១-៦. បដិច្ចវារាទិ

១-៤. បច្ចយានុលោមាទិ

៣៥. ភាវនាយ បហាតព្ពំ ធម្មំ បដិច្ច ភាវនាយ បហាតព្ពោ ធម្មោ ឧប្បជ្ជតិ ហេតុបច្ចយា (យថា ទស្សនទុកំ, ឯវំ វិត្ថារេតព្ពំ, និន្នានាករណំ).

ហេតុយា បញ្ច…បេ… អវិគតេ បញ្ច.

អនុលោមំ.

ភាវនាយ បហាតព្ពំ ធម្មំ បដិច្ច ភាវនាយ បហាតព្ពោ ធម្មោ ឧប្បជ្ជតិ នហេតុបច្ចយា – ឧទ្ធច្ចសហគតេ ខន្ធេ បដិច្ច ឧទ្ធច្ចសហគតោ មោហោ.

នភាវនាយ បហាតព្ពំ ធម្មំ បដិច្ច នភាវនាយ បហាតព្ពោ ធម្មោ ឧប្បជ្ជតិ នហេតុបច្ចយា – អហេតុកំ នភាវនាយ បហាតព្ពំ ឯកំ ខន្ធំ…បេ… (យាវ អសញ្ញសត្តា) វិចិកិច្ឆាសហគតេ ខន្ធេ បដិច្ច វិចិកិច្ឆាសហគតោ មោហោ (សំខិត្តំ).

នហេតុយា ទ្វេ…បេ… នោវិគតេ តីណិ.

បច្ចនីយំ.

(បច្ចយវារបច្ចនីយេ នហេតុបច្ចយេ ឧទ្ធច្ចសហគតេ តីណិ, មោហោ ឧទ្ធរិតព្ពោ. សព្ពេបិ វារា ទស្សនទុកសទិសា, ឧទ្ធច្ចបច្ចនីយម្បិ នានំ.)