១-៧. បដិច្ចវារាទិ
បច្ចយចតុក្កំ
ហេតុបច្ចយោ
១៩២. មគ្គារម្មណំ ហេតុំ ធម្មំ បដិច្ច មគ្គារម្មណោ ហេតុ ធម្មោ ឧប្បជ្ជតិ ហេតុបច្ចយា… តីណិ.
មគ្គហេតុកំ ហេតុំ ធម្មំ បដិច្ច មគ្គហេតុកោ ហេតុ ធម្មោ ឧប្បជ្ជតិ ហេតុបច្ចយា… តីណិ.
មគ្គាធិបតិំ ហេតុំ ធម្មំ បដិច្ច មគ្គាធិបតិ ហេតុ ធម្មោ ឧប្បជ្ជតិ ហេតុបច្ចយា… បញ្ច.
មគ្គារម្មណំ ហេតុញ្ច មគ្គាធិបតិំ ហេតុញ្ច ធម្មំ បដិច្ច មគ្គារម្មណោ ហេតុ ធម្មោ ឧប្បជ្ជតិ ហេតុបច្ចយា… តីណិ.
មគ្គហេតុកំ ហេតុញ្ច មគ្គាធិបតិំ ហេតុញ្ច ធម្មំ បដិច្ច មគ្គហេតុកោ ហេតុ ធម្មោ ឧប្បជ្ជតិ ហេតុបច្ចយា… តីណិ (សំខិត្តំ).
១៩៣. ហេតុយា សត្តរស…បេ… អវិគតេ សត្តរស (សំខិត្តំ).
នអធិបតិយា សត្តរស, នបុរេជាតេ សត្តរស…បេ… នអាសេវនេ នវ, នវិបាកេ សត្តរស, នវិប្បយុត្តេ សត្តរស (សំខិត្តំ).
(សហជាតវារម្បិ…បេ… សម្បយុត្តវារម្បិ បដិច្ចវារសទិសំ វិត្ថារេតព្ពំ.)
ហេតុ-អារម្មណបច្ចយាទិ
១៩៤. មគ្គារម្មណោ ហេតុ ធម្មោ មគ្គារម្មណស្ស ហេតុស្ស ធម្មស្ស ហេតុបច្ចយេន បច្ចយោ… តីណិ.
មគ្គហេតុកោ ហេតុ ធម្មោ មគ្គហេតុកស្ស ហេតុស្ស ធម្មស្ស ហេតុបច្ចយេន បច្ចយោ… តីណិ.
មគ្គាធិបតិ ហេតុ ធម្មោ មគ្គាធិបតិស្ស ហេតុស្ស ធម្មស្ស ហេតុបច្ចយេន បច្ចយោ… បញ្ច.
មគ្គារម្មណោ ហេតុ ច មគ្គាធិបតិ ហេតុ ច ធម្មា មគ្គារម្មណស្ស ហេតុស្ស ធម្មស្ស ហេតុបច្ចយេន បច្ចយោ… តីណិ.
មគ្គហេតុកោ ហេតុ ច មគ្គាធិបតិ ហេតុ ច ធម្មា មគ្គហេតុកស្ស ហេតុស្ស ធម្មស្ស ហេតុបច្ចយេន បច្ចយោ… តីណិ.
មគ្គហេតុកោ ហេតុ ធម្មោ មគ្គារម្មណស្ស ហេតុស្ស ធម្មស្ស អារម្មណបច្ចយេន បច្ចយោ. មគ្គហេតុកោ ហេតុ ធម្មោ មគ្គាធិបតិស្ស ហេតុស្ស ធម្មស្ស អារម្មណបច្ចយេន បច្ចយោ. មគ្គហេតុកោ ហេតុ ធម្មោ មគ្គារម្មណស្ស ហេតុស្ស ច មគ្គាធិបតិស្ស ហេតុស្ស ច ធម្មស្ស អារម្មណបច្ចយេន បច្ចយោ. (៣)
មគ្គាធិបតិ ហេតុ ធម្មោ មគ្គាធិបតិស្ស ហេតុស្ស ធម្មស្ស អារម្មណបច្ចយេន បច្ចយោ… តីណិ.
មគ្គហេតុកោ ហេតុ ច មគ្គាធិបតិ ហេតុ ច ធម្មា មគ្គារម្មណស្ស ហេតុស្ស ធម្មស្ស អារម្មណបច្ចយេន បច្ចយោ… តីណិ.
១៩៥. មគ្គារម្មណោ ហេតុ ធម្មោ មគ្គារម្មណស្ស ហេតុស្ស ធម្មស្ស អធិបតិបច្ចយេន បច្ចយោ… តីណិ.
មគ្គហេតុកោ ហេតុ ធម្មោ មគ្គហេតុកស្ស ហេតុស្ស ធម្មស្ស អធិបតិបច្ចយេន បច្ចយោ… បញ្ច.
មគ្គាធិបតិ ហេតុ ធម្មោ មគ្គាធិបតិស្ស ហេតុស្ស ធម្មស្ស អធិបតិបច្ចយេន បច្ចយោ… បញ្ច.
មគ្គារម្មណោ ហេតុ ច មគ្គាធិបតិ ហេតុ ច ធម្មា មគ្គារម្មណស្ស ហេតុស្ស ធម្មស្ស អធិបតិបច្ចយេន បច្ចយោ… តីណិ.
មគ្គហេតុកោ ហេតុ ច មគ្គាធិបតិ ហេតុ ច ធម្មា មគ្គារម្មណស្ស ហេតុស្ស ធម្មស្ស អធិបតិបច្ចយេន បច្ចយោ… បញ្ច.
មគ្គារម្មណោ ហេតុ ធម្មោ មគ្គារម្មណស្ស ហេតុស្ស ធម្មស្ស អនន្តរបច្ចយេន បច្ចយោ… តីណិ.
មគ្គាធិបតិ ហេតុ ធម្មោ មគ្គាធិបតិស្ស ហេតុស្ស ធម្មស្ស អនន្តរបច្ចយេន បច្ចយោ… តីណិ.
មគ្គារម្មណោ ហេតុ ច មគ្គាធិបតិ ហេតុ ច ធម្មា មគ្គារម្មណស្ស ហេតុស្ស ធម្មស្ស អនន្តរបច្ចយេន បច្ចយោ… តីណិ (សំខិត្តំ).
១៩៦. ហេតុយា សត្តរស, អារម្មណេ នវ, អធិបតិយា ឯកវីស, អនន្តរេ នវ, សមនន្តរេ នវ, សហជាតេ សត្តរស, អញ្ញមញ្ញេ សត្តរស, និស្សយេ សត្តរស, ឧបនិស្សយេ ឯកវីស…បេ… អវិគតេ សត្តរស (សំខិត្តំ).
នហេតុយា ឯកវីស, នអារម្មណេ សត្តរស (សំខិត្តំ).
ហេតុបច្ចយា នអារម្មណេ សត្តរស (សំខិត្តំ).
នហេតុបច្ចយា អារម្មណេ នវ (សំខិត្តំ).
(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)