១-៧. បដិច្ចវារាទិ

បច្ចយចតុក្កំ

ហេតុបច្ចយោ

១៤៦. សេក្ខំ ហេតុំ ធម្មំ បដិច្ច សេក្ខោ ហេតុ ធម្មោ ឧប្បជ្ជតិ ហេតុបច្ចយា. (១)

អសេក្ខំ ហេតុំ ធម្មំ បដិច្ច អសេក្ខោ ហេតុ ធម្មោ ឧប្បជ្ជតិ ហេតុបច្ចយា. (១)

នេវសេក្ខនាសេក្ខំ ហេតុំ ធម្មំ បដិច្ច នេវសេក្ខនាសេក្ខោ ហេតុ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

១៤៧. ហេតុយា តីណិ, អារម្មណេ តីណិ, អធិបតិយា តីណិ…បេ… អវិគតេ តីណិ (សំខិត្តំ).

នអធិបតិយា តីណិ, នបុរេជាតេ តីណិ, នបច្ឆាជាតេ តីណិ, នអាសេវនេ តីណិ, នវិបាកេ ទ្វេ, នវិប្បយុត្តេ តីណិ (សំខិត្តំ).

ហេតុបច្ចយា នអធិបតិយា តីណិ (សំខិត្តំ).

នអធិបតិបច្ចយា ហេតុយា តីណិ (សំខិត្តំ).

(សហជាតវារម្បិ…បេ… សម្បយុត្តវារម្បិ វិត្ថារេតព្ពំ.)

ហេតុ-អារម្មណបច្ចយាទិ

១៤៨. សេក្ខោ ហេតុ ធម្មោ សេក្ខស្ស ហេតុស្ស ធម្មស្ស ហេតុបច្ចយេន បច្ចយោ. (១)

អសេក្ខោ ហេតុ ធម្មោ អសេក្ខស្ស ហេតុស្ស ធម្មស្ស ហេតុបច្ចយេន បច្ចយោ. (១)

នេវសេក្ខនាសេក្ខោ ហេតុ ធម្មោ នេវសេក្ខនាសេក្ខស្ស ហេតុស្ស ធម្មស្ស ហេតុបច្ចយេន បច្ចយោ. (១)

១៤៩. សេក្ខោ ហេតុ ធម្មោ នេវសេក្ខនាសេក្ខស្ស ហេតុស្ស ធម្មស្ស អារម្មណបច្ចយេន បច្ចយោ. (១)

អសេក្ខោ ហេតុ ធម្មោ នេវសេក្ខនាសេក្ខស្ស ហេតុស្ស ធម្មស្ស អារម្មណបច្ចយេន បច្ចយោ. (១)

នេវសេក្ខនាសេក្ខោ ហេតុ ធម្មោ នេវសេក្ខនាសេក្ខស្ស ហេតុស្ស ធម្មស្ស អារម្មណបច្ចយេន បច្ចយោ. (១)

១៥០. សេក្ខោ ហេតុ ធម្មោ សេក្ខស្ស ហេតុស្ស ធម្មស្ស អធិបតិបច្ចយេន បច្ចយោ. សេក្ខោ ហេតុ ធម្មោ នេវសេក្ខនាសេក្ខស្ស ហេតុស្ស ធម្មស្ស អធិបតិបច្ចយេន បច្ចយោ. (២)

អសេក្ខោ ហេតុ ធម្មោ អសេក្ខស្ស ហេតុស្ស ធម្មស្ស អធិបតិបច្ចយេន បច្ចយោ. អសេក្ខោ ហេតុ ធម្មោ នេវសេក្ខនាសេក្ខស្ស ហេតុស្ស ធម្មស្ស អធិបតិបច្ចយេន បច្ចយោ. (២)

នេវសេក្ខនាសេក្ខោ ហេតុ ធម្មោ នេវសេក្ខនាសេក្ខស្ស ហេតុស្ស ធម្មស្ស អធិបតិបច្ចយេន បច្ចយោ. (១)

១៥១. សេក្ខោ ហេតុ ធម្មោ សេក្ខស្ស ហេតុស្ស ធម្មស្ស អនន្តរបច្ចយេន បច្ចយោ. សេក្ខោ ហេតុ ធម្មោ អសេក្ខស្ស ហេតុស្ស ធម្មស្ស អនន្តរបច្ចយេន បច្ចយោ. សេក្ខោ ហេតុ ធម្មោ នេវសេក្ខនាសេក្ខស្ស ហេតុស្ស ធម្មស្ស អនន្តរបច្ចយេន បច្ចយោ. (៣)

អសេក្ខោ ហេតុ ធម្មោ អសេក្ខស្ស ហេតុស្ស ធម្មស្ស អនន្តរបច្ចយេន បច្ចយោ. អសេក្ខោ ហេតុ ធម្មោ នេវសេក្ខនាសេក្ខស្ស ហេតុស្ស ធម្មស្ស អនន្តរបច្ចយេន បច្ចយោ. (២)

នេវសេក្ខនាសេក្ខោ ហេតុ ធម្មោ នេវសេក្ខនាសេក្ខស្ស ហេតុស្ស ធម្មស្ស អនន្តរបច្ចយេន បច្ចយោ. នេវសេក្ខនាសេក្ខោ ហេតុ ធម្មោ សេក្ខស្ស ហេតុស្ស ធម្មស្ស អនន្តរបច្ចយេន បច្ចយោ. នេវសេក្ខនាសេក្ខោ ហេតុ ធម្មោ អសេក្ខស្ស ហេតុស្ស ធម្មស្ស អនន្តរបច្ចយេន បច្ចយោ. (៣) (សំខិត្តំ.)

១៥២. ហេតុយា តីណិ, អារម្មណេ តីណិ, អធិបតិយា បញ្ច, អនន្តរេ អដ្ឋ, សមនន្តរេ អដ្ឋ, សហជាតេ តីណិ, អញ្ញមញ្ញេ តីណិ, និស្សយេ តីណិ, ឧបនិស្សយេ អដ្ឋ…បេ… អវិគតេ តីណិ (សំខិត្តំ).

នហេតុយា អដ្ឋ, នអារម្មណេ អដ្ឋ (សំខិត្តំ).

ហេតុបច្ចយា នអារម្មណេ តីណិ (សំខិត្តំ).

នហេតុបច្ចយា អារម្មណេ តីណិ (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)

នហេតុបទំ