៧. បញ្ហាវារោ

បច្ចយចតុក្កំ

ហេតុបច្ចយាទិ

២០៥. ឧប្បន្នោ ហេតុ ធម្មោ ឧប្បន្នស្ស ហេតុស្ស ធម្មស្ស ហេតុបច្ចយេន បច្ចយោ – ឧប្បន្នា ហេតូ សម្បយុត្តកានំ ហេតូនំ ហេតុបច្ចយេន បច្ចយោ; បដិសន្ធិក្ខណេ…បេ…. (១)

អនុប្បន្នោ ហេតុ ធម្មោ ឧប្បន្នស្ស ហេតុស្ស ធម្មស្ស អារម្មណបច្ចយេន បច្ចយោ – អនុប្បន្នា ហេតូ ចេតោបរិយញាណស្ស អនាគតំសញាណស្ស អារម្មណបច្ចយេន បច្ចយោ. ឧប្បាទី ហេតុ ធម្មោ ឧប្បន្នស្ស ហេតុស្ស ធម្មស្ស អារម្មណបច្ចយេន បច្ចយោ – ឧប្បាទី ហេតូ ចេតោបរិយញាណស្ស អនាគតំសញាណស្ស អារម្មណបច្ចយេន បច្ចយោ. (២)

ឧប្បន្នោ ហេតុ ធម្មោ ឧប្បន្នស្ស ហេតុស្ស ធម្មស្ស អធិបតិបច្ចយេន បច្ចយោ… តីណិ.

សហជាតបច្ចយេន បច្ចយោ… អញ្ញមញ្ញបច្ចយេន បច្ចយោ… និស្សយបច្ចយេន បច្ចយោ… ឧបនិស្សយបច្ចយេន បច្ចយោ… វិបាកបច្ចយេន បច្ចយោ… ឥន្ទ្រិយបច្ចយេន បច្ចយោ… មគ្គបច្ចយេន បច្ចយោ… សម្បយុត្តបច្ចយេន បច្ចយោ… អត្ថិបច្ចយេន បច្ចយោ…បេ… អវិគតបច្ចយេន បច្ចយោ.

២០៦. ហេតុយា ឯកំ, អារម្មណេ ទ្វេ, អធិបតិយា តីណិ, សហជាតេ ឯកំ, អញ្ញមញ្ញេ ឯកំ, និស្សយេ ឯកំ, ឧបនិស្សយេ ទ្វេ…បេ… អវិគតេ ឯកំ (សំខិត្តំ).

នហេតុយា ទ្វេ, នអារម្មណេ ទ្វេ (សំខិត្តំ).

ហេតុបច្ចយា នអារម្មណេ ឯកំ (សំខិត្តំ).

នហេតុបច្ចយា អារម្មណេ ទ្វេ (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)

នហេតុបទំ

អារម្មណបច្ចយាទិ

២០៧. ឧប្បន្នោ នហេតុ ធម្មោ ឧប្បន្នស្ស នហេតុស្ស ធម្មស្ស អារម្មណបច្ចយេន បច្ចយោ. (១)

អនុប្បន្នោ នហេតុ ធម្មោ ឧប្បន្នស្ស នហេតុស្ស ធម្មស្ស អារម្មណបច្ចយេន បច្ចយោ. (១)

ឧប្បាទី នហេតុ ធម្មោ ឧប្បន្នស្ស នហេតុស្ស ធម្មស្ស អារម្មណបច្ចយេន បច្ចយោ. (១)

២០៨. ឧប្បន្នោ នហេតុ ធម្មោ ឧប្បន្នស្ស នហេតុស្ស ធម្មស្ស អធិបតិបច្ចយេន បច្ចយោ. (១)

អនុប្បន្នោ នហេតុ ធម្មោ ឧប្បន្នស្ស នហេតុស្ស ធម្មស្ស អធិបតិបច្ចយេន បច្ចយោ. (១)

ឧប្បាទី នហេតុ ធម្មោ ឧប្បន្នស្ស នហេតុស្ស ធម្មស្ស អធិបតិបច្ចយេន បច្ចយោ. (១)

ឧប្បន្នោ នហេតុ ធម្មោ ឧប្បន្នស្ស នហេតុស្ស ធម្មស្ស សហជាតបច្ចយេន បច្ចយោ… អញ្ញមញ្ញបច្ចយេន បច្ចយោ… និស្សយបច្ចយេន បច្ចយោ… ឧបនិស្សយបច្ចយេន បច្ចយោ.

អនុប្បន្នោ នហេតុ ធម្មោ ឧប្បន្នស្ស នហេតុស្ស ធម្មស្ស ឧបនិស្សយបច្ចយេន បច្ចយោ.

ឧប្បាទី នហេតុ ធម្មោ ឧប្បន្នស្ស នហេតុស្ស ធម្មស្ស ឧបនិស្សយបច្ចយេន បច្ចយោ (សំខិត្តំ).

២០៩. អារម្មណេ តីណិ, អធិបតិយា តីណិ, សហជាតេ ឯកំ, អញ្ញមញ្ញេ ឯកំ, និស្សយេ ឯកំ, ឧបនិស្សយេ តីណិ…បេ… អវិគតេ ឯកំ (សំខិត្តំ).

នហេតុយា តីណិ, នអារម្មណេ តីណិ (សំខិត្តំ).

អារម្មណបច្ចយា នហេតុយា តីណិ (សំខិត្តំ).

នហេតុបច្ចយា អារម្មណេ តីណិ (សំខិត្តំ).