១-៤. បច្ចយានុលោមាទិ

ហេតុបច្ចយោ

១១៥. សវិតក្កំ ធម្មំ សំសដ្ឋោ សវិតក្កោ ធម្មោ ឧប្បជ្ជតិ ហេតុបច្ចយា – សវិតក្កំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ…. សវិតក្កំ ធម្មំ សំសដ្ឋោ អវិតក្កោ ធម្មោ ឧប្បជ្ជតិ ហេតុបច្ចយា – សវិតក្កេ ខន្ធេ សំសដ្ឋោ វិតក្កោ; បដិសន្ធិក្ខណេ…បេ…. សវិតក្កំ ធម្មំ សំសដ្ឋោ សវិតក្កោ ច អវិតក្កោ ច ធម្មា ឧប្បជ្ជន្តិ ហេតុបច្ចយា – សវិតក្កំ ឯកំ ខន្ធំ សំសដ្ឋា តយោ ខន្ធា វិតក្កោ ច…បេ… ទ្វេ ខន្ធេ…បេ… បដិសន្ធិក្ខណេ…បេ…. (៣)

អវិតក្កំ ធម្មំ សំសដ្ឋោ អវិតក្កោ ធម្មោ ឧប្បជ្ជតិ ហេតុបច្ចយា – អវិតក្កំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ…. អវិតក្កំ ធម្មំ សំសដ្ឋោ សវិតក្កោ ធម្មោ ឧប្បជ្ជតិ ហេតុបច្ចយា – វិតក្កំ សំសដ្ឋា សម្បយុត្តកា ខន្ធា; បដិសន្ធិក្ខណេ…បេ…. (២)

សវិតក្កញ្ច អវិតក្កញ្ច ធម្មំ សំសដ្ឋោ សវិតក្កោ ធម្មោ ឧប្បជ្ជតិ ហេតុបច្ចយា – សវិតក្កំ ឯកំ ខន្ធញ្ច វិតក្កញ្ច សំសដ្ឋា តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ…. (១) (សំខិត្តំ.)

ហេតុយា ឆ, អារម្មណេ ឆ, អធិបតិយា ឆ (សព្ពត្ថ ឆ) អវិគតេ ឆ.

អនុលោមំ.

សវិតក្កំ ធម្មំ សំសដ្ឋោ សវិតក្កោ ធម្មោ ឧប្បជ្ជតិ នហេតុបច្ចយា. (ឯវំ ឆ បញ្ហា កាតព្ពា អនុលោមសទិសា, អហេតុកាតិ និយាមេតព្ពា, តីណិយេវ, មោហោ ឧទ្ធរិតព្ពោ.)

នហេតុយា ឆ, នអធិបតិយា ឆ, នបុរេជាតេ ឆ, នបច្ឆាជាតេ ឆ, នអាសេវនេ ឆ, នកម្មេ ចត្តារិ, នវិបាកេ ឆ, នឈានេ ឯកំ, នមគ្គេ ឆ, នវិប្បយុត្តេ ឆ.

បច្ចនីយំ.