១-១៤. កុសលត្តិក-អាសវទុកំ

១-៧. បដិច្ចវារាទិ

បច្ចយចតុក្កំ

ហេតុបច្ចយោ

១. អកុសលំ អាសវំ ធម្មំ បដិច្ច អកុសលោ អាសវោ ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ឯកំ…បេ… អវិគតេ ឯកំ (សំខិត្តំ).

(សហជាតវារេបិ…បេ… សម្បយុត្តវារេបិ បញ្ហាវារេបិ សព្ពត្ថ ឯកំ).

២. កុសលំ នោអាសវំ ធម្មំ បដិច្ច កុសលោ នោអាសវោ ធម្មោ ឧប្បជ្ជតិ ហេតុបច្ចយា. កុសលំ នោអាសវំ ធម្មំ បដិច្ច អព្យាកតោ នោអាសវោ ធម្មោ ឧប្បជ្ជតិ ហេតុបច្ចយា. កុសលំ នោអាសវំ ធម្មំ បដិច្ច កុសលោ នោអាសវោ ច អព្យាកតោ នោអាសវោ ច ធម្មា ឧប្បជ្ជន្តិ ហេតុបច្ចយា. (៣)

អកុសលំ នោអាសវំ ធម្មំ បដិច្ច អកុសលោ នោអាសវោ ធម្មោ ឧប្បជ្ជតិ ហេតុបច្ចយា… តីណិ.

អព្យាកតំ នោអាសវំ ធម្មំ បដិច្ច អព្យាកតោ នោអាសវោ ធម្មោ ឧប្បជ្ជតិ ហេតុបច្ចយា. (១)

កុសលំ នោអាសវញ្ច អព្យាកតំ នោអាសវញ្ច ធម្មំ បដិច្ច អព្យាកតោ នោអាសវោ ធម្មោ ឧប្បជ្ជតិ ហេតុបច្ចយា. (១)

អកុសលំ នោអាសវញ្ច អព្យាកតំ នោអាសវញ្ច ធម្មំ បដិច្ច អព្យាកតោ នោអាសវោ ធម្មោ ឧប្បជ្ជតិ ហេតុបច្ចយា. (១)

អារម្មណបច្ចយោ

៣. កុសលំ នោអាសវំ ធម្មំ បដិច្ច កុសលោ នោអាសវោ ធម្មោ ឧប្បជ្ជតិ អារម្មណបច្ចយា. (១)

អកុសលំ នោអាសវំ ធម្មំ បដិច្ច អកុសលោ នោអាសវោ ធម្មោ ឧប្បជ្ជតិ អារម្មណបច្ចយា. (១)

អព្យាកតំ នោអាសវំ ធម្មំ បដិច្ច អព្យាកតោ នោអាសវោ ធម្មោ ឧប្បជ្ជតិ អារម្មណបច្ចយា. (១) (សំខិត្តំ.)

៤. ហេតុយា នវ, អារម្មណេ តីណិ, អធិបតិយា នវ…បេ… អវិគតេ នវ (សំខិត្តំ).

នហេតុយា ឯកំ, នអារម្មណេ បញ្ច, នអធិបតិយា នវ…បេ… នោវិគតេ បញ្ច (សំខិត្តំ. សហជាតវារម្បិ…បេ… សម្បយុត្តវារម្បិ បដិច្ចវារសទិសំ).

ហេតុ-អារម្មណបច្ចយា

៥. កុសលោ នោអាសវោ ធម្មោ កុសលស្ស នោអាសវស្ស ធម្មស្ស ហេតុបច្ចយេន បច្ចយោ… តីណិ.

អកុសលោ នោអាសវោ ធម្មោ អកុសលស្ស នោអាសវស្ស ធម្មស្ស ហេតុបច្ចយេន បច្ចយោ… តីណិ.

អព្យាកតោ នោអាសវោ ធម្មោ អព្យាកតស្ស នោអាសវស្ស ធម្មស្ស ហេតុបច្ចយេន បច្ចយោ. (១)

កុសលោ នោអាសវោ ធម្មោ កុសលស្ស នោអាសវស្ស ធម្មស្ស អារម្មណបច្ចយេន បច្ចយោ (សំខិត្តំ).

៦. ហេតុយា សត្ត, អារម្មណេ នវ, អធិបតិយា ទស…បេ… អវិគតេ តេរស (សំខិត្តំ. យថា កុសលត្តិកេ បញ្ហាវារំ, ឯវំ វិត្ថារេតព្ពំ).

