១. វិភង្គវារោ

ហេតុបច្ចយោ

៦៨. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស ហេតុបច្ចយេន បច្ចយោ – ទស្សនេន បហាតព្ពហេតុកា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ. (មូលំ កាតព្ពំ.) ទស្សនេន បហាតព្ពហេតុកា ហេតូ ចិត្តសមុដ្ឋានានំ រូបានំ ហេតុបច្ចយេន បច្ចយោ. (មូលំ កាតព្ពំ.) ទស្សនេន បហាតព្ពហេតុកា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (៣)

៦៩. នទស្សនេន បហាតព្ពហេតុកោ ធម្មោ នទស្សនេន បហាតព្ពហេតុកស្ស ធម្មស្ស ហេតុបច្ចយេន បច្ចយោ – នទស្សនេន បហាតព្ពហេតុកា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ, វិចិកិច្ឆាសហគតោ មោហោ ចិត្តសមុដ្ឋានានំ រូបានំ ហេតុបច្ចយេន បច្ចយោ; បដិសន្ធិក្ខណេ…បេ…. (មូលំ កាតព្ពំ.) វិចិកិច្ឆាសហគតោ មោហោ សម្បយុត្តកានំ ខន្ធានំ ហេតុបច្ចយេន បច្ចយោ. (មូលំ កាតព្ពំ.) វិចិកិច្ឆាសហគតោ មោហោ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (៣)

អារម្មណបច្ចយោ

៧០. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អារម្មណបច្ចយេន បច្ចយោ – ទស្សនេន បហាតព្ពហេតុកេ ខន្ធេ អារព្ភ ទស្សនេន បហាតព្ពហេតុកា ខន្ធា ឧប្បជ្ជន្តិ. (មូលំ កាតព្ពំ.) ទស្សនេន បហាតព្ពហេតុកេ ខន្ធេ អារព្ភ នទស្សនេន បហាតព្ពហេតុកា ខន្ធា ច មោហោ ច ឧប្បជ្ជន្តិ. (មូលំ កាតព្ពំ.) ទស្សនេន បហាតព្ពហេតុកេ ខន្ធេ អារព្ភ វិចិកិច្ឆាសហគតា ខន្ធា ច មោហោ ច ឧប្បជ្ជន្តិ. (៣)

៧១. នទស្សនេន បហាតព្ពហេតុកោ ធម្មោ នទស្សនេន បហាតព្ពហេតុកស្ស ធម្មស្ស អារម្មណបច្ចយេន បច្ចយោ – ទានំ…បេ… សីលំ…បេ… ឧបោសថកម្មំ កត្វា តំ បច្ចវេក្ខតិ, អស្សាទេតិ អភិនន្ទតិ, តំ អារព្ភ នទស្សនេន បហាតព្ពហេតុកោ រាគោ ឧប្បជ្ជតិ, ឧទ្ធច្ចំ ឧប្បជ្ជតិ, នទស្សនេន បហាតព្ពហេតុកំ ទោមនស្សំ ឧប្បជ្ជតិ, បុព្ពេ សុចិណ្ណានិ …បេ… ឈានា វុដ្ឋហិត្វា…បេ… អរិយា មគ្គា វុដ្ឋហិត្វា មគ្គំ បច្ចវេក្ខន្តិ…បេ… អរិយា នទស្សនេន បហាតព្ពហេតុកេ បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ…បេ… បុព្ពេ សមុទាចិណ្ណេ កិលេសេ ជានន្តិ, ចក្ខុំ…បេ… វត្ថុំ នទស្សនេន បហាតព្ពហេតុកេ ខន្ធេ ច មោហញ្ច អនិច្ចតោ…បេ… វិបស្សតិ, អស្សាទេតិ អភិនន្ទតិ, តំ អារព្ភ នទស្សនេន បហាតព្ពហេតុកោ រាគោ ឧប្បជ្ជតិ, ឧទ្ធច្ចំ ឧប្បជ្ជតិ, នទស្សនេន បហាតព្ពហេតុកំ ទោមនស្សំ ឧប្បជ្ជតិ, ទិព្ពេន ចក្ខុនា រូបំ បស្សតិ…បេ… អនាគតំសញាណស្ស, អាវជ្ជនាយ, មោហស្ស ច អារម្មណបច្ចយេន បច្ចយោ.

នទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អារម្មណបច្ចយេន បច្ចយោ – ទានំ…បេ… ឈានំ…បេ… ចក្ខុំ…បេ… វត្ថុំ នទស្សនេន បហាតព្ពហេតុកេ ខន្ធេ ច មោហញ្ច អស្សាទេតិ អភិនន្ទតិ, តំ អារព្ភ ទស្សនេន បហាតព្ពហេតុកោ រាគោ ឧប្បជ្ជតិ, ទិដ្ឋិ…បេ… វិចិកិច្ឆា…បេ… ទស្សនេន បហាតព្ពហេតុកំ ទោមនស្សំ ឧប្បជ្ជតិ.

នទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នទស្សនេន បហាតព្ពហេតុកស្ស ច ធម្មស្ស អារម្មណបច្ចយេន បច្ចយោ – ចក្ខុំ…បេ… វត្ថុំ នទស្សនេន បហាតព្ពហេតុកេ ខន្ធេ ច មោហញ្ច អារព្ភ វិចិកិច្ឆាសហគតា ខន្ធា ច មោហោ ច ឧប្បជ្ជន្តិ. (៣)

៧២. ទស្សនេន បហាតព្ពហេតុកោ ច នទស្សនេន បហាតព្ពហេតុកោ ច ធម្មា ទស្សនេន បហាតព្ពហេតុកស្ស ធម្មស្ស អារម្មណបច្ចយេន បច្ចយោ – វិចិកិច្ឆាសហគតេ ខន្ធេ ច មោហញ្ច អារព្ភ ទស្សនេន បហាតព្ពហេតុកា ខន្ធា ឧប្បជ្ជន្តិ. (មូលំ កាតព្ពំ.) វិចិកិច្ឆាសហគតេ ខន្ធេ ច មោហញ្ច អារព្ភ នទស្សនេន បហាតព្ពហេតុកា ខន្ធា ច មោហោ ច ឧប្បជ្ជន្តិ. (មូលំ កាតព្ពំ.) វិចិកិច្ឆាសហគតេ ខន្ធេ ច មោហញ្ច អារព្ភ វិចិកិច្ឆាសហគតា ខន្ធា ច មោហោ ច ឧប្បជ្ជន្តិ. (៣)

អធិបតិបច្ចយោ

៧៣. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទស្សនេន បហាតព្ពហេតុកេ ខន្ធេ គរុំ កត្វា ទស្សនេន បហាតព្ពហេតុកា ខន្ធា ឧប្បជ្ជន្តិ. សហជាតាធិបតិ – ទស្សនេន បហាតព្ពហេតុកាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ. (១)

ទស្សនេន បហាតព្ពហេតុកោ ធម្មោ នទស្សនេន បហាតព្ពហេតុកស្ស ធម្មស្ស អធិបតិបច្ចយេន បច្ចយោ. សហជាតាធិបតិ – ទស្សនេន បហាតព្ពហេតុកាធិបតិ ចិត្តសមុដ្ឋានានំ រូបានំ អធិបតិបច្ចយេន បច្ចយោ. (២)

ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នទស្សនេន បហាតព្ពហេតុកស្ស ច ធម្មស្ស អធិបតិបច្ចយេន បច្ចយោ. សហជាតាធិបតិ – ទស្សនេន បហាតព្ពហេតុកាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (៣)

