១. វិភង្គវារោ

ហេតុបច្ចយោ

៤៧. ទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា – ទស្សនេន បហាតព្ពហេតុកំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ…. (១)

ទស្សនេន បហាតព្ពហេតុកំ ធម្មំ បដិច្ច នទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា – ទស្សនេន បហាតព្ពហេតុកេ ខន្ធេ បដិច្ច ចិត្តសមុដ្ឋានំ រូបំ. (២)

ទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ច នទស្សនេន បហាតព្ពហេតុកោ ច ធម្មា ឧប្បជ្ជន្តិ ហេតុបច្ចយា – ទស្សនេន បហាតព្ពហេតុកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ…. (៣)

៤៨. នទស្សនេន បហាតព្ពហេតុកំ ធម្មំ បដិច្ច នទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា – នទស្សនេន បហាតព្ពហេតុកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… វិចិកិច្ឆាសហគតំ មោហំ បដិច្ច ចិត្តសមុដ្ឋានំ រូបំ; បដិសន្ធិក្ខណេ…បេ… (យាវ អជ្ឈត្តិកា មហាភូតា). (១)

នទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា – វិចិកិច្ឆាសហគតំ មោហំ បដិច្ច សម្បយុត្តកា ខន្ធា. (២)

នទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ច នទស្សនេន បហាតព្ពហេតុកោ ច ធម្មា ឧប្បជ្ជន្តិ ហេតុបច្ចយា – វិចិកិច្ឆាសហគតំ មោហំ បដិច្ច សម្បយុត្តកា ខន្ធា ចិត្តសមុដ្ឋានញ្ច រូបំ. (៣)

៤៩. ទស្សនេន បហាតព្ពហេតុកញ្ច នទស្សនេន បហាតព្ពហេតុកញ្ច ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា – វិចិកិច្ឆាសហគតំ ឯកំ ខន្ធញ្ច មោហញ្ច បដិច្ច តយោ ខន្ធា…បេ… ទ្វេ ខន្ធេ ច…បេ…. (១)

ទស្សនេន បហាតព្ពហេតុកញ្ច នទស្សនេន បហាតព្ពហេតុកញ្ច ធម្មំ បដិច្ច នទស្សនេន បហាតព្ពហេតុកោ ធម្មោ ឧប្បជ្ជតិ ហេតុបច្ចយា – ទស្សនេន បហាតព្ពហេតុកេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ, វិចិកិច្ឆាសហគតេ ខន្ធេ ច មោហញ្ច បដិច្ច ចិត្តសមុដ្ឋានំ រូបំ. (២)

ទស្សនេន បហាតព្ពហេតុកញ្ច នទស្សនេន បហាតព្ពហេតុកញ្ច ធម្មំ បដិច្ច ទស្សនេន បហាតព្ពហេតុកោ ច នទស្សនេន បហាតព្ពហេតុកោ ច ធម្មា ឧប្បជ្ជន្តិ ហេតុបច្ចយា – វិចិកិច្ឆាសហគតំ ឯកំ ខន្ធញ្ច មោហញ្ច បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ ច…បេ…. (៣)

អារម្មណបច្ចយោ

៥០. ទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – ទស្សនេន បហាតព្ពហេតុកំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ…. (១)

ទស្សនេន បហាតព្ពហេតុកំ ធម្មំ បដិច្ច នទស្សនេន បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – វិចិកិច្ឆាសហគតេ ខន្ធេ បដិច្ច វិចិកិច្ឆាសហគតោ មោហោ. (២)

ទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ច នទស្សនេន បហាតព្ពហេតុកោ ច ធម្មា ឧប្បជ្ជន្តិ អារម្មណបច្ចយា – វិចិកិច្ឆាសហគតំ ឯកំ ខន្ធំ បដិច្ច តយោ ខន្ធា មោហោ ច…បេ… ទ្វេ ខន្ធេ…បេ…. (៣)

៥១. នទស្សនេន បហាតព្ពហេតុកំ ធម្មំ បដិច្ច នទស្សនេន បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – នទស្សនេន បហាតព្ពហេតុកំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ…. (១)

នទស្សនេន បហាតព្ពហេតុកំ ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – វិចិកិច្ឆាសហគតំ មោហំ បដិច្ច សម្បយុត្តកា ខន្ធា. (២)

ទស្សនេន បហាតព្ពហេតុកញ្ច នទស្សនេន បហាតព្ពហេតុកញ្ច ធម្មំ បដិច្ច ទស្សនេន បហាតព្ពហេតុកោ ធម្មោ ឧប្បជ្ជតិ អារម្មណបច្ចយា – វិចិកិច្ឆាសហគតំ ឯកំ ខន្ធញ្ច មោហញ្ច បដិច្ច តយោ ខន្ធា…បេ… ទ្វេ ខន្ធេ ច…បេ…. (១) (សំខិត្តំ.)

១. បច្ចយានុលោមំ

២. សង្ខ្យាវារោ

៥២. ហេតុយា នវ, អារម្មណេ ឆ, អធិបតិយា បញ្ច, អនន្តរេ ឆ, សមនន្តរេ ឆ, សហជាតេ នវ, អញ្ញមញ្ញេ ឆ, និស្សយេ នវ, ឧបនិស្សយេ ឆ, បុរេជាតេ ឆ, អាសេវនេ ឆ, កម្មេ នវ, វិបាកេ ឯកំ, អាហារេ នវ, ឥន្ទ្រិយេ នវ, ឈានេ នវ, មគ្គេ នវ, សម្បយុត្តេ ឆ, វិប្បយុត្តេ នវ, អត្ថិយា នវ, នត្ថិយា ឆ, វិគតេ ឆ, អវិគតេ នវ.