៧. បញ្ហាវារោ

បច្ចយចតុក្កំ

អារម្មណបច្ចយោ

៩៤. សវិតក្កសវិចារោ នហេតុ ធម្មោ សវិតក្កសវិចារស្ស នហេតុស្ស ធម្មស្ស អារម្មណបច្ចយេន បច្ចយោ. សវិតក្កសវិចារោ នហេតុ ធម្មោ អវិតក្កវិចារមត្តស្ស នហេតុស្ស ធម្មស្ស អារម្មណបច្ចយេន បច្ចយោ. សវិតក្កសវិចារោ នហេតុ ធម្មោ អវិតក្កអវិចារស្ស នហេតុស្ស ធម្មស្ស អារម្មណបច្ចយេន បច្ចយោ. សវិតក្កសវិចារោ នហេតុ ធម្មោ សវិតក្កសវិចារស្ស នហេតុស្ស ច អវិតក្កវិចារមត្តស្ស នហេតុស្ស ច ធម្មស្ស អារម្មណបច្ចយេន បច្ចយោ… ចត្តារិ.

៩៥. អវិតក្កវិចារមត្តោ នហេតុ ធម្មោ អវិតក្កវិចារមត្តស្ស នហេតុស្ស ធម្មស្ស អារម្មណបច្ចយេន បច្ចយោ. អវិតក្កវិចារមត្តោ នហេតុ ធម្មោ សវិតក្កសវិចារស្ស នហេតុស្ស ធម្មស្ស អារម្មណបច្ចយេន បច្ចយោ. អវិតក្កវិចារមត្តោ នហេតុ ធម្មោ អវិតក្កអវិចារស្ស នហេតុស្ស ធម្មស្ស អារម្មណបច្ចយេន បច្ចយោ. អវិតក្កវិចារមត្តោ នហេតុ ធម្មោ សវិតក្កសវិចារស្ស នហេតុស្ស ច អវិតក្កវិចារមត្តស្ស នហេតុស្ស ច ធម្មស្ស អារម្មណបច្ចយេន បច្ចយោ… ចត្តារិ.

៩៦. អវិតក្កអវិចារោ នហេតុ ធម្មោ អវិតក្កអវិចារស្ស នហេតុស្ស ធម្មស្ស អារម្មណបច្ចយេន បច្ចយោ. អវិតក្កអវិចារោ នហេតុ ធម្មោ សវិតក្កសវិចារស្ស នហេតុស្ស ធម្មស្ស អារម្មណបច្ចយេន បច្ចយោ. អវិតក្កអវិចារោ នហេតុ ធម្មោ អវិតក្កវិចារមត្តស្ស នហេតុស្ស ធម្មស្ស អារម្មណបច្ចយេន បច្ចយោ. អវិតក្កអវិចារោ នហេតុ ធម្មោ អវិតក្កវិចារមត្តស្ស នហេតុស្ស ច អវិតក្កអវិចារស្ស នហេតុស្ស ច ធម្មស្ស អារម្មណបច្ចយេន បច្ចយោ. អវិតក្កអវិចារោ នហេតុ ធម្មោ សវិតក្កសវិចារស្ស នហេតុស្ស ច អវិតក្កវិចារមត្តស្ស នហេតុស្ស ច ធម្មស្ស អារម្មណបច្ចយេន បច្ចយោ… បញ្ច.

៩៧. អវិតក្កវិចារមត្តោ នហេតុ ច អវិតក្កអវិចារោ នហេតុ ច ធម្មា សវិតក្កសវិចារស្ស នហេតុស្ស ធម្មស្ស អារម្មណបច្ចយេន បច្ចយោ. អវិតក្កវិចារមត្តោ នហេតុ ច អវិតក្កអវិចារោ នហេតុ ច ធម្មា អវិតក្កវិចារមត្តស្ស នហេតុស្ស ធម្មស្ស អារម្មណបច្ចយេន បច្ចយោ. អវិតក្កវិចារមត្តោ នហេតុ ច អវិតក្កអវិចារោ នហេតុ ច ធម្មា អវិតក្កអវិចារស្ស នហេតុស្ស ធម្មស្ស អារម្មណបច្ចយេន បច្ចយោ. អវិតក្កវិចារមត្តោ នហេតុ ច អវិតក្កអវិចារោ នហេតុ ច ធម្មា សវិតក្កសវិចារស្ស នហេតុស្ស ច អវិតក្កវិចារមត្តស្ស នហេតុស្ស ច ធម្មស្ស អារម្មណបច្ចយេន បច្ចយោ… ចត្តារិ.