១-១៥. កុសលត្តិក-សាសវទុកំ

១-៧. បដិច្ចវារាទិ

បច្ចយចតុក្កំ

ហេតុបច្ចយោ

៧. កុសលំ សាសវំ ធម្មំ បដិច្ច កុសលោ សាសវោ ធម្មោ ឧប្បជ្ជតិ ហេតុបច្ចយា… តីណិ.

អកុសលំ សាសវំ ធម្មំ បដិច្ច អកុសលោ សាសវោ ធម្មោ ឧប្បជ្ជតិ ហេតុបច្ចយា… តីណិ.

អព្យាកតំ សាសវំ ធម្មំ បដិច្ច អព្យាកតោ សាសវោ ធម្មោ ឧប្បជ្ជតិ ហេតុបច្ចយា. (១)

កុសលំ សាសវញ្ច អព្យាកតំ សាសវញ្ច ធម្មំ បដិច្ច អព្យាកតោ សាសវោ ធម្មោ ឧប្បជ្ជតិ ហេតុបច្ចយា. (១)

អកុសលំ សាសវញ្ច អព្យាកតំ សាសវញ្ច ធម្មំ បដិច្ច អព្យាកតោ សាសវោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

៨. ហេតុយា នវ, អារម្មណេ តីណិ…បេ… អវិគតេ នវ (សំខិត្តំ).

នហេតុយា ទ្វេ, នអារម្មណេ បញ្ច, នអធិបតិយា នវ (សំខិត្តំ. សហជាតវារម្បិ…បេ… សម្បយុត្តវារម្បិ បដិច្ចវារសទិសំ).

៩. កុសលោ សាសវោ ធម្មោ កុសលស្ស សាសវស្ស ធម្មស្ស ហេតុបច្ចយេន បច្ចយោ… តីណិ.

អកុសលោ សាសវោ ធម្មោ អកុសលស្ស សាសវស្ស ធម្មស្ស ហេតុបច្ចយេន បច្ចយោ… តីណិ.

អព្យាកតោ សាសវោ ធម្មោ អព្យាកតស្ស សាសវស្ស ធម្មស្ស ហេតុបច្ចយេន បច្ចយោ. (១) (សំខិត្តំ.)

ហេតុយា សត្ត, អារម្មណេ នវ…បេ… អវិគតេ តេរស (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)

អនាសវបទំ

១-៧. បដិច្ចវារាទិ

បច្ចយចតុក្កំ

ហេតុបច្ចយោ

១០. កុសលំ អនាសវំ ធម្មំ បដិច្ច កុសលោ អនាសវោ ធម្មោ ឧប្បជ្ជតិ ហេតុបច្ចយា. (១)

អព្យាកតំ អនាសវំ ធម្មំ បដិច្ច អព្យាកតោ អនាសវោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

១១. ហេតុយា ទ្វេ…បេ… អវិគតេ ទ្វេ (សំខិត្តំ. សហជាតវារម្បិ…បេ… សម្បយុត្តវារម្បិ បដិច្ចវារសទិសំ).

ហេតុអារម្មណបច្ចយាទិ

១២. កុសលោ អនាសវោ ធម្មោ កុសលស្ស អនាសវស្ស ធម្មស្ស ហេតុបច្ចយេន បច្ចយោ. (១)

អព្យាកតោ អនាសវោ ធម្មោ អព្យាកតស្ស អនាសវស្ស ធម្មស្ស ហេតុបច្ចយេន បច្ចយោ. (១)

អព្យាកតោ អនាសវោ ធម្មោ អព្យាកតស្ស អនាសវស្ស ធម្មស្ស អារម្មណបច្ចយេន បច្ចយោ. អព្យាកតោ អនាសវោ ធម្មោ កុសលស្ស អនាសវស្ស ធម្មស្ស អារម្មណបច្ចយេន បច្ចយោ. (២)

កុសលោ អនាសវោ ធម្មោ កុសលស្ស អនាសវស្ស ធម្មស្ស អធិបតិបច្ចយេន បច្ចយោ. (១)

អព្យាកតោ អនាសវោ ធម្មោ អព្យាកតស្ស អនាសវស្ស ធម្មស្ស អធិបតិបច្ចយេន បច្ចយោ. អព្យាកតោ អនាសវោ ធម្មោ កុសលស្ស អនាសវស្ស ធម្មស្ស អធិបតិបច្ចយេន បច្ចយោ. (២)

កុសលោ អនាសវោ ធម្មោ អព្យាកតស្ស អនាសវស្ស ធម្មស្ស អនន្តរបច្ចយេន បច្ចយោ. (១)

អព្យាកតោ អនាសវោ ធម្មោ អព្យាកតស្ស អនាសវស្ស ធម្មស្ស អនន្តរបច្ចយេន បច្ចយោ. (១) (សំខិត្តំ.)

