១-៧. បដិច្ចវារាទិ

បច្ចយចតុក្កំ

ហេតុបច្ចយោ

២៧៩. កុសលំ នហេតុំ សហេតុកំ ធម្មំ បដិច្ច កុសលោ នហេតុ សហេតុកោ ធម្មោ ឧប្បជ្ជតិ ហេតុបច្ចយា. (១)

អកុសលំ នហេតុំ សហេតុកំ ធម្មំ បដិច្ច អកុសលោ នហេតុ សហេតុកោ ធម្មោ ឧប្បជ្ជតិ ហេតុបច្ចយា. (១)

អព្យាកតំ នហេតុំ សហេតុកំ ធម្មំ បដិច្ច អព្យាកតោ នហេតុ សហេតុកោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

២៨០. ហេតុយា តីណិ, អារម្មណេ តីណិ…បេ… អវិគតេ តីណិ (សំខិត្តំ).

នអធិបតិយា តីណិ (សំខិត្តំ).

(សហជាតវារម្បិ…បេ… សម្បយុត្តវារម្បិ បដិច្ចវារសទិសំ.)

អារម្មណបច្ចយោ

២៨១. កុសលោ នហេតុ សហេតុកោ ធម្មោ កុសលស្ស នហេតុស្ស សហេតុកស្ស ធម្មស្ស អារម្មណបច្ចយេន បច្ចយោ… តីណិ.

អកុសលោ នហេតុ សហេតុកោ ធម្មោ អកុសលស្ស នហេតុស្ស សហេតុកស្ស ធម្មស្ស អារម្មណបច្ចយេន បច្ចយោ… តីណិ.

អព្យាកតោ នហេតុ សហេតុកោ ធម្មោ អព្យាកតស្ស នហេតុស្ស សហេតុកស្ស ធម្មស្ស អារម្មណបច្ចយេន បច្ចយោ… តីណិ (សំខិត្តំ).

២៨២. អារម្មណេ នវ, អធិបតិយា សត្ត, អនន្តរេ បញ្ច…បេ… សហជាតេ អញ្ញមញ្ញេ និស្សយេ តីណិ, ឧបនិស្សយេ នវ, អាសេវនេ តីណិ, កម្មេ បញ្ច, វិបាកេ ឯកំ, អាហារេ…បេ… សម្បយុត្តេ តីណិ…បេ… អវិគតេ តីណិ (សំខិត្តំ).

នហេតុយា នវ, នអារម្មណេ នវ (សំខិត្តំ).

អារម្មណបច្ចយា នហេតុយា នវ (សំខិត្តំ).

នហេតុបច្ចយា អារម្មណេ នវ (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)

នហេតុអហេតុកបទំ

ហេតុបច្ចយោ

២៨៣. អព្យាកតំ នហេតុំ អហេតុកំ ធម្មំ បដិច្ច អព្យាកតោ នហេតុ អហេតុកោ ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ).

នហេតុយា ឯកំ…បេ… នោវិគតេ ឯកំ (សំខិត្តំ).

(សហជាតវារម្បិ…បេ… សម្បយុត្តវារម្បិ បដិច្ចវារសទិសំ.)

២៨៤. អព្យាកតោ នហេតុ អហេតុកោ ធម្មោ អព្យាកតស្ស នហេតុស្ស អហេតុកស្ស ធម្មស្ស អារម្មណបច្ចយេន បច្ចយោ (សំខិត្តំ).

អារម្មណេ ឯកំ, អធិបតិយា ឯកំ…បេ… អវិគតេ ឯកំ (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)

ហេតុគោច្ឆកំ និដ្ឋិតំ.