៧៤. នទស្សនេន បហាតព្ពហេតុកោ ធម្មោ នទស្សនេន បហាតព្ពហេតុកស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទានំ…បេ… សីលំ…បេ… ឧបោសថកម្មំ កត្វា តំ គរុំ កត្វា បច្ចវេក្ខតិ អស្សាទេតិ អភិនន្ទតិ, តំ គរុំ កត្វា នទស្សនេន បហាតព្ពហេតុកោ រាគោ ឧប្បជ្ជតិ, បុព្ពេ សុចិណ្ណានិ…បេ… ឈានា…បេ… អរិយា មគ្គា វុដ្ឋហិត្វា មគ្គំ គរុំ កត្វា…បេ… ផលស្ស អធិបតិបច្ចយេន បច្ចយោ; ចក្ខុំ…បេ… វត្ថុំ នទស្សនេន បហាតព្ពហេតុកេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា នទស្សនេន បហាតព្ពហេតុកោ រាគោ ឧប្បជ្ជតិ. សហជាតាធិបតិ – នទស្សនេន បហាតព្ពហេតុកាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (១)

នទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – ទានំ…បេ… សីលំ…បេ… ឧបោសថកម្មំ កត្វា…បេ… ឈានា…បេ… ចក្ខុំ…បេ… វត្ថុំ នទស្សនេន បហាតព្ពហេតុកេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា ទស្សនេន បហាតព្ពហេតុកោ រាគោ ឧប្បជ្ជតិ, ទិដ្ឋិ ឧប្បជ្ជតិ. (២)

អនន្តរបច្ចយោ

៧៥. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អនន្តរបច្ចយេន បច្ចយោ – បុរិមា បុរិមា ទស្សនេន បហាតព្ពហេតុកា ខន្ធា បច្ឆិមានំ បច្ឆិមានំ ទស្សនេន បហាតព្ពហេតុកានំ ខន្ធានំ អនន្តរបច្ចយេន បច្ចយោ. (មូលំ កាតព្ពំ.) បុរិមា បុរិមា វិចិកិច្ឆាសហគតា ខន្ធា បច្ឆិមស្ស បច្ឆិមស្ស វិចិកិច្ឆាសហគតស្ស មោហស្ស អនន្តរបច្ចយេន បច្ចយោ; ទស្សនេន បហាតព្ពហេតុកា ខន្ធា វុដ្ឋានស្ស អនន្តរបច្ចយេន បច្ចយោ. (មូលំ កាតព្ពំ.) បុរិមា បុរិមា វិចិកិច្ឆាសហគតា ខន្ធា បច្ឆិមានំ បច្ឆិមានំ វិចិកិច្ឆាសហគតានំ ខន្ធានំ មោហស្ស ច អនន្តរបច្ចយេន បច្ចយោ. (៣)

៧៦. នទស្សនេន បហាតព្ពហេតុកោ ធម្មោ នទស្សនេន បហាតព្ពហេតុកស្ស ធម្មស្ស អនន្តរបច្ចយេន បច្ចយោ – បុរិមោ បុរិមោ វិចិកិច្ឆាសហគតោ មោហោ បច្ឆិមស្ស បច្ឆិមស្ស វិចិកិច្ឆាសហគតស្ស មោហស្ស អនន្តរបច្ចយេន បច្ចយោ; បុរិមា បុរិមា នទស្សនេន បហាតព្ពហេតុកា ខន្ធា…បេ… ផលសមាបត្តិយា អនន្តរបច្ចយេន បច្ចយោ. (មូលំ កាតព្ពំ.) បុរិមោ បុរិមោ វិចិកិច្ឆាសហគតោ មោហោ បច្ឆិមានំ បច្ឆិមានំ វិចិកិច្ឆាសហគតានំ ខន្ធានំ អនន្តរបច្ចយេន បច្ចយោ; អាវជ្ជនា ទស្សនេន បហាតព្ពហេតុកានំ ខន្ធានំ អនន្តរបច្ចយេន បច្ចយោ. (មូលំ កាតព្ពំ.) បុរិមោ បុរិមោ វិចិកិច្ឆាសហគតោ មោហោ បច្ឆិមានំ បច្ឆិមានំ វិចិកិច្ឆាសហគតានំ ខន្ធានំ មោហស្ស ច អនន្តរបច្ចយេន បច្ចយោ; អាវជ្ជនា វិចិកិច្ឆាសហគតានំ ខន្ធានំ មោហស្ស ច អនន្តរបច្ចយេន បច្ចយោ. (៣)