១៣. ហេតុយា ទ្វេ, អារម្មណេ ទ្វេ, អធិបតិយា តីណិ, អនន្តរេ ទ្វេ, សមនន្តរេ ទ្វេ, សហជាតេ ទ្វេ, អញ្ញមញ្ញេ ទ្វេ, និស្សយេ ទ្វេ, ឧបនិស្សយេ ចត្តារិ…បេ… អវិគតេ ទ្វេ (សំខិត្តំ. យថា កុសលត្តិកេ បញ្ហាវារំ, ឯវំ វិត្ថារេតព្ពំ).

១-១៦. កុសលត្តិក-អាសវសម្បយុត្តទុកំ

១-៧. បដិច្ចវារាទិ

បច្ចយចតុក្កំ

ហេតុបច្ចយោ

១៤. អកុសលំ អាសវសម្បយុត្តំ ធម្មំ បដិច្ច អកុសលោ អាសវសម្បយុត្តោ ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ឯកំ, អាមម្មណេ ឯកំ (សំខិត្តំ).

(សហជាតវារេបិ…បេ… សម្បយុត្តវារេបិ បញ្ហាវារេបិ សព្ពត្ថ ឯកំ.)

១៥. កុសលំ អាសវវិប្បយុត្តំ ធម្មំ បដិច្ច កុសលោ អាសវវិប្បយុត្តោ ធម្មោ ឧប្បជ្ជតិ ហេតុបច្ចយា. កុសលំ អាសវវិប្បយុត្តំ ធម្មំ បដិច្ច អព្យាកតោ អាសវវិប្បយុត្តោ ធម្មោ ឧប្បជ្ជតិ ហេតុបច្ចយា. កុសលំ អាសវវិប្បយុត្តំ ធម្មំ បដិច្ច កុសលោ អាសវវិប្បយុត្តោ ច អព្យាកតោ អាសវវិប្បយុត្តោ ច ធម្មា ឧប្បជ្ជន្តិ ហេតុបច្ចយា. (៣)

អកុសលំ អាសវវិប្បយុត្តំ ធម្មំ បដិច្ច អព្យាកតោ អាសវវិប្បយុត្តោ ធម្មោ ឧប្បជ្ជតិ ហេតុបច្ចយា. (១)

អព្យាកតំ អាសវវិប្បយុត្តំ ធម្មំ បដិច្ច អព្យាកតោ អាសវវិប្បយុត្តោ ធម្មោ ឧប្បជ្ជតិ ហេតុបច្ចយា. (១)

កុសលំ អាសវវិប្បយុត្តញ្ច អព្យាកតំ អាសវវិប្បយុត្តញ្ច ធម្មំ បដិច្ច អព្យាកតោ អាសវវិប្បយុត្តោ ធម្មោ ឧប្បជ្ជតិ ហេតុបច្ចយា. (១)

អកុសលំ អាសវវិប្បយុត្តញ្ច អព្យាកតំ អាសវវិប្បយុត្តញ្ច ធម្មំ បដិច្ច អព្យាកតោ អាសវវិប្បយុត្តោ ធម្មោ ឧប្បជ្ជតិ ហេតុបច្ចយា (សំខិត្តំ).

១៦. ហេតុយា សត្ត, អារម្មណេ ទ្វេ, អធិបតិយា សត្ត…បេ… អវិគតេ សត្ត (សំខិត្តំ).

(សហជាតវារម្បិ…បេ… សម្បយុត្តវារម្បិ បដិច្ចវារសទិសំ).

១៧. កុសលោ អាសវវិប្បយុត្តោ ធម្មោ កុសលស្ស អាសវវិប្បយុត្តស្ស ធម្មស្ស ហេតុបច្ចយេន បច្ចយោ… តីណិ.

