១-៧. បដិច្ចវារាទិ
បច្ចយចតុក្កំ
៤១. កុសលំ កេនចិ វិញ្ញេយ្យំ ធម្មំ បដិច្ច កុសលោ កេនចិ វិញ្ញេយ្យោ ធម្មោ ឧប្បជ្ជតិ ហេតុបច្ចយា. កុសលំ កេនចិ វិញ្ញេយ្យំ ធម្មំ បដិច្ច អព្យាកតោ កេនចិ វិញ្ញេយ្យោ ធម្មោ ឧប្បជ្ជតិ ហេតុបច្ចយា. កុសលំ កេនចិ វិញ្ញេយ្យំ ធម្មំ បដិច្ច កុសលោ កេនចិ វិញ្ញេយ្យោ ច អព្យាកតោ កេនចិ វិញ្ញេយ្យោ ច ធម្មា ឧប្បជ្ជន្តិ ហេតុបច្ចយា. (៣)
អកុសលំ កេនចិ វិញ្ញេយ្យំ ធម្មំ បដិច្ច អកុសលោ កេនចិ វិញ្ញេយ្យោ ធម្មោ ឧប្បជ្ជតិ ហេតុបច្ចយា… តីណិ.
អព្យាកតំ កេនចិ វិញ្ញេយ្យំ ធម្មំ បដិច្ច អព្យាកតោ កេនចិ វិញ្ញេយ្យោ ធម្មោ ឧប្បជ្ជតិ ហេតុបច្ចយា. (១)
កុសលំ កេនចិ វិញ្ញេយ្យញ្ច អព្យាកតំ កេនចិ វិញ្ញេយ្យញ្ច ធម្មំ បដិច្ច អព្យាកតោ កេនចិ វិញ្ញេយ្យោ ធម្មោ ឧប្បជ្ជតិ ហេតុបច្ចយា. (១)
អកុសលំ កេនចិ វិញ្ញេយ្យញ្ច អព្យាកតំ កេនចិ វិញ្ញេយ្យញ្ច ធម្មំ បដិច្ច អព្យាកតោ កេនចិ វិញ្ញេយ្យោ ធម្មោ ឧប្បជ្ជតិ ហេតុបច្ចយា. (១)
៤២. កុសលំ កេនចិ វិញ្ញេយ្យំ ធម្មំ បដិច្ច កុសលោ កេនចិ វិញ្ញេយ្យោ ធម្មោ ឧប្បជ្ជតិ អារម្មណបច្ចយា. (១)
អកុសលំ កេនចិ វិញ្ញេយ្យំ ធម្មំ បដិច្ច អកុសលោ កេនចិ វិញ្ញេយ្យោ ធម្មោ ឧប្បជ្ជតិ អារម្មណបច្ចយា. (១)
អព្យាកតំ កេនចិ វិញ្ញេយ្យំ ធម្មំ បដិច្ច អព្យាកតោ កេនចិ វិញ្ញេយ្យោ ធម្មោ ឧប្បជ្ជតិ អារម្មណបច្ចយា. (១) (សំខិត្តំ.)
៤៣. ហេតុយា នវ, អារម្មណេ តីណិ…បេ… អវិគតេ នវ (សំខិត្តំ).
បច្ចនីយំ
នហេតុបច្ចយោ
៤៤. អកុសលំ កេនចិ វិញ្ញេយ្យំ ធម្មំ បដិច្ច អកុសលោ កេនចិ វិញ្ញេយ្យោ ធម្មោ ឧប្បជ្ជតិ នហេតុបច្ចយា. (១)
អព្យាកតំ កេនចិ វិញ្ញេយ្យំ ធម្មំ បដិច្ច អព្យាកតោ កេនចិ វិញ្ញេយ្យោ ធម្មោ ឧប្បជ្ជតិ នហេតុបច្ចយា. (១) (សំខិត្តំ.)
៤៥. នហេតុយា ទ្វេ, នអារម្មណេ បញ្ច, នអធិបតិយា នវ…បេ… នោវិគតេ បញ្ច (សំខិត្តំ. សហជាតវារម្បិ…បេ… សម្បយុត្តវារម្បិ បដិច្ចវារសទិសំ).
ហេតុបច្ចយោ
៤៦. កុសលោ កេនចិ វិញ្ញេយ្យោ ធម្មោ កុសលស្ស កេនចិ វិញ្ញេយ្យស្ស ធម្មស្ស ហេតុបច្ចយេន បច្ចយោ… តីណិ.
អកុសលោ កេនចិ វិញ្ញេយ្យោ ធម្មោ អកុសលស្ស កេនចិ វិញ្ញេយ្យស្ស ធម្មស្ស ហេតុបច្ចយេន បច្ចយោ… តីណិ.
អព្យាកតោ កេនចិ វិញ្ញេយ្យោ ធម្មោ អព្យាកតស្ស កេនចិ វិញ្ញេយ្យស្ស ធម្មស្ស ហេតុបច្ចយេន បច្ចយោ. (១) (សំខិត្តំ.)
៤៧. ហេតុយា សត្ត, អារម្មណេ នវ…បេ… អវិគតេ តេរស (សំខិត្តំ. យថា កុសលត្តិកេ បញ្ហាវារំ, ឯវំ វិត្ថារេតព្ពំ).
៤៨. កុសលំ នកេនចិ វិញ្ញេយ្យំ ធម្មំ បដិច្ច កុសលោ នកេនចិ វិញ្ញេយ្យោ ធម្មោ ឧប្បជ្ជតិ ហេតុបច្ចយា (កេនចិវិញ្ញេយ្យសទិសំ).
កុសលត្តិកចូឡន្តរទុកំ និដ្ឋិតំ.