធម្មំ បដិច្ច អប្បីតិកោ ធម្មោ ឧប្បជ្ជតិ ហេតុបច្ចយា – អប្បីតិកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បីតិំ បដិច្ច ចិត្តសមុដ្ឋានំ រូបំ; បដិសន្ធិក្ខណេ អប្បីតិកំ ឯកំ ខន្ធំ បដិច្ច តយោ ខន្ធា កដត្តា ច រូបំ, ទ្វេ ខន្ធេ…បេ… បីតិំ បដិច្ច កដត្តារូបំ, ខន្ធេ បដិច្ច វត្ថុ, វត្ថុំ បដិច្ច ខន្ធា, បីតិំ បដិច្ច វត្ថុ, វត្ថុំ បដិច្ច បីតិ, ឯកំ មហាភូតំ…បេ…. (យថា សវិតក្កទុកំ សព្ពត្ថ, ឯវំ សប្បីតិកទុកំ កាតព្ពំ, សព្ពត្ថ បវត្តិបដិសន្ធិ នវបិ បញ្ហា.)