អកុសលោ អាសវវិប្បយុត្តោ ធម្មោ អព្យាកតស្ស អាសវវិប្បយុត្តស្ស ធម្មស្ស ហេតុបច្ចយេន បច្ចយោ. (១)

អព្យាកតោ អាសវវិប្បយុត្តោ ធម្មោ អព្យាកតស្ស អាសវវិប្បយុត្តស្ស ធម្មស្ស ហេតុបច្ចយេន បច្ចយោ. (១) (សំខិត្តំ.)

១៨. ហេតុយា បញ្ច, អារម្មណេ នវ, អធិបតិយា បញ្ច…បេ… អវិគតេ ទស (សំខិត្តំ.)

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)

១-១៧. កុសលត្តិក-អាសវសាសវទុកំ

១-៧. បដិច្ចវារាទិ

បច្ចយចតុក្កំ

ហេតុបច្ចយោ

១៩. អកុសលំ អាសវញ្ចេវ សាសវញ្ច ធម្មំ បដិច្ច អកុសលោ អាសវោ ចេវ សាសវោ ច ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ).

(សហជាតវារេបិ…បេ… សម្បយុត្តវារេបិ បញ្ហាវារេបិ សព្ពត្ថ ឯកំ).

២០. កុសលំ សាសវញ្ចេវ នោ ច អាសវំ ធម្មំ បដិច្ច កុសលោ សាសវោ ចេវ នោ ច អាសវោ ធម្មោ ឧប្បជ្ជតិ ហេតុបច្ចយា… តីណិ.

អកុសលំ សាសវញ្ចេវ នោ ច អាសវំ ធម្មំ បដិច្ច អកុសលោ សាសវោ ចេវ នោ ច អាសវោ ធម្មោ ឧប្បជ្ជតិ ហេតុបច្ចយា… តីណិ.

អព្យាកតំ សាសវញ្ចេវ នោ ច អាសវំ ធម្មំ បដិច្ច អព្យាកតោ សាសវោ ចេវ នោ ច អាសវោ ធម្មោ ឧប្បជ្ជតិ ហេតុបច្ចយា. (១)

កុសលំ សាសវញ្ចេវ នោ ច អាសវញ្ច អព្យាកតំ សាសវញ្ចេវ នោ ច អាសវញ្ច ធម្មំ បដិច្ច អព្យាកតោ សាសវោ ចេវ នោ ច អាសវោ ធម្មោ ឧប្បជ្ជតិ ហេតុបច្ចយា. (១)

អកុសលំ សាសវញ្ចេវ នោ ច អាសវញ្ច អព្យាកតំ សាសវញ្ចេវ នោ ច អាសវញ្ច ធម្មំ បដិច្ច អព្យាកតោ សាសវោ ចេវ នោ ច អាសវោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

២១. ហេតុយា នវ, អារម្មណេ តីណិ, អធិបតិយា នវ…បេ… អវិគតេ នវ (សំខិត្តំ).

(សហជាតវារម្បិ…បេ… សម្បយុត្តវារម្បិ បដិច្ចវារសទិសំ.)

២២. កុសលោ សាសវោ ចេវ នោ ច អាសវោ ធម្មោ កុសលស្ស សាសវស្ស ចេវ នោ ច អាសវស្ស ធម្មស្ស ហេតុបច្ចយេន បច្ចយោ… តីណិ.

អកុសលោ សាសវោ ចេវ នោ ច អាសវោ ធម្មោ អកុសលស្ស សាសវស្ស ចេវ នោ ច អាសវស្ស ធម្មស្ស ហេតុបច្ចយេន បច្ចយោ… តីណិ.

អព្យាកតោ សាសវោ ចេវ នោ ច អាសវោ ធម្មោ អព្យាកតស្ស សាសវស្ស ចេវ នោ ច អាសវស្ស ធម្មស្ស ហេតុបច្ចយេន បច្ចយោ. (១) (សំខិត្តំ.)

២៣. ហេតុយា សត្ត, អារម្មណេ នវ, អធិបតិយា នវ…បេ… អវិគតេ តេរស (សំខិត្តំ. យថា កុសលត្តិកេ បញ្ហាវារំ, ឯវំ វិត្ថារេតព្ពំ).