៧៧. ទស្សនេន បហាតព្ពហេតុកោ ច នទស្សនេន បហាតព្ពហេតុកោ ច ធម្មា ទស្សនេន បហាតព្ពហេតុកស្ស ធម្មស្ស អនន្តរបច្ចយេន បច្ចយោ – បុរិមា បុរិមា វិចិកិច្ឆាសហគតា ខន្ធា ច មោហោ ច បច្ឆិមានំ បច្ឆិមានំ វិចិកិច្ឆាសហគតានំ ខន្ធានំ អនន្តរបច្ចយេន បច្ចយោ. (មូលំ កាតព្ពំ.) បុរិមា បុរិមា វិចិកិច្ឆាសហគតា ខន្ធា ច មោហោ ច បច្ឆិមស្ស បច្ឆិមស្ស វិចិកិច្ឆាសហគតស្ស មោហស្ស អនន្តរបច្ចយេន បច្ចយោ; វិចិកិច្ឆាសហគតា ខន្ធា ច មោហោ ច វុដ្ឋានស្ស អនន្តរបច្ចយេន បច្ចយោ. (មូលំ កាតព្ពំ.) បុរិមា បុរិមា វិចិកិច្ឆាសហគតា ខន្ធា ច មោហោ ច បច្ឆិមានំ បច្ឆិមានំ វិចិកិច្ឆាសហគតានំ ខន្ធានំ មោហស្ស ច អនន្តរបច្ចយេន បច្ចយោ. (៣)

សមនន្តរបច្ចយេន បច្ចយោ… នវ… សហជាតបច្ចយេន បច្ចយោ… នវ… អញ្ញមញ្ញបច្ចយេន បច្ចយោ… ឆ… និស្សយបច្ចយេន បច្ចយោ… នវ.

ឧបនិស្សយបច្ចយោ

៧៨. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – ទស្សនេន បហាតព្ពហេតុកា ខន្ធា ទស្សនេន បហាតព្ពហេតុកានំ ខន្ធានំ ឧបនិស្សយបច្ចយេន បច្ចយោ. (អវសេសេសុ ទ្វីសុ អនន្តរូបនិស្សយោ, បកតូបនិស្សយោ.) (មូលំ កាតព្ពំ.) ទស្សនេន បហាតព្ពហេតុកា ខន្ធា នទស្សនេន បហាតព្ពហេតុកានំ ខន្ធានំ មោហស្ស ច ឧបនិស្សយបច្ចយេន បច្ចយោ. (មូលំ កាតព្ពំ.) ទស្សនេន បហាតព្ពហេតុកា ខន្ធា វិចិកិច្ឆាសហគតានំ ខន្ធានំ មោហស្ស ច ឧបនិស្សយបច្ចយេន បច្ចយោ. (៣)

៧៩. នទស្សនេន បហាតព្ពហេតុកោ ធម្មោ នទស្សនេន បហាតព្ពហេតុកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធំ ឧបនិស្សាយ ទានំ ទេតិ…បេ… សមាបត្តិំ ឧប្បាទេតិ មានំ ជប្បេតិ; សីលំ …បេ… បញ្ញំ… នទស្សនេន បហាតព្ពហេតុកំ រាគំ… ទោសំ… មោហំ… មានំ… បត្ថនំ… កាយិកំ សុខំ… កាយិកំ ទុក្ខំ… ឧតុំ… ភោជនំ… សេនាសនំ ឧបនិស្សាយ ទានំ ទេតិ…បេ… សមាបត្តិំ ឧប្បាទេតិ; សទ្ធា…បេ… សេនាសនំ សទ្ធាយ…បេ… បញ្ញាយ នទស្សនេន បហាតព្ពហេតុកស្ស រាគស្ស…បេ… បត្ថនាយ ផលសមាបត្តិយា ឧបនិស្សយបច្ចយេន បច្ចយោ. (១)

នទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធំ ឧបនិស្សាយ ទិដ្ឋិំ គណ្ហាតិ; សីលំ…បេ… បញ្ញំ… នទស្សនេន បហាតព្ពហេតុកំ រាគំ… ទោសំ… មោហំ… មានំ… បត្ថនំ… កាយិកំ សុខំ… កាយិកំ ទុក្ខំ… ឧតុំ… ភោជនំ… សេនាសនំ ឧបនិស្សាយ បាណំ ហនតិ…បេ… សង្ឃំ ភិន្ទតិ; សទ្ធា…បេ… សេនាសនំ ទស្សនេន បហាតព្ពហេតុកស្ស រាគស្ស… ទោសស្ស… មោហស្ស… ទិដ្ឋិយា… បត្ថនាយ ឧបនិស្សយបច្ចយេន បច្ចយោ. (២)

នទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នទស្សនេន បហាតព្ពហេតុកស្ស ច ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធា…បេ… បញ្ញា, នទស្សនេន បហាតព្ពហេតុកោ រាគោ… ទោសោ… មោហោ… មានោ… បត្ថនា… កាយិកំ សុខំ…បេ… សេនាសនំ, វិចិកិច្ឆាសហគតានំ ខន្ធានំ មោហស្ស ច ឧបនិស្សយបច្ចយេន បច្ចយោ. (៣)

៨០. ទស្សនេន បហាតព្ពហេតុកោ ច នទស្សនេន បហាតព្ពហេតុកោ ច ធម្មា ទស្សនេន បហាតព្ពហេតុកស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – វិចិកិច្ឆាសហគតា ខន្ធា ច មោហោ ច ទស្សនេន បហាតព្ពហេតុកានំ ខន្ធានំ ឧបនិស្សយបច្ចយេន បច្ចយោ. (មូលំ កាតព្ពំ.) វិចិកិច្ឆាសហគតា ខន្ធា ច មោហោ ច នទស្សនេន បហាតព្ពហេតុកានំ ខន្ធានំ មោហស្ស ច ឧបនិស្សយបច្ចយេន បច្ចយោ. (មូលំ កាតព្ពំ.) វិចិកិច្ឆាសហគតា ខន្ធា ច មោហោ ច វិចិកិច្ឆាសហគតានំ ខន្ធានំ មោហស្ស ច ឧបនិស្សយបច្ចយេន បច្ចយោ. (៣)

បុរេជាតបច្ចយោ

៨១. នទស្សនេន បហាតព្ពហេតុកោ ធម្មោ នទស្សនេន បហាតព្ពហេតុកស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អនិច្ចតោ…បេ… វិបស្សតិ, អស្សាទេតិ អភិនន្ទតិ, តំ អារព្ភ នទស្សនេន បហាតព្ពហេតុកោ រាគោ ឧប្បជ្ជតិ, ឧទ្ធច្ចំ ឧប្បជ្ជតិ, នទស្សនេន បហាតព្ពហេតុកំ ទោមនស្សំ ឧប្បជ្ជតិ; ទិព្ពេន…បេ…. (សំខិត្តំ. វត្ថុបុរេជាតំ សំខិត្តំ.) (១)

នទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អស្សាទេតិ អភិនន្ទតិ, តំ អារព្ភ ទស្សនេន បហាតព្ពហេតុកោ រាគោ ឧប្បជ្ជតិ, ទិដ្ឋិ…បេ… វិចិកិច្ឆា…បេ… ទស្សនេន បហាតព្ពហេតុកំ ទោមនស្សំ ឧប្បជ្ជតិ. (វត្ថុបុរេជាតំ សំខិត្តំ.) (២)

នទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នទស្សនេន បហាតព្ពហេតុកស្ស ច ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អារព្ភ វិចិកិច្ឆាសហគតា ខន្ធា ច មោហោ ច ឧប្បជ្ជន្តិ. (វត្ថុបុរេជាតំ សំខិត្តំ.) (៣)

