១-៧. បដិច្ចវារាទិ

បច្ចយចតុក្កំ

ហេតុបច្ចយោ

២១៨. អតីតារម្មណំ នហេតុំ ធម្មំ បដិច្ច អតីតារម្មណោ នហេតុ ធម្មោ ឧប្បជ្ជតិ ហេតុបច្ចយា. (១)

អនាគតារម្មណំ នហេតុំ ធម្មំ បដិច្ច អនាគតារម្មណោ នហេតុ ធម្មោ ឧប្បជ្ជតិ ហេតុបច្ចយា. (១)

បច្ចុប្បន្នារម្មណំ នហេតុំ ធម្មំ បដិច្ច បច្ចុប្បន្នារម្មណោ នហេតុ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

២១៩. ហេតុយា តីណិ, អារម្មណេ តីណិ, អធិបតិយា តីណិ…បេ… អវិគតេ តីណិ (សំខិត្តំ).

នហេតុយា តីណិ, នអធិបតិយា តីណិ, នបុរេជាតេ តីណិ, នបច្ឆាជាតេ តីណិ, នអាសេវនេ តីណិ, នកម្មេ តីណិ, នវិបាកេ តីណិ, នឈានេ ឯកំ, នមគ្គេ តីណិ, នវិប្បយុត្តេ ទ្វេ (សំខិត្តំ).

(សហជាតវារម្បិ…បេ… សម្បយុត្តវារម្បិ បដិច្ចវារសទិសំ វិត្ថារេតព្ពំ.)

អារម្មណបច្ចយោ

២២០. អតីតារម្មណោ នហេតុ ធម្មោ អតីតារម្មណស្ស នហេតុស្ស ធម្មស្ស អារម្មណបច្ចយេន បច្ចយោ… តីណិ.

អនាគតារម្មណោ នហេតុ ធម្មោ អនាគតារម្មណស្ស នហេតុស្ស ធម្មស្ស អារម្មណបច្ចយេន បច្ចយោ… តីណិ.

បច្ចុប្បន្នារម្មណោ នហេតុ ធម្មោ បច្ចុប្បន្នារម្មណស្ស នហេតុស្ស ធម្មស្ស អារម្មណបច្ចយេន បច្ចយោ… តីណិ (សំខិត្តំ).

២២១. អារម្មណេ នវ, អធិបតិយា សត្ត…បេ… អវិគតេ តីណិ (សំខិត្តំ).

នហេតុយា នវ, នអារម្មណេ នវ (សំខិត្តំ).

អារម្មណបច្ចយា នហេតុយា នវ (សំខិត្តំ).

នហេតុបច្ចយា អារម្មណេ នវ (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)