១-១៨. កុសលត្តិក-អាសវអាសវសម្បយុត្តទុកំ

១-៧. បដិច្ចវារាទិ

បច្ចយចតុក្កំ

២៤. អកុសលំ អាសវញ្ចេវ អាសវសម្បយុត្តញ្ច ធម្មំ បដិច្ច អកុសលោ អាសវោ ចេវ អាសវសម្បយុត្តោ ច ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ).

(សហជាតវារេបិ…បេ… សម្បយុត្តវារេបិ បញ្ហាវារេបិ សព្ពត្ថ ឯកំ).

២៥. អកុសលំ អាសវសម្បយុត្តញ្ចេវ នោ ច អាសវំ ធម្មំ បដិច្ច អកុសលោ អាសវសម្បយុត្តោ ចេវ នោ ច អាសវោ ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ).

(សហជាតវារេបិ…បេ… សម្បយុត្តវារេបិ បញ្ហាវារេបិ សព្ពត្ថ ឯកំ.)

២៦. កុសលំ អាសវវិប្បយុត្តំ សាសវំ ធម្មំ បដិច្ច កុសលោ អាសវវិប្បយុត្តោ សាសវោ ធម្មោ ឧប្បជ្ជតិ ហេតុបច្ចយា… តីណិ.

អកុសលំ អាសវវិប្បយុត្តំ សាសវំ ធម្មំ បដិច្ច អព្យាកតោ អាសវវិប្បយុត្តោ សាសវោ ធម្មោ ឧប្បជ្ជតិ ហេតុបច្ចយា. (១)

អព្យាកតំ អាសវវិប្បយុត្តំ សាសវំ ធម្មំ បដិច្ច អព្យាកតោ អាសវវិប្បយុត្តោ សាសវោ ធម្មោ ឧប្បជ្ជតិ ហេតុបច្ចយា. (១)

កុសលំ អាសវវិប្បយុត្តំ សាសវញ្ច អព្យាកតំ អាសវវិប្បយុត្តំ សាសវញ្ច ធម្មំ បដិច្ច អព្យាកតោ អាសវវិប្បយុត្តោ សាសវោ ធម្មោ ឧប្បជ្ជតិ ហេតុបច្ចយា. (១)

អកុសលំ អាសវវិប្បយុត្តំ សាសវញ្ច អព្យាកតំ អាសវវិប្បយុត្តំ សាសវញ្ច ធម្មំ បដិច្ច អព្យាកតោ អាសវវិប្បយុត្តោ សាសវោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

២៧. ហេតុយា សត្ត, អារម្មណេ ទ្វេ…បេ… អវិគតេ សត្ត (សំខិត្តំ. សហជាតវារម្បិ…បេ… សម្បយុត្តវារម្បិ បដិច្ចវារសទិសំ).

២៨. កុសលោ អាសវវិប្បយុត្តោ សាសវោ ធម្មោ កុសលស្ស អាសវវិប្បយុត្តស្ស សាសវស្ស ធម្មស្ស ហេតុបច្ចយេន បច្ចយោ… តីណិ.

អកុសលោ អាសវវិប្បយុត្តោ សាសវោ ធម្មោ អព្យាកតស្ស អាសវវិប្បយុត្តស្ស សាសវស្ស ធម្មស្ស ហេតុបច្ចយេន បច្ចយោ. (១)

អព្យាកតោ អាសវវិប្បយុត្តោ សាសវោ ធម្មោ អព្យាកតស្ស អាសវវិប្បយុត្តស្ស សាសវស្ស ធម្មស្ស ហេតុបច្ចយេន បច្ចយោ (សំខិត្តំ).

២៩. ហេតុយា បញ្ច, អារម្មណេ នវ, អធិបតិយា ចត្តារិ…បេ… អវិគតេ ទស (សំខិត្តំ. យថា កុសលត្តិកេ បញ្ហាវារំ, ឯវំ វិត្ថារេតព្ពំ).

១-១៩. កុសលត្តិក-អាសវវិប្បយុត្តសាសវទុកំ

១-៧. បដិច្ចវារាទិ

បច្ចយចតុក្កំ

ហេតុបច្ចយោ

៣០. កុសលំ អាសវវិប្បយុត្តំ អនាសវំ ធម្មំ បដិច្ច កុសលោ អាសវវិប្បយុត្តោ អនាសវោ ធម្មោ ឧប្បជ្ជតិ ហេតុបច្ចយា. (១)

អព្យាកតំ អាសវវិប្បយុត្តំ អនាសវំ ធម្មំ បដិច្ច អព្យាកតោ អាសវវិប្បយុត្តោ អនាសវោ ធម្មោ ឧប្បជ្ជតិ ហេតុបច្ចយា (សំខិត្តំ).

