១-៧. បដិច្ចវារាទិ

បច្ចយចតុក្កំ

១១៤. ទស្សនេន បហាតព្ពំ ហេតុំ ធម្មំ បដិច្ច ទស្សនេន បហាតព្ពោ ហេតុ ធម្មោ ឧប្បជ្ជតិ ហេតុបច្ចយា. (១)

ភាវនាយ បហាតព្ពំ ហេតុំ ធម្មំ បដិច្ច ភាវនាយ បហាតព្ពោ ហេតុ ធម្មោ ឧប្បជ្ជតិ ហេតុបច្ចយា. (១)

នេវទស្សនេន នភាវនាយ បហាតព្ពំ ហេតុំ ធម្មំ បដិច្ច នេវទស្សនេន នភាវនាយ បហាតព្ពោ ហេតុ ធម្មោ ឧប្បជ្ជតិ ហេតុបច្ចយា (សំខិត្តំ).

១១៥. ហេតុយា តីណិ (សព្ពត្ថ តីណិ), វិបាកេ ឯកំ…បេ… អវិគតេ តីណិ.

នអធិបតិយា តីណិ, នបុរេជាតេ តីណិ…បេ… នវិប្បយុត្តេ តីណិ (សំខិត្តំ. សហជាតវារម្បិ…បេ… សម្បយុត្តវារម្បិ វិត្ថារេតព្ពំ).

១១៦. ទស្សនេន បហាតព្ពោ ហេតុ ធម្មោ ទស្សនេន បហាតព្ពស្ស ហេតុស្ស ធម្មស្ស ហេតុបច្ចយេន បច្ចយោ… តីណិ.

ទស្សនេន បហាតព្ពោ ហេតុ ធម្មោ ទស្សនេន បហាតព្ពស្ស ហេតុស្ស ធម្មស្ស អារម្មណបច្ចយេន បច្ចយោ (សំខិត្តំ).

១១៧. ហេតុយា តីណិ, អារម្មណេ អដ្ឋ, អធិបតិយា ឆ, អនន្តរេ បញ្ច, សមនន្តរេ បញ្ច, សហជាតេ តីណិ, អញ្ញមញ្ញេ តីណិ, និស្សយេ តីណិ, ឧបនិស្សយេ អដ្ឋ, អាសេវនេ តីណិ, វិបាកេ ឯកំ, ឥន្ទ្រិយេ ឯកំ, មគ្គេ ឯកំ…បេ… អវិគតេ តីណិ (សំខិត្តំ).

នហេតុយា អដ្ឋ, នអារម្មណេ អដ្ឋ (សំខិត្តំ).

ហេតុបច្ចយា នអារម្មណេ តីណិ (សំខិត្តំ).

នហេតុបច្ចយា អារម្មណេ អដ្ឋ (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)

នហេតុបទំ