៧. បញ្ហាវារោ

បច្ចយចតុក្កំ

៨០. សវិតក្កសវិចារោ ហេតុ ធម្មោ សវិតក្កសវិចារស្ស ហេតុស្ស ធម្មស្ស ហេតុបច្ចយេន បច្ចយោ. (១)

អវិតក្កវិចារមត្តោ ហេតុ ធម្មោ អវិតក្កវិចារមត្តស្ស ហេតុស្ស ធម្មស្ស ហេតុបច្ចយេន បច្ចយោ. (១)

អវិតក្កអវិចារោ ហេតុ ធម្មោ អវិតក្កអវិចារស្ស ហេតុស្ស ធម្មស្ស ហេតុបច្ចយេន បច្ចយោ. (១)

៨១. សវិតក្កសវិចារោ ហេតុ ធម្មោ សវិតក្កសវិចារស្ស ហេតុស្ស ធម្មស្ស អារម្មណបច្ចយេន បច្ចយោ. សវិតក្កសវិចារោ ហេតុ ធម្មោ អវិតក្កអវិចារស្ស ហេតុស្ស ធម្មស្ស អារម្មណបច្ចយេន បច្ចយោ. (២)

អវិតក្កវិចារមត្តោ ហេតុ ធម្មោ សវិតក្កសវិចារស្ស ហេតុស្ស ធម្មស្ស អារម្មណបច្ចយេន បច្ចយោ. អវិតក្កវិចារមត្តោ ហេតុ ធម្មោ អវិតក្កអវិចារស្ស ហេតុស្ស ធម្មស្ស អារម្មណបច្ចយេន បច្ចយោ. (២)

អវិតក្កអវិចារោ ហេតុ ធម្មោ អវិតក្កអវិចារស្ស ហេតុស្ស ធម្មស្ស អារម្មណបច្ចយេន បច្ចយោ. អវិតក្កអវិចារោ ហេតុ ធម្មោ សវិតក្កសវិចារស្ស ហេតុស្ស ធម្មស្ស អារម្មណបច្ចយេន បច្ចយោ. (២)

៨២. សវិតក្កសវិចារោ ហេតុ ធម្មោ សវិតក្កសវិចារស្ស ហេតុស្ស ធម្មស្ស អធិបតិបច្ចយេន បច្ចយោ. (១)

អវិតក្កវិចារមត្តោ ហេតុ ធម្មោ អវិតក្កវិចារមត្តស្ស ហេតុស្ស ធម្មស្ស អធិបតិបច្ចយេន បច្ចយោ. អវិតក្កវិចារមត្តោ ហេតុ ធម្មោ សវិតក្កសវិចារស្ស ហេតុស្ស ធម្មស្ស អធិបតិបច្ចយេន បច្ចយោ. (២)

អវិតក្កអវិចារោ ហេតុ ធម្មោ អវិតក្កអវិចារស្ស ហេតុស្ស ធម្មស្ស អធិបតិបច្ចយេន បច្ចយោ. អវិតក្កអវិចារោ ហេតុ ធម្មោ សវិតក្កសវិចារស្ស ហេតុស្ស ធម្មស្ស អធិបតិបច្ចយេន បច្ចយោ. (២)

៨៣. សវិតក្កសវិចារោ ហេតុ ធម្មោ សវិតក្កសវិចារស្ស ហេតុស្ស ធម្មស្ស អនន្តរបច្ចយេន បច្ចយោ… តីណិ.

អវិតក្កវិចារមត្តោ ហេតុ ធម្មោ អវិតក្កវិចារមត្តស្ស ហេតុស្ស ធម្មស្ស អនន្តរបច្ចយេន បច្ចយោ … តីណិ.

អវិតក្កអវិចារោ ហេតុ ធម្មោ អវិតក្កអវិចារស្ស ហេតុស្ស ធម្មស្ស អនន្តរបច្ចយេន បច្ចយោ… តីណិ…បេ….

សវិតក្កសវិចារោ ហេតុ ធម្មោ សវិតក្កសវិចារស្ស ហេតុស្ស ធម្មស្ស ឧបនិស្សយបច្ចយេន បច្ចយោ… នវ (សំខិត្តំ).

៨៤. ហេតុយា តីណិ, អារម្មណេ ឆ, អធិបតិយា បញ្ច, អនន្តរេ នវ, សមនន្តរេ នវ, សហជាតេ តីណិ, អញ្ញមញ្ញេ តីណិ, និស្សយេ តីណិ, ឧបនិស្សយេ នវ, អាសេវនេ បញ្ច, វិបាកេ តីណិ…បេ… អវិគតេ តីណិ.

នហេតុយា នវ, នអារម្មណេ នវ (សំខិត្តំ).

ហេតុបច្ចយា នអារម្មណេ តីណិ (សំខិត្តំ).

នហេតុបច្ចយា អារម្មណេ ឆ (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)

នហេតុបទំ.