៣១. ហេតុយា ទ្វេ, អារម្មណេ ទ្វេ…បេ… អវិគតេ ទ្វេ (សំខិត្តំ).

(សហជាតវារម្បិ…បេ… សម្បយុត្តវារម្បិ បដិច្ចវារសទិសំ.)

ហេតុអារម្មណបច្ចយាទិ

៣២. កុសលោ អាសវវិប្បយុត្តោ អនាសវោ ធម្មោ កុសលស្ស អាសវវិប្បយុត្តស្ស អនាសវស្ស ធម្មស្ស ហេតុបច្ចយេន បច្ចយោ. (១)

អព្យាកតោ អាសវវិប្បយុត្តោ អនាសវោ ធម្មោ អព្យាកតស្ស អាសវវិប្បយុត្តស្ស អនាសវស្ស ធម្មស្ស ហេតុបច្ចយេន បច្ចយោ. (១)

អព្យាកតោ អាសវវិប្បយុត្តោ អនាសវោ ធម្មោ អព្យាកតស្ស អាសវវិប្បយុត្តស្ស អនាសវស្ស ធម្មស្ស អារម្មណបច្ចយេន បច្ចយោ. (១)

អព្យាកតោ អាសវវិប្បយុត្តោ អនាសវោ ធម្មោ កុសលស្ស អាសវវិប្បយុត្តស្ស អនាសវស្ស ធម្មស្ស អារម្មណបច្ចយេន បច្ចយោ. (១)

កុសលោ អាសវវិប្បយុត្តោ អនាសវោ ធម្មោ កុសលស្ស អាសវវិប្បយុត្តស្ស អនាសវស្ស ធម្មស្ស អធិបតិបច្ចយេន បច្ចយោ. (១)

អព្យាកតោ អាសវវិប្បយុត្តោ អនាសវោ ធម្មោ អព្យាកតស្ស អាសវវិប្បយុត្តស្ស អនាសវស្ស ធម្មស្ស អធិបតិបច្ចយេន បច្ចយោ. (១)

អព្យាកតោ អាសវវិប្បយុត្តោ អនាសវោ ធម្មោ កុសលស្ស អាសវវិប្បយុត្តស្ស អនាសវស្ស ធម្មស្ស អធិបតិបច្ចយេន បច្ចយោ. (១)

កុសលោ អាសវវិប្បយុត្តោ អនាសវោ ធម្មោ អព្យាកតស្ស អាសវវិប្បយុត្តស្ស អនាសវស្ស ធម្មស្ស អនន្តរបច្ចយេន បច្ចយោ. (១)

អព្យាកតោ អាសវវិប្បយុត្តោ អនាសវោ ធម្មោ អព្យាកតស្ស អាសវវិប្បយុត្តស្ស អនាសវស្ស ធម្មស្ស អនន្តរបច្ចយេន បច្ចយោ. (១) (សំខិត្តំ.)

៣៣. ហេតុយា ទ្វេ, អារម្មណេ ទ្វេ, អធិបតិយា តីណិ, អនន្តរេ ទ្វេ, សមនន្តរេ ទ្វេ, សហជាតេ ទ្វេ, អញ្ញមញ្ញេ ទ្វេ, និស្សយេ ទ្វេ, ឧបនិស្សយេ ចត្តារិ…បេ… អវិគតេ ទ្វេ (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)

កុសលត្តិកអាសវគោច្ឆកំ និដ្ឋិតំ.

១-២០-៥៤. កុសលត្តិក-សញ្ញោជនាទិទុកានិ

៣៤. អកុសលំ សញ្ញោជនំ ធម្មំ បដិច្ច…បេ… អកុសលំ គន្ថំ… ឱឃំ… យោគំ… នីវរណំ….

កុសលំ នោបរាមាសំ ធម្មំ បដិច្ច កុសលោ នោបរាមាសោ ធម្មោ ឧប្បជ្ជតិ ហេតុបច្ចយា. (អាសវគោច្ឆកសទិសំ.) ទិដ្ឋិំ បដិច្ច ទិដ្ឋិ ន ឧប្បជ្ជតិ.

កុសលត្តិកេ ឆ គោច្ឆកំ និដ្ឋិតំ.