៩៨. សវិតក្កសវិចារោ នហេតុ ច អវិតក្កវិចារមត្តោ នហេតុ ច ធម្មា សវិតក្កសវិចារស្ស នហេតុស្ស ធម្មស្ស អារម្មណបច្ចយេន បច្ចយោ. សវិតក្កសវិចារោ នហេតុ ច អវិតក្កវិចារមត្តោ នហេតុ ច ធម្មា អវិតក្កវិចារមត្តស្ស នហេតុស្ស ធម្មស្ស អារម្មណបច្ចយេន បច្ចយោ. សវិតក្កសវិចារោ នហេតុ ច អវិតក្កវិចារមត្តោ នហេតុ ច ធម្មា អវិតក្កអវិចារស្ស នហេតុស្ស ធម្មស្ស អារម្មណបច្ចយេន បច្ចយោ. សវិតក្កសវិចារោ នហេតុ ច អវិតក្កវិចារមត្តោ នហេតុ ច ធម្មា សវិតក្កសវិចារស្ស នហេតុស្ស ច អវិតក្កវិចារមត្តស្ស នហេតុស្ស ច ធម្មស្ស អារម្មណបច្ចយេន បច្ចយោ… ចត្តារិ.

អធិបតិបច្ចយោ

៩៩. សវិតក្កសវិចារោ នហេតុ ធម្មោ សវិតក្កសវិចារស្ស នហេតុស្ស ធម្មស្ស អធិបតិបច្ចយេន បច្ចយោ… សត្ត.

អវិតក្កវិចារមត្តោ នហេតុ ធម្មោ អវិតក្កវិចារមត្តស្ស នហេតុស្ស ធម្មស្ស អធិបតិបច្ចយេន បច្ចយោ… បញ្ច.

អវិតក្កអវិចារោ នហេតុ ធម្មោ អវិតក្កអវិចារស្ស នហេតុស្ស ធម្មស្ស អធិបតិបច្ចយេន បច្ចយោ… បញ្ច.

អវិតក្កវិចារមត្តោ នហេតុ ច អវិតក្កអវិចារោ នហេតុ ច ធម្មា សវិតក្កសវិចារស្ស នហេតុស្ស ធម្មស្ស អធិបតិបច្ចយេន បច្ចយោ… តីណិ.

សវិតក្កសវិចារោ នហេតុ ច អវិតក្កវិចារមត្តោ នហេតុ ច ធម្មា សវិតក្កសវិចារស្ស នហេតុស្ស ធម្មស្ស អធិបតិបច្ចយេន បច្ចយោ… តីណិ.

អនន្តរបច្ចយាទិ

១០០. សវិតក្កសវិចារោ នហេតុ ធម្មោ សវិតក្កសវិចារស្ស នហេតុស្ស ធម្មស្ស អនន្តរបច្ចយេន បច្ចយោ…បេ… សមនន្តរបច្ចយេន បច្ចយោ.

សវិតក្កសវិចារោ នហេតុ ធម្មោ សវិតក្កសវិចារស្ស នហេតុស្ស ធម្មស្ស ឧបនិស្សយបច្ចយេន បច្ចយោ (សំខិត្តំ).

១០១. អារម្មណេ ឯកវីស, អធិបតិយា តេវីស, អនន្តរេ បញ្ចវីស, សមនន្តរេ បញ្ចវីស, សហជាតេ តិំស, អញ្ញមញ្ញេ អដ្ឋវីស, និស្សយេ តិំស, ឧបនិស្សយេ បញ្ចវីស, បុរេជាតេ បញ្ច, បច្ឆាជាតេ បញ្ច, អាសេវនេ ឯកវីស, កម្មេ ឯកាទស, វិបាកេ ឯកវីស, អាហារេ ឯកាទស…បេ… អវិគតេ តិំស (សំខិត្តំ).

នហេតុយា បញ្ចតិំស, នអារម្មណេ បញ្ចតិំស, នអធិបតិយា បញ្ចតិំស (សំខិត្តំ).

អារម្មណបច្ចយា នហេតុយា ឯកវីស (សំខិត្តំ).

នហេតុបច្ចយា អារម្មណេ ឯកវីស (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)