១. វិភង្គវារោ

ហេតុបច្ចយោ

៥. ទស្សនេន បហាតព្ពំ ធម្មំ បច្ចយា ទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា… តីណិ (បដិច្ចសទិសា).

៦. នទស្សនេន បហាតព្ពំ ធម្មំ បច្ចយា នទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា – នទស្សនេន បហាតព្ពំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… (យាវ អជ្ឈត្តិកា មហាភូតា) វត្ថុំ បច្ចយា នទស្សនេន បហាតព្ពា ខន្ធា. (១)

នទស្សនេន បហាតព្ពំ ធម្មំ បច្ចយា ទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា – វត្ថុំ បច្ចយា ទស្សនេន បហាតព្ពា ខន្ធា. (២)

នទស្សនេន បហាតព្ពំ ធម្មំ បច្ចយា ទស្សនេន បហាតព្ពោ ច នទស្សនេន បហាតព្ពោ ច ធម្មា ឧប្បជ្ជន្តិ ហេតុបច្ចយា – វត្ថុំ បច្ចយា ទស្សនេន បហាតព្ពា ខន្ធា, មហាភូតេ បច្ចយា ចិត្តសមុដ្ឋានំ. (៣)

៧. ទស្សនេន បហាតព្ពញ្ច នទស្សនេន បហាតព្ពញ្ច ធម្មំ បច្ចយា ទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា – ទស្សនេន បហាតព្ពំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច…បេ…. (១)

ទស្សនេន បហាតព្ពញ្ច នទស្សនេន បហាតព្ពញ្ច ធម្មំ បច្ចយា នទស្សនេន បហាតព្ពោ ធម្មោ ឧប្បជ្ជតិ ហេតុបច្ចយា – ទស្សនេន បហាតព្ពេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ. (២)

ទស្សនេន បហាតព្ពញ្ច នទស្សនេន បហាតព្ពញ្ច ធម្មំ បច្ចយា ទស្សនេន បហាតព្ពោ ច នទស្សនេន បហាតព្ពោ ច ធម្មា ឧប្បជ្ជន្តិ ហេតុបច្ចយា – ទស្សនេន បហាតព្ពំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច…បេ… ទស្សនេន បហាតព្ពេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ. (៣)