១-៧. បដិច្ចវារាទិ
បច្ចយចតុក្កំ
ហេតុបច្ចយោ
២៧១. កុសលំ ហេតុញ្ចេវ ហេតុសម្បយុត្តញ្ច ធម្មំ បដិច្ច កុសលោ ហេតុ ចេវ ហេតុសម្បយុត្តោ ច ធម្មោ ឧប្បជ្ជតិ ហេតុបច្ចយា. (១)
អកុសលំ ហេតុញ្ចេវ ហេតុសម្បយុត្តញ្ច ធម្មំ បដិច្ច អកុសលោ ហេតុ ចេវ ហេតុសម្បយុត្តោ ច ធម្មោ ឧប្បជ្ជតិ ហេតុបច្ចយា. (១)
អព្យាកតំ ហេតុញ្ចេវ ហេតុសម្បយុត្តញ្ច ធម្មំ បដិច្ច អព្យាកតោ ហេតុ ចេវ ហេតុសម្បយុត្តោ ច ធម្មោ ឧប្បជ្ជតិ ហេតុបច្ចយា (សំខិត្តំ).
២៧២. ហេតុយា តីណិ…បេ… អវិគតេ តីណិ (សំខិត្តំ).
នអធិបតិយា តីណិ (សំខិត្តំ).
ហេតុបច្ចយា នអធិបតិយា តីណិ (សំខិត្តំ).
នអធិបតិបច្ចយា ហេតុយា តីណិ (សំខិត្តំ).
(សហជាតវារម្បិ…បេ… សម្បយុត្តវារម្បិ បដិច្ចវារសទិសំ.)
ហេតុ-អារម្មណបច្ចយា
២៧៣. កុសលោ ហេតុ ចេវ ហេតុសម្បយុត្តោ ច ធម្មោ កុសលស្ស ហេតុស្ស ចេវ ហេតុសម្បយុត្តស្ស ច ធម្មស្ស ហេតុបច្ចយេន បច្ចយោ. (១)
អកុសលោ ហេតុ ចេវ ហេតុសម្បយុត្តោ ច ធម្មោ អកុសលស្ស ហេតុស្ស ចេវ ហេតុសម្បយុត្តស្ស ច ធម្មស្ស ហេតុបច្ចយេន បច្ចយោ. (១)
អព្យាកតោ ហេតុ ចេវ ហេតុសម្បយុត្តោ ច ធម្មោ អព្យាកតស្ស ហេតុស្ស ចេវ ហេតុសម្បយុត្តស្ស ច ធម្មស្ស ហេតុបច្ចយេន បច្ចយោ. (១)
កុសលោ ហេតុ ចេវ ហេតុសម្បយុត្តោ ច ធម្មោ កុសលស្ស ហេតុស្ស ចេវ ហេតុសម្បយុត្តស្ស ច ធម្មស្ស អារម្មណបច្ចយេន បច្ចយោ (សំខិត្តំ).
២៧៤. ហេតុយា តីណិ, អារម្មណេ នវ, អធិបតិយា សត្ត, អនន្តរេ បញ្ច…បេ… អវិគតេ តីណិ (សំខិត្តំ).
នហេតុយា នវ, នអារម្មណេ នវ (សំខិត្តំ).
ហេតុបច្ចយា នអារម្មណេ តីណិ (សំខិត្តំ).
នហេតុបច្ចយា អារម្មណេ នវ (សំខិត្តំ).
(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)