បច្ឆាជាតាសេវនបច្ចយា

៨២. ទស្សនេន បហាតព្ពហេតុកោ ធម្មោ នទស្សនេន បហាតព្ពហេតុកស្ស ធម្មស្ស បច្ឆាជាតបច្ចយេន បច្ចយោ (សំខិត្តំ). នទស្សនេន បហាតព្ពហេតុកោ ធម្មោ នទស្សនេន បហាតព្ពហេតុកស្ស ធម្មស្ស បច្ឆាជាតបច្ចយេន បច្ចយោ (សំខិត្តំ). ទស្សនេន បហាតព្ពហេតុកោ ច នទស្សនេន បហាតព្ពហេតុកោ ច ធម្មា នទស្សនេន បហាតព្ពហេតុកស្ស ធម្មស្ស បច្ឆាជាតបច្ចយេន បច្ចយោ (សំខិត្តំ)… អាសេវនបច្ចយេន បច្ចយោ.

កម្មបច្ចយាទិ

៨៣. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស កម្មបច្ចយេន បច្ចយោ – ទស្សនេន បហាតព្ពហេតុកា ចេតនា សម្បយុត្តកានំ ខន្ធានំ កម្មបច្ចយេន បច្ចយោ. (មូលំ កាតព្ពំ.) សហជាតា, នានាក្ខណិកា. សហជាតា – ទស្សនេន បហាតព្ពហេតុកា ចេតនា ចិត្តសមុដ្ឋានានំ រូបានំ កម្មបច្ចយេន បច្ចយោ. នានាក្ខណិកា – ទស្សនេន បហាតព្ពហេតុកា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នទស្សនេន បហាតព្ពហេតុកស្ស ច ធម្មស្ស កម្មបច្ចយេន បច្ចយោ – ទស្សនេន បហាតព្ពហេតុកា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ. (៣)

នទស្សនេន បហាតព្ពហេតុកោ ធម្មោ នទស្សនេន បហាតព្ពហេតុកស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – នទស្សនេន បហាតព្ពហេតុកា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ; បដិសន្ធិក្ខណេ…បេ…. នានាក្ខណិកា – នទស្សនេន បហាតព្ពហេតុកា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ. (១)

វិបាកបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ… ឈានបច្ចយេន បច្ចយោ… មគ្គបច្ចយេន បច្ចយោ… សម្បយុត្តបច្ចយេន បច្ចយោ… ឆ… វិប្បយុត្តបច្ចយេន បច្ចយោ… បញ្ច.

អត្ថិបច្ចយាទិ

៨៤. ទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អត្ថិបច្ចយេន បច្ចយោ… តីណិ.

នទស្សនេន បហាតព្ពហេតុកោ ធម្មោ នទស្សនេន បហាតព្ពហេតុកស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ (សំខិត្តំ). នទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ (សំខិត្តំ). នទស្សនេន បហាតព្ពហេតុកោ ធម្មោ ទស្សនេន បហាតព្ពហេតុកស្ស ច នទស្សនេន បហាតព្ពហេតុកស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ (សំខិត្តំ). (៣)

៨៥. ទស្សនេន បហាតព្ពហេតុកោ ច នទស្សនេន បហាតព្ពហេតុកោ ច ធម្មា ទស្សនេន បហាតព្ពហេតុកស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – ទស្សនេន បហាតព្ពហេតុកោ ឯកោ ខន្ធោ ច វត្ថុ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ… ទ្វេ ខន្ធា ច…បេ… វិចិកិច្ឆាសហគតោ ឯកោ ខន្ធោ ច មោហោ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ… ទ្វេ ខន្ធា ច…បេ…. ទស្សនេន បហាតព្ពហេតុកោ ច នទស្សនេន បហាតព្ពហេតុកោ ច ធម្មា នទស្សនេន បហាតព្ពហេតុកស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ (សំខិត្តំ). ទស្សនេន បហាតព្ពហេតុកោ ច នទស្សនេន បហាតព្ពហេតុកោ ច ធម្មា ទស្សនេន បហាតព្ពហេតុកស្ស ច នទស្សនេន បហាតព្ពហេតុកស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ (សំខិត្តំ). (៣)

នត្ថិបច្ចយេន បច្ចយោ… វិគតបច្ចយេន បច្ចយោ… អវិគតបច្ចយេន បច្ចយោ.